Kisah Para Rasul 20:7 - Allah Wene Hurumbik Keron

⁷ Eke fobik o sono hari Minggu ulug it ninomini ninim hari Sabtu fam hupmu orom nawon kubuog ulug wonggaltuk atukukseg, at Paulusen it aphe yig isaruk wilil, at ebe o sono liog ulug suruk atisireg fam, hubanggo homanoho ilimbul yig nisarisi.

Kisah Para Rasul 20:7 ပူးပေါင်းရင်းမြစ်များ

Markus 16:9

O hari Minggu nit sembahyang uruk ahe etno fam ilikia mo lahik waharuk heheg, At Yesus etno iluk atlug minatuk apareg, at hwe Maria Magdalena indimu setan inebe sabiren angge kebagma, lisoko wilip isebahon etanowen ilanggen neawag ulug waharuk apagma,

Lukas 22:19

Yig isaruk apareg, orom roti inggikmu webag. Waruk apareg, seneg wilil, Nikni Allah wa ulug sembahyang uruk apareg, it epmano kut kut og isaruk wilil, “Orom roti du An nebe ilitoho at-o. Eke orom roti du An nebe hit hinake og hisawon etno-at wereg-o. Ari halug, hiren An nebe etno hinindimu ebetuk amuhuben amiek-o,” ulug yig isebag.

Lukas 24:35

Yig isaruk apagma, eke it biren etanowen dindiloko yig isaruk wilil, “Nit kwalem laruk wilil, ap misihen wene yig nisaruk ahareg, eke fobik umen orom roti kut nisarukmu, ap du At Ninowe at-o, ulug niniluk aha-o,” ulug yig isebag.

Yohanes 20:1

Eke fobik o hari Minggu sambit o witiog ulug ahla healtuk heheg, at hwe Maria Magdalena etno o wikelma etno laruk apareg, helep sok larehon etno husig weregma ilanggen hebag.

Yohanes 20:19

Eke fobik o hari Minggu nit sembahyang uruk ahe etno sambit hup atuk apagma, it At Yesus omini epmano wonggalik waharuk apareg, it Yahudi ap epmano inakolen inibam sok fikfag laroko weregma, At Yesus etno inahla minarik wapag.

Yohanes 20:26

Yig isaruk apagma, fobik sembahyang misig abitoho welapareg, it At Yesus omini epmano at Tomas etno inim, o etno wonggalik wapag. Wonggalik waharuk apareg, inibam sok etno fikfag larepfulug welapag. Larepfulug weregma, At Yesus etno inahla minarik waharuk apareg, yig isaruk wilil, “Nomini, wahinaniog,” ulug yig isebag.

Kisah Para Rasul 16:10

I og haruk apareg, ahla buruk wilil, ari hihi ari, At Allahen o Makedonia wene fano wene etno yig isawag ulug wol nabehek hihi-o, ulug nahla buruk atikikseg, nit etno o Makedonia luog ulug yi angge di angge dig dug holaruk atukukseg larukuk.

Kisah Para Rasul 2:42

Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 20:11

Laharuk atisireg, orom kuruko og isarukmu, narusa. Naruk atusama, at Paulus etnowen wene hupmu yig isarision etno atog ilikia o healtuk heheg yig isaruk atisireg larisi.

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 20:5

ninolohotma waharusareg, o Troas ninaso welatusa.

Kisah Para Rasul 20:9

udag elege inuk Eutikhus etno o ele baleg ambeg horie irisi. Horie irisireg weregma, at Paulus etnowen wene yaron-at yig isarukmu, at udag Eutikhus etno nohoen kun kan suruk wilil, fobik mondog nohoruk atisireg, selema fil o baharik henahan sohantoho bule ambirisi. Amburuk atisimu, iren ebe leko hambogsoho waruk atusareg, bikharuk atusa, arat waratisimu, ebe waraha-o ulug inilanggen harusa.

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

1 Korintus 10:16

Eke ambusu honanggowon nit At Allah wa yig itlug naruk aheon etno ari, At Kristus amep etno ninim hunduhuk welahe ano, eleg ano? Eke orom roti nit kuroko naruk aheon ari At Kristus ebe ninim hunduhuk welahe ano, eleg ano?

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 16:2

Eke hit o hari Minggu fam nintul nantul hit hinaharek werehon halug, anggoloroho embeheg, eke hit hinaharek elehon halug, dorat embeheg suruk wilil, uang epmano hit an awan waharuk eleg nealug dugsoho umburuk amuk-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Wahyu 1:10

Waruk aheon oke, eke o hari Minggu fam an Roh Kudusen og nitukmu, nilanggen biren barentoho yet harikik-o. Yet haruk atikikseg, an nambolmen binggon une suon neken urukmu nesanggo holtikik-o.