Kisah Para Rasul 21:13 - Allah Wene Hurumbik Keron

¹³ Yig ituk atukukmu, eke aren yig nisaruk wilil, “Hit nongge farim an nobok yatuk wilil, nindi dahap suruk ahep? An Yesus inuk fam weregma, it o Yerusalemen hele war nabuk fano at-o. Eke nebe nowabuk halug fano at-o,” ulug yig nisaruk atisireg,

Kisah Para Rasul 21:13 ပူးပေါင်းရင်းမြစ်များ

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 20:37

Sembahyang uruk atusareg, ioba yatuk wilil heahi watusa.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

1 Korintus 15:31

Eke At Ninowe inuk suon Kristus Yesus etno inuk fam hit farim suontep naharukon etno halug, an nintul nantul waratuk ahi-o.

Filipi 2:17

Eke an neyabuk atog neken hit hinake Allah wene yig hisaruk atikikon epmano At Allah il fam eberoko waruk ahep-o. Eke fobik atog neken an namep etno hit hinake del atuk halug ari fano at-o. Ariroho suruk aruhukseg, nahien hahuk-o.

Filipi 2:26

Eke at Epafroditus etno ninim yabuk sat anggoloroho suruk atukukmu, eke hiren an yalmag nabuog ulug nambeg lahapfik waharikip-o. Eke at Epafroditus etno hit obog bik hisiog ulug indi ebetukmu, eke hiren at Epafroditus uk wareg ulug hinesanggo holtikip etno fam, it keroho inahla buhup ulug indi seneni ebetuk-o.

Kolose 1:24

Eke an hit hinake neken dahon etno nobam umburukon oke, nahientoho welahi-o. Nahientoho wilil, At Kristus etno udaki inake bilin war ariog ulug indi dag apag etno hag, an atog ilitoho neken kidia nindi dag atuk ahi-o.

2 Timotius 1:4

Eke haren ioba yatuk ahenon etno nahla buruk wilil, nahien hahuken hat bik hea wariog ulug nahla buruk ahi-o.

2 Timotius 4:6

Eke Allah ake umburuk etno hag, an nebe Allah ake neken umbukon fanggog ik waha-o. Wene ihi ari an nebe waramon etno fanggog ik waha-o.

Wahyu 12:11

Eke At Wam Domba Udag etnowen amep inake delfag halug, it ninomini epmanowen at setan etno seberepfehesa-o. Eke it epmanowen wene demat urukon etno yig isaruk wi­lil, nit waram fano at-o, ulug uruk atusa-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.