Kisah Para Rasul 2:37 - Allah Wene Hurumbik Keron

³⁷ Yig isaruk apagma, it epmano wi ulug inakol anggolo haruk apareg, at Petrus omini epmano inim yig isaruk wilil, “Halug nit keroho suk-o nomini?” ulug hinog yig isebag.

Kisah Para Rasul 2:37 ပူးပေါင်းရင်းမြစ်များ

Lukas 3:10

Yig isaruk apagma, it aphe epmanowen hinog uruk wilil, “Nit obog duma keroho suk-o,” ulug yig ituk apagma,

Lukas 3:12

Inesanggo watuk apagma, it ap uang onggo kino urukon epmano ikma belap ninabukag ulug ambeg waharuk apareg, it epmanowen yig ituk wilil, “Ninowe yanggul nisarukon wai, nit keroho suk-o?” ulug yig ituk apagma,

Lukas 3:14

Yig isaruk apagma, it ap osi sehen senehon ninen yig ituk wilil, “Eke nit hag, keroho suk-o?” ulug yig ituk apagma, aren yig isaruk wilil, “Hiren hinenggal aphe inobam denggeltuk wilil, hinasineroho aphe inahuang diloko wa fug-o. Uang anggen onggo og nisarukon epmano ilitoho og nisehesa ulug hinahla buruk amiek-o,” ulug yig isebag.

Yohanes 8:9

Holal baltuk heheg, Aren yig isebahon etno inesanggo holtuk apareg, it inanggohon epmano bilin wilip aheg, eke it nin fobik wilip aheg suruk apag, obog sohorep isalug wilip apag. Wilip atuk apagma, At Yesus hwe minduhupfebahon etno inim inakeleg-at welapag.

Kisah Para Rasul 1:16

“Nomini-o, at Yudas etno nit ninim At Yesus omin ulug heako minduhupfebahon oke, eke At Roh Kudus etnowen Daud yig itukmu ebag etno hag, at Yudasen fobik At Yesus ebe du at-o, ulug irisi famen, it ap Yesus hele watuson epmano inowe neken atisi ari Roh Kudus etnowen Daud yig itukmu iluk apag etno hag seg atisi-o.

Kisah Para Rasul 22:10

Holeheg eleg weregma, eke anden yig ituk wilil, ‘Nowe-o, an keroho sik-o?’ ulug yig ituk atikikmu, At Nowe etnowen yig nituk wilil, ‘Hat minatlug o Damsyik wapmihinmu, haren sukon At Allahen ahla bebahon etno dindiloko yig himukon-o,’ ulug yig nituk atisimu,

Kisah Para Rasul 5:33

Yig isaruk apagma, it imam inowesi suon epmano inesanggo holtuk apareg, inasine anggolo haruk wilil, ap du wabuk-o, ulug uruk apag.

Kisah Para Rasul 7:54

Eke it Yahudi ap inowesi suon epmano at Stefanusen yig isarukmu inesanggo holtuk apareg, inasineyen inayeg kilit matuk wilil, inambit haruk apag.

Roma 7:9

Eke wene duroho suruk amuk eke duroho suruk am fug ulug ebahon etno napeleg wilil, nebe niluk welatikikon oke, eke fobik wene duroho suruk amuk eke duroho suruk am fug ulug ebahon etno fam alem du dag surukon-o, ulug niluk atuk atikikseg,