Kisah Para Rasul 22:1 - Allah Wene Hurumbik Keron

¹ Bok atusama, at Paulusen it Yahudi inune fam yig isaruk wilil, “Niknisi, nowesi-o, hit obog hinil fam wene misig bukaloko yig hisaminen hinune bok amiek-o,” ulug yig isaruk atisimu,

Kisah Para Rasul 22:1 ပူးပေါင်းရင်းမြစ်များ

Lukas 12:11

Eke hit hinebe hinaren baluog ulug o Allah wene uruk ambeg inim, it ap suon, inowesi inolohotma inim hinombisaharuk isalug, hiren wene onggo keroho yig isuk ulug, hinindi seneni ebebuk fug-o.

Lukas 21:14

Eke ariroho awan yig isaruk eleg hiseheg, nongge yig isuk ulug hinindi seneni ebebuk fug-o.

Kisah Para Rasul 13:26

Ariroho yig isebag etno hag, eke kidia yig hisaruk ahi-o. Eke hit nomini Abraham etamuki inim, eke hit o duma Allah wene waruk ahebon inim obog-at yig hisamin-o. Wene ninili wawon etno nit-at yig nisaruk-o.

Kisah Para Rasul 19:33

Ariroho urukmu it Yahudi aben at Aleksander etno it aphe wonggaltuson epmano inolohotma umburuk atusama, it aphe ninen, “At Aleksander alem misig obam wereg hehe,” ulug yig ituk atusama, at Aleksanderen wene onggo yig isiog ulug suruk wilil, “Hit aphe hinune anggolo uruk ahebon du eleg amiek-o,” ulug yig isaruk atisimu, it ninen eleg-o.

Kisah Para Rasul 23:1

Minduhupfuruk atisimu, at Paulusen it Yahudi ap inowesi suon epmano inolohotma ilanggen yet isaruk atisireg, yig isaruk wilil, “Nomini-o, an amuk inim eke kidia inim At Allah il fam dag sirikikon napelegsoho apma nombaharuk atisimu nindi nahlahiroho-at welahi-o,” ulug yig isaruk atisimu,

Kisah Para Rasul 23:6

Yig isaruk atisireg, at Paulusen it Yahudi ap inowesi wonggaltuson epmano nin Farisi ap, eke nin Saduki ap weregma ilanggen isaruk atisireg, it obog yig isaruk wilil, “Nomini-o, an nebe bilin nikni ebe Farisi aben endag napagma, nebe Farisi ap welahi-o. Eke fobik it aphe obog iniluksoho minduhup isahu ulug nindi ebetukmu, naren baltuk ahep-o,” ulug yig isarisi.

Kisah Para Rasul 24:10

At obam denggeltuk atusama, at Gubernur etnowen, “Hat Paulusen yig nisamihin-o,” ulug yig ituk atisimu, at Paulus etnowen yig ituk wilil, “Hat it aphe duma tahun anggolo inim wilil, inaren baltuk atikinon epmano hat hil fam wene nobam denggeleheson epmano bukaloko yig hipmin ari fano.

Kisah Para Rasul 25:16

Obam denggeltuk atusama, eke anden yig isaruk wilil, ‘Nit Roma aben ap misig inune dahon obam denggeltuk isalug, at ap etnowen it obam denggeltuson epmano inil fam wene onggo ulug eleg wabukag ulug og isaruk ahe fug-o,’ ulug yig isarikik.

Kisah Para Rasul 25:8

Yig ituk atusama, at Paulusen wene onggo yig isaruk wilil, “An it Yahudi aben wene duroho suruk amuk eke duroho suruk am fug ulug ebahon etno inim, eke o Allah ibam etno inim, eke it Roma ap inowe Kaisar etno inim dag seko imbisiog ulug sirikik fug-o,” ulug yig isarisi.

Kisah Para Rasul 26:24

at Festus etnowen une suon yig ituk wilil, “Paulus wai. Hat yi wene di wene obog hiluk atikinteg, hune nenek neken uruk hiyihi-o,” ulug yig itisi.

Kisah Para Rasul 28:17

Imbik laruk atusama, inggik henahanam welatisireg, at Paulusen it Yahudi ap inowesi Romaon epmano wonggaliek ulug yig isaruk atisimu, it epmano obog-at wonggalik waharuk atusama, at Paulusen yig isaruk wilil, “Nomini-o, an it ninetamukien wene duroho suruk amuk eke duroho suruk am fug ulug yig nisebahon etno seberoho imbirikik fuhon oke, it Yahudi aben o Yerusalemen hele warep naharuk atusareg, nebe it Roma ap og isarusa.

Kisah Para Rasul 7:2

Hinog waruk apagma, at Stefanus etnowen yig isaruk wilil, “Niknisi, nomini-o, hit an nune holtuk amiek-o. At ninetamu Abraham etno o Haran wariog ulug o Mesopotamia weregma,

Roma 2:15

Eke it epmano wene duroho suruk amuk eke duroho suruk am fug ulug ebahon etno inapeleg wilil oke, inindimu wereg etno it inobabut surukon epmano fam selegma atuk-o. Eke ariroho selegma atuk ari, inahla burukon epmano fam komo yig isarukon epmano inim-at selegma atuk-o. Eke iren it it hat du dag sehen ulug obam denggeleheg, eke at misig hobam eleg ulug alem elehepfeheg suruk-o.

1 Korintus 9:3

Eke it aphe an nunema warukon epmano nune onggo dahagsoho yig isawon du at-o,

2 Korintus 12:19

Eke ariroho yig hisehe ari, dahon inobam wilil, nit ninil fam elehepfuog ulug suruk buruk ahep ano? Ari eleg-o. Nit ninebe At Allah il fam wilil, At Kristusen yig nisarukmu neken obog-at yig hisaruk ahe ari, hit hag hinindi werehep hisahuog ulug-at suruk ahe-o, nomini.

2 Korintus 7:11

Eke At Allahen hinindi dahap hisaharisireg fam, keroho surukuk ulug hinahla eberiuk-o. Eke fanoroho suruk amon etno inim, eke ninapelehen neken surukuk ulug ukon etno inim, eke hinindi ioba yabukon etno inim, eke hinakoltoho welamon etno inim, eke fanoroho suhuk ulug hinahla bukon etno inim, eke at Paulusen irisi etno ilitoho suruk amuk ulug hinahla buruk wilil suruk amon etno inim, eke dag sirision etno onggo umbukag ulug ukon etno inim, obog-at suruk amuog ulug sirikip ari fam, hiren alem etno eleg amag ulug fanoroho sirikibon etno arat niluk atisi-o.

Filipi 1:17

Eke it iniluk wereg oke, eke it nin epmano inambit hun naptuk wilil, an hele wareg welahion etno obam seberoho dahon nobam umbuog ulug winimug neken uruk wilil, nit-at suon welamuhuken ulug inindi biren neken wilil, At Kristus awene etno yig isarukon ari fano at-o.

Filipi 1:7

Eke hit nintul nantul an nindimu neken welahep ari fam, an nahientoho hinobam ebetuk ahi-o. Eke bilin an nebe o ahik ya da laruk wilil, Allah wene yig iseheg, eke inindi ayeg warep iseheg, suruk atikikseg, kidia an nebe hele wareg welahion oke, At Allahen nit obog ninabua nisawon wene hit an ninim dambuksoho seneg welatukuk-o.

2 Timotius 4:16

Eke an bilin nili huliog ulug minatlug wene yig isarikikon etno it obohen sohorep naharusa ari, At Allahen inobam inapelegsoho apma umbukag-o.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.