Kisah Para Rasul 22:25 - Allah Wene Hurumbik Keron

²⁵ at ebe hele waroko umbulug yikangge wabuog ulug weregma, at Paulusen it inowe etno epma minduhuk wereg haruk atisireg yig ituk wilil, “An Roma ap hit hinomin-at wilil dag suruk atikik fuhon oke, yikangge nowabuk ari fano buruk ahen?” ulug yig ituk atisimu,

Kisah Para Rasul 22:25 ပူးပေါင်းရင်းမြစ်များ

Matius 10:17

Eke fobik sen hinaplug, it ap Allah unde suon wene baltuk ambeg epmano inim, eke o Allah wene uruk ambeg epmano inim, hinombisahik lalug, epmanowen yikangge hinusuhup-o.

Matius 27:54

Nin eke at sehen senehon inowe etno inim, it osi sehen senehon epmano inim At Yesus ebe inilanggen yaharoho aso welapahon epmano o yugul inim, eke yiroho diroho obog-at surukmu inilanggen haruk apareg, inakolen uruk wilil, “Ap du Allah Amloho demat hehe-o,” ulug ebag.

Matius 8:8

“Eleg-o, Nowe. Hat hebe suon atma, Hat an nambeg wam ari hai-o. Hune dumen-at imihinmu, an nanggimbu etno fano arikon-o.

Kisah Para Rasul 10:1

Eke o Kaisarea etno ap misig inuk Kornelius welapag. At etno it Italiaon Roma ap sehen senehon etno inebe seratus inowe welapag. Epma inowe wilil, ap etno Allah akol welapag.

Kisah Para Rasul 16:37

Ariroho yig itision oke, at Paulus etnowen it inowesi epmano yig isaruk wilil, “Eleg-o, nit Roma ap oke, nit ninobam dag sirikip ulug yig nisalug eleg-at selemen lambisog war ninaptuk atusareg, it ap dag surukon imbisaruk ambeg epmano kolap nisaharusa-o. Ariroho surusareg fam, eke kidia herako wilip nisahuog ulug ehesa ari ninambit-o. It Roma ap inowesi epmano it inebe-at ninambeg waharuk amukonteg, wa ulug wilip nisaharuk halug fano,” ulug at Paulusen it inaso werehon etno yig isarisimu, iren it Roma ap inowesi yig isarusa.

Kisah Para Rasul 22:26

at inowe misig etno eke at inowe suon anduhunmu werehon etno ambeg laruk atisireg yig ituk wilil, “Hat nongge suruk ahen-o? At ap wabuog ulug seheon etno at ebe Roma ap-at hehe-o,” ulug yig ituk atisimu,

Kisah Para Rasul 23:17

Yig ituk atisimu, at Paulusen it Roma ap inowe misig wol haruk atisireg yig ituk wilil, “Udag duen hit hinowe suon etno yig emag ulug walug lamin-o,” ulug yig ituk atisimu,

Kisah Para Rasul 23:27

At ap du it Yahudi aben senoko wabuog ulug suruson oke, at ebe Roma ap-at wereg ulug nesanggo holtikikseg, an nosi ninimen ili oko umburukuk-o.

Kisah Para Rasul 25:16

Obam denggeltuk atusama, eke anden yig isaruk wilil, ‘Nit Roma aben ap misig inune dahon obam denggeltuk isalug, at ap etnowen it obam denggeltuson epmano inil fam wene onggo ulug eleg wabukag ulug og isaruk ahe fug-o,’ ulug yig isarikik.

Kisah Para Rasul 27:1

Eke fobik it ninen og ninaplug o Italia wamag ulug wene baltuk atusareg, at Paulus inim eke it nin hele warehon epmano inim, at Yulius it Roma ap Kaisar inowe sehen senehon misig etnowen og ninaplug wamag ulug og itusa.

Kisah Para Rasul 27:3

Waharuk atukukseg, kwalema so fam noholug, o Sidon etno waharukuk. Waharuk atukukseg weregma, at Yulius etnowen Paulus obam ahien haruk wilil, hat so famen homini inambeg wilip atlug, iren yi angge di angge og hemagsoho lamihin-o ulug yig ituk atisimu, inambeg laruk atisireg, nit at etno ninim fobik so fam kurukuk.

Kisah Para Rasul 27:43

it inowe etnowen at Paulus ebe ili wiog ulug, aren war inabuk fug ulug osi epmano inesanggo watuk atisireg, it aphe obog so fam werehon epmano yig isaruk wilil,