Kisah Para Rasul 2:47 - Allah Wene Hurumbik Keron

⁴⁷ Inahientoho wilil, At Allah wa ulug suontepfuruk weregma, it ninen inahien inobam embebag. Inahien isaruk apareg weregma, At Allahen nintul nantul it inili webahon epmano at misig obam seberoho embeheg, at misig obam seberoho embeheg suruk apag.

Kisah Para Rasul 2:47 ပူးပေါင်းရင်းမြစ်များ

Lukas 19:48

Yanggul isaruk weregma, it aphe obohen inesanggo holtuk wilil, Aren surukon epmano ninesanggo holehe fug, eke hehe ha nowen ulug urukmu, eke it ap Allah unde inowe suon inim, eke it wene holal baleg unde epmano inim, eke it aphe inowesi epmano inimen wabuog ulug inahla bebahon oke, inakolen sohorep isebag.

Lukas 2:52

Ariroho weregma, eke At Yesus etno ebe su atuk apareg, indi oag wereg apag. Indi oag wereg atuk apareg weregma, At Allahen inim, it apheyen inim inahien obam embebag.

Kisah Para Rasul 11:21

Yig isaruk apareg, At Ninowe Yesus oag werehon etno inim sil nurukmu, it yi aphe di aphe obog-at Allah wene eberoko webag.

Kisah Para Rasul 11:24

Eke at Barnabas etno obabut fano mondog weregma, Roh Kudus indimu kurukmu, wene fanowon etno obam ebereg mondog welapag. Weregma, eke it aphe obog epmano Yesus wene eberoko webag.

Kisah Para Rasul 13:48

it Allah wene inapelehon epmano inahien anggolo haruk wilil, Allah wene etno demat ulug suontepfebag. Suontepfuruk apareg, eke it iniluk initog mondog welamag ulug heako imbisebahon epmano wene eberoko webag.

Kisah Para Rasul 14:1

It Paulus Barnabas etano o Ikonium wilil, it Yahudi Allah wene uruk ambeg epmano kuruk apareg, wene yig isaruk apagma, it Yahudi ap inim eke it Allah wene inapelehon inim anggolo-at eberoko waruk apag.

Kisah Para Rasul 14:21

It Paulus, Barnabas etano o Derbe wene fano wene etno yig isaruk apagma, it obohen wene etno eberoko webag. Waruk apagma, it etano iniog suhuluk o Listra laheg, Ikonium laheg suruk apareg, fobik o Antiokhia etno lebag.

Kisah Para Rasul 16:5

Inesanggo watuk apareg weregma, it aphe Allah wene warukon epmano inindi oag wereg atuk wilil, inebe anggolo apag.

Kisah Para Rasul 17:12

Wane suruk atusareg, it anggolo inim eke it Yunani hweap inowesi inim eke it Yunani ap anggolo inim wene etno eberoko warusa.

Kisah Para Rasul 2:39

Ikma belap hinaptuk amukonma, bilin At Allahen Roh Kudus og hisahuk ulug ebahon hinobam belabik warikon-o. Eke At Allahen og hisahuk ulug ebahon etno hit inim, hinudaki inim, it yatmon At Ninikni Allahen wol inaptukon inim obog-at og hisahuk ulug ebag-o,” ulug at Petrusen yig isebag.

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 4:21

Yig isaruk apagma, it Yahudi ap inowesi suon epmanowen dahagsoho inesanggo watuk apareg, sohorep isebag ari, dahon etno keroho inobam umbuk ulug inapeleg atuken sohorep isebag.

Kisah Para Rasul 4:33

Uruk wilil weregma, eke it mondep isebahon epmano inoag weregsoho wilil, At Ninowe Yesus minduhupfebahon wene etno yig isil nuruk apag. Yig isil nurukmu, At Allahen it obog inobam ahien embebag.

Kisah Para Rasul 4:4

It etano kolap isaruk apagma, eke it aphe Allah wene yig isarukmu webahon epmano, inebe lima ribu-at webag.

Kisah Para Rasul 6:1

Eke fobik, it nin anggolo Allah wene waruk apagma, it Yahudi ap Yunani une urukon epmano uruk wilil, “Nintul nantul uang sumburoko og isaruk ahebon oke, hweap niron suhweon etno sohorep isehep-o,” ulug it Yahudi ap inune urukon epmano inim winimug apag.

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Kisah Para Rasul 9:31

Lahapfuruk apagma, it o Yerusalem, Galilea, Samaria aphe Allah wene warukon epmano obog fano welapag. Fano wilil, it inebe At Roh Kudusen yalmag inaptukmu anggolo apag. Inebe anggolo atuk apareg wilil, At Allah apma seberoho welapag.

Kisah Para Rasul 9:35

Minatuk apagma, it o Lida Saron aphe epmanowen inilanggen haruk apareg, Ninowe Yesus awene etno webag.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

Roma 8:30

Eke it aphe inebe At Allahen bilin fuloko imbisebahon epmano wol inapag-o. Wol inaptuk apareg, ninim fanoroho welamuog ulug alem dahon inobam werehon etno elehep isebag-o. Ariroho suruk apareg, fobik ninim suon-at welamuhuk ulug hurumbik yig isebag-o.

Roma 9:27

Eke at Yesaya etnowen it Israel ap farim uruk wilil, “It Israel ap epmano inebe ik sorli neken anggolo-at wereg oke, it nin inebe dorat minggiroko inili wahu-o.

1 Korintus 1:18

Eke it aphe dag surukon o dagma lahubon epmanowen at ebe e fam lenggaloko embebahon wene ari we hai neken inahla buruk oke, nit At Allahen ninili og ninaptukon epmanowen wene du fam At Allahen oag weregsoho ninili og ninaptuk ulug ninahla buruk ahe-o.