Kisah Para Rasul 23:11 - Allah Wene Hurumbik Keron

¹¹ Yig isaruk atisireg weregma, o hup atuk atisimu, eke At Ninowe etno at Paulus ambeg waharuk atisireg yig ituk wilil, “Hat hindi hakol elegsoho welamin-o. Eke hat hebe o Yerusalem dumen An nawene etno yig isaruk aruhunteg, fobik o Roma etnowen ariroho yig isaruk aruhun-o,” ulug yig itisi.

Kisah Para Rasul 23:11 ပူးပေါင်းရင်းမြစ်များ

Matius 14:27

Inune uruk apagma, At etnowen yig isaruk wilil, “Hinahlahiroho-at welamiek-o. An nebe-at waharuk ahi du hinakol nea fug-o,” ulug yig isaruk apagma,

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Matius 9:2

Waharuk apagma, it ap ninen ap inggik iog oag mondog elehon etno e belaroho walug wapag. Walug waharuk apagma, At Yesus etnowen At obam eberepfulug walug waharuk enggag isaruk apareg, ap oag mondog elehon etno yig ituk wilil, “Namloho-o, hat hahientoho at welamin-o. Hat dag suruk atikinon epmano sohorep isalug, hobam hapelegsoho napma hombahiki-o,” ulug yig ituk apagma,

Lukas 16:28

An nikni ibam epma nosi fuaben angge wereg etna o hondok olokma an welahi ambeg duma wam nowen at Lazarus ari hurumbik yig isa lawag ulug lahapfin-o,’ ulug yig ituk apagma,

Yohanes 14:18

Yig isaruk apareg, eke fobik yig isaruk wilil, “An nebe hit udag wenaborlangge neken hinombisahalug lahuk fug-o. Fobik niog suhuluk hinambeg waruhuk-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Kisah Para Rasul 18:9

Ariroho ikma belap inaptuk atisireg, at Paulus etno nohoruk wilil i og haruk atisimu, At Yesusen yig ituk wilil, “Hat Allah wene hakol elegsoho yig isaruk aruhun-o.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 2:25

Ari bilin at Dauden hurumbik uruk wilil, ‘An nindi suon fibuk nowen ulug, At Allah ninggik bikit fil wilil, ninim weregma, nintul nantul haruk ahi-o.

Kisah Para Rasul 20:22

Eke kidia At Roh Kudus une yig nitukmu nesanggo holtuk wilil, o Yerusalem liog ulug suruk ahion du, iren ari angge nobam umbuhup ulug an napeleg-o.

Kisah Para Rasul 22:15

Eke hilanggen haruk wilil, hesanggo holtikinon etno it yi aphe di aphe obog inesanggo holtuk amag ulug yig isil nuruk aruhun-o.

Kisah Para Rasul 22:18

At Allahen yig nituk wilil, ‘Haren it aphe duma An nawene etno yig isarukmu, inesanggo holtuk eleg ari, hat o Yerusalem sohorep isalug, lamihin-o,’ ulug yig nituk atisimu,

1 Korintus 9:1

Eke an nebe yuhun-at sil nurukon buruk ahep ano? Eke At Ninowe etnowen wene yig isil nuruk amag ulug mondep nahabag fug buruk ahep ano? Eke an At Ninowe Yesus etno ilanggen kiroho harisi fug buruk ahep ano? An neyabuk At Ninowe inuk etno fam sirikikon etno hit o epma welahep fug ano?

Filipi 1:13

Eke an yi angge di angge nobam umburuson epmano fam it ap at Kaisar ibam aso werehon epmano inim, eke it nin epmano inim it obog-at, at Paulus ari At Kristus anggimbu halug hele waroko kolapfurusa-o, ulug iniluk atisi-o.

2 Timotius 4:17

Eke an nawene etno yig isaruk neyeheg At Ninowe ninim wilil noag werehep naharisimu, it ap Allah wene inapelehon epmano inil fam wene fano wene etno obog dindiloko yig isarikik-o. Yig isaruk atikikmu, wam singa elma dil inaptuk etno hag dil naptisi-o.