Kisah Para Rasul 2:38 - Allah Wene Hurumbik Keron

³⁸ Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 2:38 ပူးပေါင်းရင်းမြစ်များ

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 3:6

Waha­ruk apareg, iren dag suruk apahon epma­no bukal­tuk apagma, aren ik Yordan ikma belap inaptuk apag.

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Markus 1:15

Ariroho fanggog ehek ari, At Allah weregmen sukon etno-at fanggog ehek-o. Ari halug, hit hinindi wereg atlug, wene fano wene du-at eberoko wimiek-o,” ulug yig isaruk apag.

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Lukas 3:10

Yig isaruk apagma, it aphe epmanowen hinog uruk wilil, “Nit obog duma keroho suk-o,” ulug yig ituk apagma,

Kisah Para Rasul 10:43

Ariroho yig nisarision etno it ap nabi epmanowen bilin At ahurumbik yig isaruk wilil, ‘It yi aphe di aphe At inuk eberoko waruk isalug, iren dag suruk atuson epmano inobam inapelegsoho At inuk fam apma imbisahu-o,’ ulug bilin it nabien ebahon epmano yig hisaruk ahi-o,” ulug at Petrusen yig isebag.

Kisah Para Rasul 10:48

eke fobik at Petrusen, “Eleg-o, At Yesus Kristus inuk fam ikma belap inabul,” ulug belap inaptuk apagma, it epmanowen yig ituk wilil, “Hat hebe nininggik dorat ninim welamuhuk-o,” ulug yig epag.

Kisah Para Rasul 13:38

Ari halug, nomini-o, hit dag suruk atikibon sohorep isawon wene etno At Yesus inuk fam hit obog-at yig hisaruk ahi-o. Eke at Musaen wene duroho suruk amuk eke duroho suruk am fug ulug ebahon etno hinesanggo holtuk wilil, dag-at surukmu, kidia hit obog Yesus inuk eberoko waruk hisalug, hiren dag suruk atikibon epmano sohorep isalug apma hinombisaharuk-o.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Kisah Para Rasul 17:30

Eke amuk ninapeleg wilil dag suruk atukukon epmano ninobam ninapelegsoho apma ninombisahabahon oke, kidia At Allahen yi aphe di aphe obog hiren dag suruk ahebon epmano sohorep isalug An nawene etno waruk amiek-o, ulug yig nisaruk-o.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Kisah Para Rasul 26:20

Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Kisah Para Rasul 8:12

Wenaharuk apagma, eke fobik at Filipus etnowen Yesus Kristus inuk fam yanggul isaruk wilil, At Allahen sukon wene fano wene etno yig isaruk apareg, ap inim, hweap inim obog-at ikma belap inaptuk apag.

Kisah Para Rasul 8:20

at Petrus etnowen, “Eleg-o, hat At Allahen og nisarukon etno uang fam onggo balik ehen ari, hahuang wereg oke, dahon etno nobam nombahukag ulug uruk ahen ano?

Roma 6:3

Ari halug, eke an yig hisaminon du hit hiniluk at-o. Eke nit At Kristus Yesus ninim welamag ulug ikma belap ninaptusa ari, At ninim-at waramag ulug ikma belap ninaptusa-o. Eke ariroho ikma belap ninaptusareg fam, At warapag etno hag waratukuk etno fam At ninim dambuksoho o wikelma kolap nisaharusa-o.

Efesus 1:7

Eke At Kristus etno amep deloko umbulug warapareg fam, nit hag ninili waruk wilil, dag suruk aheon epmano sohorep isalug, ninobam ninapelegsoho At apma ninombisaharuk-o.

Titus 3:5

Eke nit fano suruk nisalug, ninili warisi fug-o. Aren ahmu nisaruk wilil, Roh Kudus fam ninindi ho ninaptuk atisireg, ninindi werehep nisaharisi-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,