Kisah Para Rasul 2:43 - Allah Wene Hurumbik Keron

⁴³ Suruk apareg weregma, it Yesus omini mondep isebahon epmanowen elalintoho sukfugangge suruk apagma, it obohen wi ulug fog suruk apag.

Kisah Para Rasul 2:43 ပူးပေါင်းရင်းမြစ်များ

Markus 16:17

Eke it nin An nawene etno inindimu eberoko wahubon halug, it apheyen fog inaptuk amag ulug, sukfuganggeroho suruk wilil, it setan inindimu kurukon epmano An ninuk fam lisoko wilip iseheg, eke inune inapelehon-at eheg suruk amuhup-o.

Lukas 7:16

Og ituk apagma, it aphe obog epmano inakolen suruk apareg, uruk wilil, “Kidia ap nabi suon misig ninanggelegmen minaha etno nit At Allah udaki obog ninili wawag ulug At Allahen belap nisa waha-o,” ulug it obohen At Allah inuk suontepfebag.

Lukas 8:37

Yig isaruk apagma, it aphe o Gerasa o ahik ya da obog epmano inakol anggolo haruk apareg, At Yesus etno yig ituk wilil, “Hat nit ninibam duma sohorep isalug lamihin-o,” ulug yig epag. Yig ituk apagma, At Yesus etno so fam ikma epmano kuruk apareg, sohorep isalug lebag.

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 4:33

Uruk wilil weregma, eke it mondep isebahon epmano inoag weregsoho wilil, At Ninowe Yesus minduhupfebahon wene etno yig isil nuruk apag. Yig isil nurukmu, At Allahen it obog inobam ahien embebag.

Kisah Para Rasul 5:5

at Ananias etno esanggo holtuk apareg, ilfulug suruk neken kweanma ying atuk wilil, arat warapag. Waratuk apagma, it nin obog inesanggo holtuk apareg, inakol apag.

Kisah Para Rasul 9:34

Ha laruk apareg, at Petrus etnowen yig ituk wilil, “Eneas wai. Hat hebe etno At Yesus Kristusen fano haptuk-o. Fano haptukmu, kidia minatuk apmihinteg, hesabul nohoruk ahenon etno yinggiloko hulimin,” ulug yig ituk apagma, at Eneas etno minapag.

Kisah Para Rasul 9:40

Ariroho suruk apagma, at Petrus etnowen it aphe epmano obog wilip isaruk apareg, ut kunuk ulug sembahyang ebag. Sembahyang uruk apareg, olohore dahagsoho at hwe beya werehon etno kolap haruk wilil, “Tabita wai. Hiluk atlug minamin-o,” ulug yig ituk apagma, ilanggen fenggen atuk apareg, at Petrus etno yet hebag. Yet haruk apareg, minatuk apagma at Petrusen inggik senoko minduhupfebag.