Kisah Para Rasul 21:31 - Allah Wene Hurumbik Keron

³¹ Larepfuruk atusareg, at Paulus etno wabuog ulug surukmu, o Yerusalem etnowen inahahe anggolo narlog harlog suruk atusama, it Roma ap inowe sehen senehon etno ayonggo umburusama,

Kisah Para Rasul 21:31 ပူးပေါင်းရင်းမြစ်များ

Kisah Para Rasul 17:5

Inim welatuson oke, eke it Yahudi aben inambit isaruk wilil, ap kimbu nin kwalemen wonggal inaptusareg, it aphe obog winimug aptuk amag ulug inindi kahal inaptusa. Inindi kahal inaptuk atusareg, it Paulus Silas etano heako og nisawag ulug at Yason ibam etno inasineyen sok halog suk hag kik harusa.

Kisah Para Rasul 25:23

Yig ituk atisireg, noholug, eke it Agripa, Bernike inim inalontoho waharuk wilil, it ap inowesi suon sehen senehon inim, eke it Kaisarea ap inowesi suon inim o wene uruk ambeg etno kurusa. Kuruk atusareg, at Festus etnowen at Paulus ninambeg wamag ulug yig isaruk atisimu, at Paulus ebe walug inambeg kurusa.

Kisah Para Rasul 24:22

Yig ituk atisimu, at Feliks etno Yahudi wene fano ilukon oke, “Yoho arat ehe-o,” ulug irisi. Uruk atisireg, yig ituk wilil, “At Roma ap inowe inuk Lisias etno waruhumu, hawene fanoroho baluhuk,” ulug yig itisi.

Kisah Para Rasul 24:6

Eke aren o Allah ibam seberepfiog ulug surukmu niren senetukuk-o. Niren senetukukseg, wene duroho suruk amuk eke duroho suruk am fug ulug ebahon etno fam at ebe aren baluog ulug weregma,

Kisah Para Rasul 23:17

Yig ituk atisimu, at Paulusen it Roma ap inowe misig wol haruk atisireg yig ituk wilil, “Udag duen hit hinowe suon etno yig emag ulug walug lamin-o,” ulug yig ituk atisimu,

Kisah Para Rasul 22:22

Yig isaruk atisimu, it aphe epmano ari fam inesanggo holtuk atusareg, inune suon uruk wilil, “Ap du iluk welam hai-o. Kidia waroko imbiek-o,”

Kisah Para Rasul 21:38

Ari halug, hat hebe ap Mesiron misig etnowen it Roma ap inim wim abuhuken ulug bilin omini inebe empat ribu og inaplug o limu aphe eleg ambeg larision etno hat fug hiyihi-o,” ulug yig ituk atisimu,

Kisah Para Rasul 19:40

Eke kidia it urunanggeyen suruk hag wonggelehep ari hai-o. Alem suon eleg heheg hinune anggolo sahaltuk ahep du, it nit ninowesi suon epmanowen aphe dahon imbisaruk ambeg kolap nisahuk nowen bok amiek-o. Kidia arat ehe-o,” ulug at o Efesus wene holal baltukon etnowen yig isaruk atisireg, inibam wilip isarisi.

Kisah Para Rasul 10:1

Eke o Kaisarea etno ap misig inuk Kornelius welapag. At etno it Italiaon Roma ap sehen senehon etno inebe seratus inowe welapag. Epma inowe wilil, ap etno Allah akol welapag.

Yohanes 18:12

Yig ituk apagma, it sehen seneg werehon epmano inowe inim, eke it Yahudi ap inosi epmano inimen, At Yesus ebe senetuk apareg, hele waroko walug, bilin at Hanas etno ambeg imbik lebag.

Yohanes 16:2

Eke hit hinebe epmano fobik o Allah wene uruk ambeg epmanowen muko wilip hisahup-o. Eke hit hinebe warep hisaharuk amuhupseg, niren war inabehe ari, Allah yabuk-at sehe-o, ulug inahla buruk amuhup-o.

Markus 14:2

Inahla buruk wilil, “Esoho esebuog ulug it aphe anggolo waharusareg fam du ninusuk nowen, o hari Paskah fam dia senebuhuk fug-o,” ulug wene balfag.

Matius 26:5

Wene baltuk wilil, “Esoho esebuog ulug it aphe anggolo waharusareg fam ninusuk nowen, o hari Paskah fam dia senebuhuk fug-o,” ulug wene balfag.

Matius 27:27

Og isaruk apagma, it Pilatus osi sehen seneg werehon epmanowen walug it inowe suon Gubernur etno ibam epmano kebag. Walug kuruk apareg, inomini sehen unde epmano obog At ambeg wonggalik wapag.

Kisah Para Rasul 26:21

Ariroho yig isil nuruk atikikseg, fobik o Allah ibam weregma, it Yahudi aben nebe senoko nowabuog ulug surusa-o.

Kisah Para Rasul 24:7

at Roma ap inowe inuk Lisias etno waharuk atisireg, winimug ulug nit ninanggelegmen lisoko walug larisi.