Kisah Para Rasul 2:42 - Allah Wene Hurumbik Keron

⁴² Eke ikma belap inapahon epmano inindi misig-at weregma, At Yesus omini mondep isebahon epmanowen inim dambuksoho wilil, Allah wene yig iseheg, orom nenggeg, sembahyang eheg, suruk apag.

Kisah Para Rasul 2:42 ပူးပေါင်းရင်းမြစ်များ

Lukas 24:30

Kuruk apareg, inim e belareg etno fam horieg wilil, orom roti etno inggikmu waruk apareg seneg wilil sembahyang ebag. Sembahyang uruk apareg, kuroko og isebag.

Lukas 24:35

Yig isaruk apagma, eke it biren etanowen dindiloko yig isaruk wilil, “Nit kwalem laruk wilil, ap misihen wene yig nisaruk ahareg, eke fobik umen orom roti kut nisarukmu, ap du At Ninowe at-o, ulug niniluk aha-o,” ulug yig isebag.

Kisah Para Rasul 1:14

It obog epmano inuhwesi inim, eke At Yesus isina Maria etno inim, At Yesus owe not epmano inim it obog inindi misig-at wilil, nintul nantul sembahyang uruk apag.

Kisah Para Rasul 11:23

Laruk apareg, At Allahen aphe duma ahien arat inobam imbisi, ulug ahla buruk apareg, yig isaruk wilil, “Hit hinindi At Ninowe Yesus obam ebetuk wilil, hinim hinindi hunduhuk welamiek-o,” ulug yig isebag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 20:11

Laharuk atisireg, orom kuruko og isarukmu, narusa. Naruk atusama, at Paulus etnowen wene hupmu yig isarision etno atog ilikia o healtuk heheg yig isaruk atisireg larisi.

Kisah Para Rasul 20:7

Eke fobik o sono hari Minggu ulug it ninomini ninim hari Sabtu fam hupmu orom nawon kubuog ulug wonggaltuk atukukseg, at Paulusen it aphe yig isaruk wilil, at ebe o sono liog ulug suruk atisireg fam, hubanggo homanoho ilimbul yig nisarisi.

Kisah Para Rasul 4:23

It Petrus Yohanes etano sohorep isaruk apagma, inomini inambeg laruk apareg, it imam ap suon epmanowen yig isebahon etno inomini bukaloko yig isaruk apag.

Kisah Para Rasul 4:31

Sembahyang uruk apagma, o yugul suruk wilil, o it wereg ambeg etno aplohok sebag. Aplohok suruk apagma, it epmano Roh Kudus inindimu kuruk wilil yig isarukmu, Allah wene inakol elegsoho yig isaruk apag.

Kisah Para Rasul 6:4

Minduhup isaruk amulteg, niren it aphe wene yig iseheg, sembahyang eheg suruk amuhuk-o.”

Roma 12:12

Eke hiren nit fobik fano ninabuhu ulug hinahla buruk wilil, it ninen dahon epmano hinobam umburuk isalug, hinindi hinahlahiroho-at welamuk-o. Ariroho wilil, nintul nantul sembahyang uruk amuk-o.

1 Korintus 10:21

Eke hit At Ninowe amep honanggo etno nenggeg, eke monggat ahik honanggo nenggeg suruk am ari dag-o. Eke hit At Ninowe aharom esoho etno nenggeg, eke at monggat aharom esoho etno nenggeg suruk am ari hai-o.

1 Korintus 11:2

Eke an yi wene di wene nindi ebetuk wilil, wene misig yanggul hiseheg, misig yanggul hiseheg suruk atikik epmano ilitoho hit seneg welahep ari fam hit fano suruk ahep-o, ulug suontep hisaharuk ahi-o.

1 Korintus 14:6

Eke ari halug, nomini-o. An nebe etno hinambeg watlereg, Allah wene herahowon selegmaroho yig hiseheg, eke alem misig hiniluk amag ulug yig hiseheg eleg, eke Allah wene nindimuen walug yig hiseheg, eke wene yanggul hiseheg suruk eleg wilil, we nune akelehon-at yig hiselemen, hinindi oag werehep hisahale fug-o.

Galatia 1:6

Wi, an hit keroho wereg ulug nahla buruk ahi-o. Eke hit At Kristusen hinabua hisarukmu wol hisarision etno dulumsoho sohorep isalug, wene akelehon-at mutlug laruk ahep-o.

Efesus 2:20

eke it Allah wene yig isil lawag ulug mondep isebahon epmano inimen o andorli neken oag weregsoho embebag etno fam, At Kristus Yesus ebe-at o wut oag neken wereg heheg, hit epmano o hobat neken hinombisaharisi-o.

Efesus 6:18

Ariroho holaruk wilil, hit At Allahen yalmag hisawag ulug sembahyang uruk amuk-o. Eke At Roh Kudus etnowen yanggul hisaruk halug, hit nintul nantul sembahyang uruk amuk-o. Eke ari halug, hit nintul nantul yaharoho wilil, sohorep iseheg eleg-at it Allah udaki epmano nintul nantul inake sembahyang uruk amuk-o.

Filipi 1:5

Eke amuk inim, kidia inim wene fano wene yig isil lawon yabuk etno hiren yalmag naptikip etno fam, an nahientoho hinobam ebetuk ahi-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 4:2

Eke hit nintul nantul sembahyang uruk amuhup-o. Eke Ninikni Allah wa ulug sembahyang uruk amuhup-o.

2 Timotius 3:14

It ariroho suruk amuhubon oke, eke hat hag wene du demat ulug yanggul hitusama eberoko warikin-o. Eke ap dumen yanggul nitusa ulug hiluk welahen-o. Eke hat hebe udag doron famen Alkitab etno hiluk welatikin-o.

Ibrani 10:25

Eke it nin inebe dambuksoho wonggaluk sohorep isaruk etno hag, nit ariroho suruk am fug-o. Eke At Ninowe wamon etno arat fanggog ik waharuk-o, ulug hinahla buruk ahep etno fam hit hit hinindi oag werehepataruk amuk-o.

Ibrani 10:39

Eke nit hag, ninambit ulug ninolohore wilip atuk ahe fug etno fam, fobik o dagma luog ulug welahe fug-o. Nit ninindi demat ulug ebetuk ahe ari fam, fobik Aren ninili wahu-o, ulug ebag.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.