Kisah Para Rasul 20:29 - Allah Wene Hurumbik Keron

²⁹ Eke fobik an sohorep hisahalug lahukmu, it aphe nin wam eli neken hinindi kahaluog ulug hinambeg wamuhupseg, it aphe Allah udakion epmano inindi kahalik wamuhup-o.

Kisah Para Rasul 20:29 ပူးပေါင်းရင်းမြစ်များ

Matius 7:15

Eke At Yesusen yig isaruk wilil, “It ap wene demat uruk elehon etno hinambeg waharukim yaharoho welamiek-o. It etno inasum selemon wam domba ahap neken wantehon oke, eke inindi undama oloyangge etnowen suruk hag aphe yuhun-at ayeg libil inaptuk-o.

2 Petrus 2:1

Nomini-o, amuk nabi ap inenggal ebahon it aphe inenggal neken yig isebag etno hag, it inenggal urukon epmano hinambeg watlug yig hisa wamuhup-o. Yig hisa wamuhupseg, wene inenggal uruk wilil, At Ninowe seberepfuruk amuhupseg, inonggareg inebe-at suontepatahup-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Yohanes 10:12

Eke at yangge asineon ap misig yuhunon etno anggom domba eleg wilil, fanoroho inaso wereg elehon etno, yangge asineon etno waharukmu, ilanggen haruk atlug, wam domba epmano sohorep isalug, hite wilip atuk-o. Ariroho hite wilip atuk halug, at yangge asineon etnowen wam domba epmano war inaptuk wilil, nin muko wilip isaruk-o.

Lukas 10:3

Eke hit hag kidia aliek-o. Hit hinebe wam domba neken wam singa ayeg inarukon etno inahla lahap hisaharuk ahi-o.

Matius 10:16

At Yesusen yig isaruk wilil, “Hit hinesanggo holtuk amiek­-o. Wam domba epmano it oloyangge hahon inayeg libil inaptukon inambeg lahap isaruk etno hag, lahap hisaruk ahi-o. Eke wam elien orom niog ulug aphe inamben baltuk etno hag, hit hinebe yaharoho wilil, sue yalme indi fano wereg etno hag hit hinindi fanoroho welamuk-o.

Lukas 12:32

At Yesusen yig isaruk wilil, “Hit udag doron dia, hinakol ha fug-o. At Hinikni etnowen fobik ahientoho At wereg ambeg hinombisahaku-o.

Yohanes 21:15

Eke fobik arat naruk apareg, At Yesusen Simon Petrus etno yig ituk wilil, “Simon, Yohanes amloho du wai. It homini dumen inindi dorat inahien nearuk iseheg, hat hag nobam hindi hunduhuk mondog welahen ano?” ulug yig epag. Yig ituk apagma, at etnowen yig ituk wilil, “Nowe-o, anden Hat hobam nindi hunduhuk welahi etno Hat hiluk-o,” ulug yig epag. Yig ituk apagma, At Yesus etnowen yig ituk wilil, “Ari halug, haren An nanggom domba udaki epmano orom wereg ambeg imbisa laheg suruk amuk-o,” ulug yig epag.

1 Petrus 5:2

It Allah udaki epmano yaharoho welamuhuben ulug minduhup hisahabahon etno yabuk fanoroho-at surukmu, At Allahen une yig hisarukmu, yabuk hinahiroho-at suruk amiek-o. Eke yi angge di angge nawon epmano og nisahup, ulug hinahla buruk am fug-o. Fanoroho inaso wilil, yaharoho welamuk ulug hinahla buruk amiek-o.

Yudas 1:18

It etnowen wene hurumbik etno uruk wilil, “Fobik hit hinahunda yabuhubon etno waharuk amuhupseg, it inindi dahonen surukon etno-at sil wamuhup-o,” ulug wene hurumbik ebahon etno hit hiniluk-o.