Kisah Para Rasul 20:31 - Allah Wene Hurumbik Keron

³¹ Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 20:31 ပူးပေါင်းရင်းမြစ်များ

Matius 13:25

Yatil laruk apagma, o misihim hubanggo it obog nohoruk iseheg, ap misig at yapahon inim healeg werehon etno waharuk apareg, gandum wiyagfut hahon i yaho ambeg epmano hohol i dahon etno yahapfuruk apareg, fobik sohorep isalug herako lebag-o.

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Kisah Para Rasul 19:10

Eke at ebe tahun biren inim wilil, yig isaruk heheg, it Asia aphe inim, eke it Yahudi aphe inim, eke it Allah wene holtuk elehon inim, obog-at Allah wene inesanggo holtuk atusa.

Kisah Para Rasul 19:8

Uruk atusama, at Paulus etno it o Allah wene uruk ambeg kuruk atisireg, bikalem henahan wilil, it aphe epmano At Allah weregma welamon wene etno wawag ulug yig isarukmu, iren onggo yig ereheg, suruk atusa.

Kisah Para Rasul 20:11

Laharuk atisireg, orom kuruko og isarukmu, narusa. Naruk atusama, at Paulus etnowen wene hupmu yig isarision etno atog ilikia o healtuk heheg yig isaruk atisireg larisi.

Kisah Para Rasul 20:19

An At Ninowe anggimbu etno nindi seberoho ioba yatuk wilil, yabuk etno suruk atikikon oke, it Yahudi aben nowabuog ulug surukmu, angginon etno nobam wereg heheg, yabuk sirikik-o.

Kisah Para Rasul 20:7

Eke fobik o sono hari Minggu ulug it ninomini ninim hari Sabtu fam hupmu orom nawon kubuog ulug wonggaltuk atukukseg, at Paulusen it aphe yig isaruk wilil, at ebe o sono liog ulug suruk atisireg fam, hubanggo homanoho ilimbul yig nisarisi.

Kisah Para Rasul 24:17

Ariroho suruk wilil, eke o Yerusalem sohorep isalug, tahun anggolo o ahik ya da sil nuruk atikikseg, fobik it nomini uang dorat og isaruk wilil, Allah ake imbiog ulug suhuluk larikik.

1 Korintus 4:14

Eke hit hinenggali war hinabiog ulug wene du holal bal hisaruk ahi fug-o, eke an nudaki nindi hunduhukon epmano inesanggo war inabiog ulug-at suruk ahi-o.

Filipi 3:18

Eke bilin nintul nantul yig hisaruk atikikon epmano ioba yatuk wilil kidia dahagsoho yig hisamin-o. Eke it nin inobabut dahan fahan suruk wilil, At Kristus nit ninake e fam lenggaloko warepfebahon etno inim healeg neken wereg-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

1 Tesalonika 5:14

Eke it yabuk seheg eleg yuhun-at sil nurukon epmano inesanggo wareheg, eke it ap inindi angginon epmano inahlahairep iseheg, eke it inindi oag elehon epmano inindi oag werehep iseheg, eke it obog hinune fanowon-at yig iseheg suruk amag ulug yig hisihi-o.

2 Tesalonika 2:5

Eke ariroho suhu ulug bilin yig hisarikikon etno hinapeleg atlug ebetuk ahep fug ano? Eke at ap dahon fobik waruhuon etno awan waharuk eleg ari, nongge farim bok atuk ulug hit hiniluk-o.

2 Tesalonika 3:8

Eke at ap misihen yi angge di angge og nisarukmu, niren onggo eleg yuhun-at holarukuk fug-o. Eke ariroho holarukuk fureg, yabuk sat anggolo suruk atukuk-o. Eke ilikia hupmu yabuk suruk atukuk ari, hat misihen nit ninabuen yi angge di angge og nisa nowen ulug suruk atukuk-o.

2 Timotius 4:5

Ariroho suruk amuhubon oke, eke hat hag nintul nantul hindi aso fanoroho welamuk-o; eke wene fano wene yig isil larukon yabuk etno-at suruk amin-o; eke hat hebe At Allah anggimbu wilil yabuk fanoroho suruk heyeheg, it ninen dahon hobam umburuk isalug, hahla bugsoho welamin-o.

Ibrani 13:17

Eke hit it hinowesien yig hisarukon epmano hinesanggo holtuk wilil, ilitoho suruk amuk-o. Eke it hinowesi epmano yabuk duroho surukuk ulug At Allah il fam bukaloko yig imuhup etno fam, it kidia kelseheg eleg-at hinindi aso wereg-o. Eke hiren it inune hinesanggo holtuk hisalug, it inahientoho-at suruk amuhup-o. Eke hiren holtuk eleg hisalug, it epmano inindi inambitoho suruk wilil, hit hinindi yabuk fanoroho suruk amuhup fug-o.

Wahyu 16:15

Eke hit hine­san­ggo fanoroho holtuk amiek-o. Ap inalomnangge her­aharukon hera­ko waharuk etno hag, hetnogsoho waruhuk-o. Eke it aphe nohoruk elehon inasum yaharoho werehon etno inahien suhup-o. Ariroho suhup ari fam, fobik ineabie wilil selemen inengga­li hahup fug-o.