Kisah Para Rasul 20:20 - Allah Wene Hurumbik Keron

²⁰ Eke o selegmen inim, hinibamen inim yalmag hisiog ulug Allah wene yanggul hisaruk wilil, wene misig yig hiseheg, misig herako ombateheg suruk atikik fug-o.

Kisah Para Rasul 20:20 ပူးပေါင်းရင်းမြစ်များ

Markus 4:34

Eke it aphe epmano hag wene ilitoho neken-at yig isaruk apahon etno oke, eke At omini epmano inim inakeleg-at wilil, yi wene di wene yig isebahon ebe ariroho farim yig hisihi ulug bukaloko yig isebag.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 20:27

Hinonggareg hinakeleg hinobabut fam hinili wao sohorep hisahaku-o.

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 5:42

Laruk ap nintul nantul o Allah ibam inim, it aphe inibam epmanowen Yesus Kristus awene fano wene etno yanggul isil nuruk apag.

1 Korintus 12:7

Eke it aphe obog fano inabukag ulug At Roh Kudus etnowen og nisaruk etno ninakeleg ninakeleg-at og nisaruk-o.

1 Korintus 14:6

Eke ari halug, nomini-o. An nebe etno hinambeg watlereg, Allah wene herahowon selegmaroho yig hiseheg, eke alem misig hiniluk amag ulug yig hiseheg eleg, eke Allah wene nindimuen walug yig hiseheg, eke wene yanggul hiseheg suruk eleg wilil, we nune akelehon-at yig hiselemen, hinindi oag werehep hisahale fug-o.

1 Korintus 15:3

Eke an og nebahon alem neken hit og hisaruk seyahon wene etno ebe du at-o, eke nit dag suruk nisalug, wene holal balfahon Alkitab fam wereg etno ilitoho At Kristus ebe nit ninonggo-at warapag-o.

Filipi 3:1

Nomini-o, At Ninowe etnowen hinindi hinahientep hisaharuk amag ulug yig hisihi-o. Eke bilin holal bal hisarikikon hinindi oag wereg amag ulug, fobik etno-at dahagsoho bal hisao ari fano at-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.