Kisah Para Rasul 20:32 - Allah Wene Hurumbik Keron

³² Eke kidia anden At Allah hinabua hisarukon etnowen hinaso welamag ulug At apma hinombisaharuk ahi-o. Ariroho hinombisaharukmu, eke Aren hinindi oag werehep hisaharuk wilil, At udaki ahien isaruk etno hag, hit ariroho-at ahien hisahu-o.

Kisah Para Rasul 20:32 ပူးပေါင်းရင်းမြစ်များ

Markus 10:17

Eke fobik kwalem suon liog ulug suruk apagma, ap misig At ambeg buahen laruk apareg, indibahal yungguksoho ut wandukseg wilil, “Ninowe-o, Hat wene fanoroho yanggul nisaruk ahenon du, an niluk welamon etno holahuken keroho sukag ulug hahla buruk ahen-o?” ulug yig epag.

Yohanes 15:3

Eke engga buhon inim, il inim kisiloko imbisaruk etno hag, Anden wene yig hisaruk atikik etno fam arat hinindi ho hinaptikik-o.

Yohanes 17:17

Ari halug, it epmano Hat hudaki welamag ulug wene demat uruk amon etno yanggul isaruk amin-o. Eke wene demat urukon etno Hat hawene at-o.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 14:23

it obog aphe inaso welamag ulug ap inaso werehon nin heako minduhup isil lebag. Minduhup isaruk apareg, orom nenggeg eleg wilil, At Allah obam ebetuk isaruk apareg, At Allahen inaso welamag ulug sembahyang ebag.

Kisah Para Rasul 14:26

Laruk apareg, it etno ikma so fam o Antiokhia etno lebag. Ari, it bilin o epmen Allah wene yig isil lawag ulug inake sembahyang uruk apareg lahap isebag etno fam iniog suhuluk lebag.

Kisah Para Rasul 14:3

Inindi kahaltuk apagma, it mondep isebahon epmano o epma ininggik anggolo inim wilil, At Yesus wene etno inakol elegsoho yig isebag. Yig isaruk iseheg, At Yesus etnowen iren urukon demat inahla bukag ulug inoag weregsoho imbisaruk apagma, elalintoho sukfugangge suruk apag.

Kisah Para Rasul 15:40

Laruk apagma, eke at Paulus etnowen Silas walug liog ulug surukmu, it inomini epmanowen kwalem fano-at lawag ulug inake sembahyang uruk wilil, At Allah kino yig ituk apagma, lebag.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Roma 8:17

Eke nit At Allah udaki wereg nisalug, At udaki ahien inobam umbukon etno nit inim-at og nisahu-o. Eke Aren angge At Kristus og iruhuon etno nit inim-at og nisahu-o. Eke At Kristus ninim dahon etno ninobam umburuk isalug, At ninim-at suontep nisaharuk aruhu-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

1 Korintus 6:10

Eke it hwe ap uhweon surukon epmano inim, eke kwanangge amurli hundutukon epmano inim, eke it ap ap wanggik surukon epmano inim, eke inalomnangge warukon epmano inim, eke ininggikmu fereleg elehon epmano inim, eke ambusu nenek surukon donggogsoho narukon epmano inim, eke inenggal ap inobam denggeltukon epmano inim, eke komo wene yig isarukon sohorep isalug dil dil angge surukon epmano inim ari, Allah wereg ambeg kukon etno holahup fug-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

Efesus 1:14

Eke At Roh Kudus etno og hisarisireg fam, At Allahen it nudaki ari fanowon etno og hisahuk ulug abug yig nisebahon etno demat og nisahu ulug ninindi ebetuk wilil, At Allahen aphe At udakion ninili oko suontep nisahaku-o, ulug ninindi ebetuk ahe-o. Eke niren At inuk-at suontepfuruk amuk-o.

Efesus 1:18

Eke hit fanoroho hinindi ebetuk hisalug, fano hinabiog ulug wol hisarision etno inim, eke At udaki ahien inobam umburuk wilil, og hisahuk ulug abug yig hisarision etno inim,

Efesus 4:12

Eke ariroho minduhup isarisi ari, At Allah udaki epmanowen yabuk fanowon etno suruk amag ulug yanggul iseheg, eke it At Kristus ebe neken werehon epmano inoag werehep iseheg suruk amag ulug minduhup isarisi-o.

Efesus 4:16

Eke At Kristus etno At udaki inungguluag neken wilil, it At ebe inggik iog neken werehon etno fano dambuksoho wereg isalug, omanggen imbirision etno famen ebe misig-at wereg-o. Ariroho weregma, eke it enggangga epmanowen ineyabuk dombog suruk wilil, it inomini inindi hunduhuk wereg isalug, ebe etno fanoroho su atuk-o.

Efesus 5:5

Eke alem misig du inim yig hisamin-o, it wanggik surukon etno inim, eke it fano suk sohorep isawon surukon etno inim, eke it yi angge di angge an-at hulik ulug uruk wilil, it inaharek ninamonggat ulug suontepfurukon etno inim it obog-at At Kristus Allah inim weregma kuhup fug-o.

Kolose 1:12

Eke At Ninikni Allahen hit At udaki inim o seleg wereg ambeg epma hinombisaharisireg fam, hinahien haruk wilil, wa ulug yig ituk amuk-o.

Kolose 2:7

Eke hiren nit Kristus inggik enggangga-at welahe-o, ulug hinahla buruk wilil, Ninikni Allah wa ulug At awene waruk wilil welamuhup-o.

Kolose 3:24

Eke hit hinahientoho suruk amuhupmu, At Allahen onggo dugsoho hinombisahebahon etno og hisahu-o. Eke hit aphe inanggimbu oke, At Kristus anggimbu-at welahep-o. Ari halug, at eyabuk fanoroho suruk amuk-o.

Ibrani 10:14

Ari halug, At Kristus etnowen misihim-at Allah ake embebareg fam, Aren it aphe dag surukon etno inindi ho inaptukmu, initog mondog fano welamag ulug imbisebag-o.

Ibrani 13:9

Eke it ap ninen wene urunanggeroho dahan fahan yig hiseheg mug inaplug la fug-o. At Allahen ninabua nisarukon wene etno hag hinindi oag werehep hisahuk ari fano-o. Eke At wene yi angge di angge nao usa-o, ulug urukon etnowen aphe inindi fano inaptuk eleg-o. Ariroho suruk eleg ari fam, aren hit hinindi oag werehep hisahuk ari hai-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

Ibrani 9:15

Ariroho ninombisaharuk ari, nit At Allahen wol nisarision etno At Allahen yig nisaruk wilil, “Yi angge di angge fanowon epmano inim, hiniluk mondog welamon etno inim og hisahuk-o,” ulug abug yig nisebahon etno holawag ulug, At Kristus etnowen wene keron etno yig nisaruk wilil, At Allah ninim dambuksoho ninombisaharuk-o. Eke it aphe nin wene hurumbik bilinon etno yig isaruk heheg, dag suruk apahon epmano ap misig waratuk wilil inonggo embebareg fam, At Allah inim dambuksoho imbisaruk-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.