Kisah Para Rasul 2:40 - Allah Wene Hurumbik Keron

⁴⁰ Yig isaruk apareg, inesanggo watuk wilil, “It dag surukon du fobik dagma imbisahu-o. Eke hit ariroho hinombisahuk nowen ulug hinahap wendat saruk amiek-o,” ulug yig isebag.

Kisah Para Rasul 2:40 ပူးပေါင်းရင်းမြစ်များ

Matius 12:34

Eke hit walo udaki neken welahep du, hino­babut dahon ari famen keroho yi wene di wene fanowon etno uk behep ano? Eke inindimu werehon etnowen inambilik selemen ilitoho-at uruk-o.

Matius 16:4

Yig isaruk apareg, eke fobik yig isaruk wilil, “Eke hiren sukfugangge misig sin-o, ulug yig nituk ahep ari, Anden suk nambit-o. Eke at Yunus etno elalintoho welapag etno hag, elalintoho suruk neahup-o,” ulug yig isaruk apareg, it epmano imbisalug lebag.

Matius 17:17

Yig ituk apagma, At Yesusen yig isaruk wilil, “Nomini-o, hit An ninim welaheon oke, hinindi dahon wilil fikfag ebereheg eleg sil nuruk ahep du, An ninggik maren ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, ap etno yig ituk wilil, “Udag ari walug nambeg dia ma-o,” ulug yig ituk apareg, setan etno winimug yig ituk apagma, wilip apag.

Matius 23:33

ulug yig isaruk apareg, eke fobik yig isaruk wilil, ‘Hit hinebe walo neken wilil, walo udaki neken welahebon du wai. Hiren nit o dagma ninombisahuk nowen ulug keroho ninili holalug wilip amuhuk buruk ahep-o?

Markus 8:38

Eke fobik it aphe duma narlog harlog seheg, yi dag di dag seheg suruk iseheg, hit hinim-at wilil An nawene etno yig isao hinenggalien sohorep isaruk amuhup halug, fobik An Allahen minduhup naharision etno it boholma malaikat epmano ninim At An Nikni etnowen ninalontoho lahap nisa waharuk aruhumu, Anden hinili wao sohorep hisahakuk-o,” ulug yig isebag.

Lukas 16:28

An nikni ibam epma nosi fuaben angge wereg etna o hondok olokma an welahi ambeg duma wam nowen at Lazarus ari hurumbik yig isa lawag ulug lahapfin-o,’ ulug yig ituk apagma,

Lukas 21:36

Eke yi angge di angge suruk heheg, hinilioko hinoag weregsoho welamuhupseg, An Allahen minduhup naharision nambeg epmen fanoroho minamuhuben, hinindi aso wilil, nintul nantul sembahyang uruk amiek-o,” ulug yig isebag.

Yohanes 21:25

Eke At Yesusen yiroho diroho nin anggolo suruk apahon epmano obog-at holal baltepmen, o kweanma duma buku wene baleg etno wao hai atlep hihi-o. Amin.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Kisah Para Rasul 15:32

Inahien haruk apagma, it Yudas Silas Allah wene yig isarukon etano inomini inim ininggik anggolo wilil, it epmano inoag wereg amag ulug, Allah wene yig isaruk apag.

Kisah Para Rasul 20:11

Laharuk atisireg, orom kuruko og isarukmu, narusa. Naruk atusama, at Paulus etnowen wene hupmu yig isarision etno atog ilikia o healtuk heheg yig isaruk atisireg larisi.

Kisah Para Rasul 20:2

Waharuk atisireg, o epmano ya keheg wene yig isil nuruk wilil, it aphe obog inesanggo watil nuruk atisi. Inesanggo watil nuruk atisireg, fobik o Akhaya waharisi.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 20:9

udag elege inuk Eutikhus etno o ele baleg ambeg horie irisi. Horie irisireg weregma, at Paulus etnowen wene yaron-at yig isarukmu, at udag Eutikhus etno nohoen kun kan suruk wilil, fobik mondog nohoruk atisireg, selema fil o baharik henahan sohantoho bule ambirisi. Amburuk atisimu, iren ebe leko hambogsoho waruk atusareg, bikharuk atusa, arat waratisimu, ebe waraha-o ulug inilanggen harusa.

Kisah Para Rasul 28:23

Yig ituk atusama, o ari sambit wene uhuk, ulug at Paulus inim uruk atusareg, it inebe obog at Paulus wereg ambeg wonggalik waharusa. Wonggalik waharuk atusama, at Paulusen Allah weregma sukon wene etno ilikia hubet yig isarisi. Yig isaruk mondog weregma, o hupmu atisi. Eke o ari fam yanggul isaruk wilil, at Musaen ebahon etno yig iseheg, eke it nabien wene holal embebahon epmano yig iseheg suruk wilil, At Yesus ari Kristus at-o ulug iren eberoko wawag ulug yig isarisi.

Kisah Para Rasul 4:36

It ninen og isa lebag etno hag, at ap misig inuk Yusuf, ungguluag Lewi, ibam o Siprus epmen endag apahon etno waharuk apagma, it mondep isebahon epmanowen ninindi fano ninaptukon ulug inuk Barnabas soalfag.

2 Korintus 5:20

Ariroho At Kristus ninim mondep nisaharisireg fam, niren ninune yig hisaruk aheon oke, At Allahen-at yig hisaruk-o. Ari halug, At Kristus inuk fam-at yig hisaruk ahe ari, hit hinebe At Allah hinim healeg welahebon epmano At udaki amuhuben hinim dambuliuk-o.

2 Korintus 6:17

“It epmano sohorep isalug, hinim hinakeleg sik welamuk-o. Eke ariroho hinakeleg hinakeleg wilil, dahon werehon epmano senetuk eleg hisalug, Anden endag hinabuhuk-o.

Galatia 5:3

ulug yig hisihion ari fobik inim dahagsoho nune mondog oag weregsoho yig hisamin-o, eke at ap misihen niyunggul ambilik bal nabukag ulug uhu halug, bilin it Yahudi aben duroho suruk amuk eke duroho suruk am fug ebahon etno obog ilitoho-at sukag-o.

Efesus 4:17

Eke ari halug, At Ninowe inuk fam nune oag weregsoho yig hisaruk ahi-o, eke it ap Allah wene inapelehon epmano inindimu urunanggeroho ebetuk wilil o hikmu werehon epmano ilitoho suruk am fug-o.

Filipi 2:15

Eke hit ariroho suruk ahebon etno At Allah udaki oke, it aphe yuhun-at wilil dahan fahan surukon epmano inanggelegma welahep-o. Eke hit ariroho inanggelegma wilil, wene iniluk amon etno yig isaruk hisalug, soholoal boholma werehon oke yangguk atuk etno hag, hit epmano eral fisaho neken inanggelegma welamuk-o. Ariroho wereg hisalug, At Kristus waruhu etno sambit an nahien hahuk-o;

1 Tesalonika 2:11

Eke iniknisien inudaki fanoroho yig isaruk etno hag, yig hisaruk atukukon etno hit hiniluk-o.

1 Timotius 4:16

Eke hat hag, aphe wene yanggul isaruk wilil, fano-at yanggul isaruk ahi ano, ulug honggarehen hindimu ebet saruk amin-o. Ariroho suruk wilil, hat hili holeheg, eke it hat hune inesanggo holtukon epmano inili weheg suruk aruhun-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.