Kisah Para Rasul 21:21 - Allah Wene Hurumbik Keron

²¹ Ariroho surukmu, it ninen yig isaruk wilil, ‘At Paulus etnowen it Yahudi ap o ahik ya da Allah wene inapelegke yig isil nuruk-o. Ariroho yig isil nuruk wilil, hit Yahudi ap oke, at Musaen wene duroho suruk amuk eke duroho suruk am fug ulug ebahon etno sohorep isalug, hinudaki iniyunggul ambilik bal inabuk fug-o,’

Kisah Para Rasul 21:21 ပူးပေါင်းရင်းမြစ်များ

Kisah Para Rasul 21:28

“Hit Israel ap du maniek-o. Ap du o ahik ya da wene yig isil nuruk wilil, nit Israel ap inim, at Musaen wene duroho suruk amuk eke duroho suruk am fug ulug ebahon etno inim, eke o Allah ibam duma inim obog seberoho ninombisaharuk etno hag, eke kidia it ap Allah wene inapelehon epmano o Allah ibam og inabik wahareg, o du niren usa uruk aheon etno oke, hairepfehek-o,” ulug urusa.

Kisah Para Rasul 28:17

Imbik laruk atusama, inggik henahanam welatisireg, at Paulusen it Yahudi ap inowesi Romaon epmano wonggaliek ulug yig isaruk atisimu, it epmano obog-at wonggalik waharuk atusama, at Paulusen yig isaruk wilil, “Nomini-o, an it ninetamukien wene duroho suruk amuk eke duroho suruk am fug ulug yig nisebahon etno seberoho imbirikik fuhon oke, it Yahudi aben o Yerusalemen hele warep naharuk atusareg, nebe it Roma ap og isarusa.

Kisah Para Rasul 16:3

at Paulus etnowen Titus walug liog ulug suruk heheg, it Yahudi ap obog epmanowen at Timotius ikni Yunani ap at-o ulug it Yahudi ap obog inilukmu, iyunggul ambilik balfag.

Kisah Para Rasul 21:22

ulug hat Paulusen yig isil nuruk atikinon epmano o Yerusalem waharikinmu, inesanggo holtusa. Halug ariroho holtusareg fam, keroho suk-o?

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.