Kisah Para Rasul 20:27 - Allah Wene Hurumbik Keron

²⁷ Hinonggareg hinakeleg hinobabut fam hinili wao sohorep hisahaku-o.

Kisah Para Rasul 20:27 ပူးပေါင်းရင်းမြစ်များ

Kisah Para Rasul 20:20

Eke o selegmen inim, hinibamen inim yalmag hisiog ulug Allah wene yanggul hisaruk wilil, wene misig yig hiseheg, misig herako ombateheg suruk atikik fug-o.

1 Tesalonika 2:4

Eke At Allahen ariroho iuk yig nisarukon etno ilitoho-at yig isaruk ahe-o. Eke wene fano wene etno niren aphe yig isawag ulug At Allahen ninaren baloko minduhup nisaharisireg fam, At Allah ahien nisawag ulug suruk ahe-o. Eke At Allahen ninaren baltuk heheg, aphe inahien nisawag ulug suruk ahe fug-o.

2 Korintus 4:2

Eke herako suruk aheon epmano inim, eke ninenggali haon suruk aheon epmano inim, eke ninenggal-at suruk aheon etno inim, eke Allah wene dahan fahan yig isaruk aheon etno inim, obog-at sohorep isarukukseg, demat ulug urukon wene etno yig nisarukmu At Allah olohotmen, it aphe inindi werehon etnowen inahien nisawag ulug nit motoho-at suruk amuk-o.

Galatia 4:16

Eke an wene demat urukon etno yig hisarikik etno fam hit ninim healeg neken welatukuk buruk ahep ano?

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.

1 Korintus 11:23

Eke At Ninoweyen yanggul nitision etno anden yanggul hisaruk ahi etno du at-o; eke At Ninowe Yesus wabukag ulug yonggo yig isa lebag etno sambit hupmu Aren orom roti inggikmu waruk wilil,

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Lukas 7:30

Eke it Farisi ap inim, eke it ap wene holal baleg unde epmano inimen At Allahen inesanggo wapahon etno holtug elegma, at Yohanesen ikma belap ninabuk ninambit-o, ulug uruk apag.

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Yohanes 15:15

Eke at ap misig anggimbu epmanowen iniknien surukon epmano inapeleg halug, Anden hit nanggimbu ulug yig hisawon etno sohorep isalug, hit nomini ulug yig hisaruk ahi-o. Eke yi wene di wene At An Niknien yig nitukmu nesanggo holtikikon epmano inim selegma-at bukaloko yig hisaruk atikik-o.