Kisah Para Rasul 22:3 - Allah Wene Hurumbik Keron

³ “An nebe o Tarsus Kilikia etnowen Yahudi ap-at endag atuk seyareg oke, o Yerusalem dumen at Gamaliel etnowen yanggul nituk wilil, it ninetamukien wene duroho suruk amuk eke duroho suruk am fug ulug ebahon etno fikfag yanggul nepag-o. Eke hit Allah yabuk suk ulug kidia hinahla buruk ahep etno hag, an Allah yabuk suk ulug ariroho-at nahla buruk seyag-o.

Kisah Para Rasul 22:3 ပူးပေါင်းရင်းမြစ်များ

Lukas 10:39

Esetuk heheg, at ot Maria etno At Yesus ambeg inim horieg wilil yanggul isebahon epmano esanggo holfag.

Lukas 2:46

Laruk apareg, ininggik henahanam o At Allah ibam epmanowen it Yahudi ap yanggul isarukon wene unde epmano inim wilil, esanggo holeheg, hinog og inabeheg surukmu, heahabag.

Lukas 8:35

it aphe epmanowen uruk wilil, “Keroho surukmu isehesareg ehesa-o,” ulug wenag inabik lebag. Wenag inabik laruk apareg, fobik At Yesus ambeg waharuk apag, at ap setan anggolo indimu kebahon etno indi ubulukmu atuk apareg, sum wantoho At Yesus inim horieg weregma inilanggen haruk apareg, inakol apag.

Kisah Para Rasul 11:25

Waruk wilil weregma, eke at Barnabas etno at Saulus heahiog ulug o Tarsus epma lebag.

Kisah Para Rasul 15:23

Holal etno og isuog ulug wene holal umburuk wilil, “Hit ninomini o Antiokhia, Siria, Kilikia epma wilil, Allah wene hinapeleg welatikipseg warikibon epmano nit hinomini At Yesusen mondep nisahebahon inim, eke nit ap inaso werehon inimen heahi war hinaptuk ahe-o.

Kisah Para Rasul 15:41

Laruk apareg, o Siria, Kilikia inim ya keheg sil laruk wilil, it Allah wene warukon epmano inindi oag wereg amag ulug yig isaruk apag.

Kisah Para Rasul 21:20

Yig isarukmu, it epmano inesanggo holtuk atusareg, it obohen At Allah inuk suontepfurusa. Suontepfuruk atusareg, at Paulus yig ituk wilil, “Ninomin-o, kidia nit dumen surukukon yig himul-o. It Yahudi ap epmano inebe beribu ribu Yesus inuk warusareg oke, it at Musaen wene duroho suruk amuk eke duroho suruk am fug ulug ebahon etno-at senetuk-o.

Kisah Para Rasul 21:39

at Paulus etnowen yig ituk wilil, “Hat demat ehen-o. An o Tarsus o Kilikia etnowen nebe Yahudi ap-at endag atuk seyahon etno o Tarsus suon etno-at welahi-o. Ariroho wilil, anden aphe duma wene misig yig isaminen haren yig nimin-o,” ulug yig ituk atisimu,

Kisah Para Rasul 23:34

Imbik waharuk atusama, at Gubernur etno holal baloko wane suruk atisireg, at Paulus endag apag ambeg hinog warisi. Hinog waruk atisimu, at Paulusen yig ituk wilil, “An nebe o Kilikiaen endag atuk seyag-o,” ulug yig ituk atisimu,

Kisah Para Rasul 23:6

Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 26:5

Ariroho welatikikon etno iren yig hisao hag anden yig hisaruk ahi-o. Eke an nebe bilin Farisi ap wilil, wene duroho suruk amuk eke duroho suruk am fug ulug yig nisebahon etno fikfag waruk atikik-o.

Kisah Para Rasul 26:9

Eke an nebe bilin At Yesus Nazareton etno inuk eleg amag ulug o Yerusalem etno sil nuruk atikik-o.

Kisah Para Rasul 5:34

Uruk apagma, ap iron misig inuk Gamaliel etno minapag. Minapahon etno aren Musa wene etno fam it aphe obog yig isarukmu une holtuk apagma, at ebe Farisi ap wilil, wene yig isiog ulug minapag.

Kisah Para Rasul 6:9

Sil nurukmu, it Yahudi ap nin inim winimug apag. Winimug apag etno, it Yahudi ap Allah wene uruk ambeg inuk Libertini soalfahon etno alem weregma, it Yahudi ap Sireniaon inim, eke Aleksandriaon inim, eke Kireniaon inim, eke Asiaon inim it obohen at Stefanus inim winimug apag.

Kisah Para Rasul 9:1

Eke fobik at Saulus etnowen it aphe Allah wene warukon epmano inusil laruk wilil, at ap imam suon etno ambeg laruk apareg,

Kisah Para Rasul 9:11

At Allahen yig ituk wilil, “Hat minatlug kwalem inuk Fanowon etno fam laruk wilil, at Yudas ibam etno kik wapmihinteg, haren ap o Tarsus ap misig inuk Saulus etna duma wereg ano?” ulug hinog wahun-o eke, “At ap etno sembahyang uruk heheg,

Kisah Para Rasul 9:30

Wabuog ulug surukmu, at Saulus omini epmano inesanggo holtuk apareg, at Saulus ebe walug o Kaisarea etno imbik laruk apareg, epmen o Tarsus lawag ulug lahapfebag.

Roma 11:1

Eke ari halug, At Allahen At udaki it Israel ap epmano ambit isarisireg sohorep isarisi ano? ulug hinog og saruk wilil, ari eleg-o, ulug yig isaruk ahi-o. Eke an nebe etno Israel ap-at wilil, nungguluag Benyaminon etno nebe Abraham etamu-at welahi-o.

2 Korintus 11:22

Eke it ap epmano inungguluag Ibrani ap wereg ano? Eke an hag ariroho-at welahi-o. Eke it hag Israel ap wereg ano? Eke an nebe ariroho-at welahi-o. Eke it hag at Abraham etamuki wereg ano? Eke an ariroho-at welahi-o.

Galatia 1:14

Eke it nomini Yahudion nin it Yahudi ap inawene etno yuhun-at waruson oke, eke an hag nindi fam fikfag eberoko neken waruk wilil, it ninetamukien ariroho siuk ulug ebahon epmano ilitoho-at suruk atikik-o.

Galatia 1:21

Eke fobik o Siria, Kilikia epmano waharikik-o.