Kisah Para Rasul 21:11 - Allah Wene Hurumbik Keron

¹¹ Ninambeg waharuk atisireg, at Paulus aserlog holaruk atisireg, inggik iog homag sarisi. Homag saruk atisireg yig isaruk wilil, “An At Roh Kudusen yig nituk-o. Ap aserlog du unde etno anden niog homag sihi du ilitoho, fobik it Yahudi aben o Yerusalemen hele waroko it ap Allah wene inapelehon epmano og isahup-o,” ulug yig nisaruk atisimu,

Kisah Para Rasul 21:11 ပူးပေါင်းရင်းမြစ်များ

Yohanes 18:1

Eke fobik At Yesus etno sembahyang uruk apareg, it omini epmano inim o epma sohorep isalug, ik Kidron etno baloko lema fil lebag. Laruk apareg, o epmano orom yabuk misig ohoma At Yesus omini epmano inim kebag.

Kisah Para Rasul 13:2

It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 16:6

Eke fobik it etano o Frigia Galatia inim yig isil nurukmu, At Roh Kudusen yig isaruk wilil, “Hit o Asia wene yig isa fug-o,” ulug yig isaruk apagma,

Kisah Para Rasul 20:23

Eke an o ahik ya da sil nuruk neyeheg, At Roh Kudusen yig nituk wilil dahon hobam hombahalug, o it aphe dahon imbisaruk ambeg epma kolap hahakup ulug hurumbik yig nitisi-o.

Kisah Para Rasul 21:33

Sohorep isaruk atusama, it ap inowe sehen senehon etnowen at Paulus etno senoko hele bisuemanggen biren fam hele wabukag ulug yig isaruk atisareg, hinog uruk wilil, “Ap du inuk sa-o? Aren keroho sehek-o?” ulug hinog og inaptuk atisimu,

Kisah Para Rasul 21:4

it ninomini Allah wene warukon epmano heag inaptuk atukukseg, sembahyang misig ninim welatukuk. Ninim weregma, iren Roh Kudus fam hat Paulus o Yerusalem lahun fug-o ulug yig ituk atusama,

Kisah Para Rasul 22:25

at ebe hele waroko umbulug yikangge wabuog ulug weregma, at Paulusen it inowe etno epma minduhuk wereg haruk atisireg yig ituk wilil, “An Roma ap hit hinomin-at wilil dag suruk atikik fuhon oke, yikangge nowabuk ari fano buruk ahen?” ulug yig ituk atisimu,

Kisah Para Rasul 24:27

Eke fobik it etano tahun biren welatusareg, at ap misig inuk Perkius Festus etno at Feliks ubulukmu Gubernur suon welamag ulug minduhupfuog ulug suruk iseheg, at Feliks etno it Yahudi ap inim dambuksoho welamag ulug at Paulus hele wareg-at sohorep isarisi.

Kisah Para Rasul 26:29

at Paulus etnowen yig ituk wilil, “Wene etno yoho-at eberoko wamihin ano, fobik wahun ano, ulug an napelegma, hat hebe inim, eke hit obog nune holtuk ahebon inim, an Yesus wene warikikseg welahi etno hag hit ilitoho welamuhuben ulug At Allah obam nintul nantul sembahyang uruk ahi-o,” ulug yig isaruk atisireg, eke fobik yig isaruk wilil, “An yig hisihion epmano hele wareg welahi fug neken yig hisihi-o,” ulug yig isarisi.

Kisah Para Rasul 28:17

Imbik laruk atusama, inggik henahanam welatisireg, at Paulusen it Yahudi ap inowesi Romaon epmano wonggaliek ulug yig isaruk atisimu, it epmano obog-at wonggalik waharuk atusama, at Paulusen yig isaruk wilil, “Nomini-o, an it ninetamukien wene duroho suruk amuk eke duroho suruk am fug ulug yig nisebahon etno seberoho imbirikik fuhon oke, it Yahudi aben o Yerusalemen hele warep naharuk atusareg, nebe it Roma ap og isarusa.

Kisah Para Rasul 28:20

Yig isaruk atikikon oke, eke kidia wol hinaptikikseg, hit ninim wilil wene baluog ulug suruk ahe-o. Eke an hele wareg welahion ari, it Yahudi ap At Kristus ahurumbik warukon etno inuk waruk wilil welahi-o,” ulug yig isarisi.

Kisah Para Rasul 28:25

Ariroho suruk atusareg, wilip amuog ulug, at misihen eheg, at misihen eheg surukmu, at Paulusen yig isaruk wilil, “At Yesayaen Roh Kudus fam it ninetamuki yig isebahon etno yig hisamin-o. Ari bilin at Yesayaen yig isaruk wilil,

Kisah Para Rasul 8:29

Wane suruk weregma, At Roh Kudus etnowen Filipus etno yig ituk wilil, “Kereta ari kwalema salkal uruk apmihinteg, hinim wene baltihip-o,” ulug yig epareg fam,

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

Efesus 6:20

Eke an nebe kidia hele wareg welahion oke, wene fano wene etno yig isil lawag ulug mondep naharisi-o. Eke anden wene yig isawon etno nakol elegsoho yig isaruk amag ulug hiren nake sembahyang uruk amuk-o.

1 Timotius 4:1

At Roh Kudusen duroho ulug bukaloko yig nisaruk-o, eke fobik it ap ninen Allah wene demat urukon etno seberoho umbulug, it setanen inenggal wene urukon etno yanggul isaruk amuhup-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.

Ibrani 3:7

Eke At Roh Kudus etnowen yig nisaruk wilil, “O yoho At Allah une hinesanggo holtuk ahep halug,

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.