Kisah Para Rasul 22:20 - Allah Wene Hurumbik Keron

²⁰ Eke at Stefanus hat hawene yig isarukon etno watukmu, nilanggen isaruk atikikseg, anden fano watuk ahep ulug it ap watukon epmano inasum aso welatikik-o,’ ulug anden At Allah yig ituk atikikmu,

Kisah Para Rasul 22:20 ပူးပေါင်းရင်းမြစ်များ

Lukas 11:48

Eke hit hinetamukien it nabi ap warep isebagma, inoag imbisebag ambeg hiren o suon faltuk ahep ari, it hinetamuki epmano ilitoho suruk wilil, iren fano sebag ulug uruk ahep-o.

Kisah Para Rasul 26:10

Ariroho sil nurukmu, eke it imam ap suon epmanowen fano at-o ulug yig nituk atusama, eke anden it aphe Allah udaki nin o aphe dahon imbisaruk ambeg epmano kolap inaptikik-o. Kolap inaptuk atikikmu, eke fobik iren At Yesus udaki epmano war inabuog ulug surukmu, anden war inabuk fano at-o ulug yig isarikik.

Kisah Para Rasul 6:5

Ulug it mondep isebahon epmanowen yig isaruk apagma, it obohen, “Ari fano ehep-o,” ulug yig isaruk apareg, ap inebe sabiren angge heako imbisebag. It heako imbisebahon epmano ininuk misig at Stefanus Roh Kudus indimu kuruk apagma, Allah wene fanoroho webahon etno inim, eke misig inuk Filipus etno inim, eke misig inuk Prokhorus etno inim, eke misig inuk Nikanor etno inim, eke misig inuk Timon etno inim, eke misig inuk Barmenas etno inim, eke misig inuk Nikolaus o Antiokhia epmen Allah wene apeleg neken wilil, fobik it Yahudi aben wene urukmu webahon etno inim, heako imbisebag.

Kisah Para Rasul 7:58

Senetuk apareg, o Yerusalem etno selema fil imbik wilip atuk apareg, helep fam warik lebag. Warik laruk wilil, inasum loloko udag elege misig inuk Saulus etno aso welamag ulug umbulug lebag.

Kisah Para Rasul 8:1

Waratuk apagma, eke at Saulus etnowen fano warehesa-o ulug ahla bebag. Eke at Stefanus etno waratuk apagma,

Roma 1:32

Eke it ariroho surukon epmano At Allahen dag ban suruk isalug An war inabuhuk-o ulug ebahon wene etno iniluk wilil oke, eke iren-at dag seheg, eke it ninen ariroho dag surukon epmano inahien iseheg suruk-o.

Wahyu 17:6

Eke nin at hwe etnowen At Allah udaki inim, eke At Yesus une waru­kon epmano inim anggolo war inaptisireg inamep at inggikmu weregma harikik-o. Ariroho weregma haruk atikikseg, nakol hari­kik-o. Nakol haruk neyeheg, at malaikat etnowen yig nituk wi­lil,

Wahyu 2:13

hit at iblis wereg ambeg welahep etno An niluk-o. Eke bilin at Antipas An nawene fanoroho yig isarukon etno at iblis wereg ambeg epmanowen watuson oke, eke hit An nawene etno sohorep iseheg eleg fanoroho waruk wilil nobam ebetuk atikip-o.