Kisah Para Rasul 2:33 - Allah Wene Hurumbik Keron

³³ Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 2:33 ပူးပေါင်းရင်းမြစ်များ

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Lukas 24:49

Eke An Niknien og hisawon abug yig hisarision etno fobik belap hisa waruhuk-o. Eke hit hag, boholmen oag werehon etno ninobam belabik waruhu ulug aso wilil, o duma welamuhup-o,” ulug yig isebag.

Yohanes 14:16

Ariroho suruk hisalug, At Roh Kudus etno At An Niknien og hisawag ulug obam sembahyang uruk aruhukmu og hisahu-o. Og hisaruk halug, At Roh Kudus Yalmag hinaptukon etno nintul nantul hinim wilil, Aren wene demat uruk amon etno yig hisaruk aruhu-o.

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Kisah Para Rasul 1:4

Yig isaruk apareg, inim wilil Aren yig isaruk apag, “Hit o Yerusalem epma sohorep isalug la fug-o. Hit An Niknien og hisawon abug yig hisarikikon etno aso welamuk-o,” ulug yig isebag.

Kisah Para Rasul 10:45

Belabik waharuk apagma, at Petrus inim, eke it Yahudi ap o Yopeyen inim wapahon epmano inimen, “Wi, it aphe duma Yahudi wene etno inapelehon oke, At Allahen Roh Kudus og isaruk-o,” ulug fog suruk apag.

Kisah Para Rasul 2:17

At Allahen yig isaruk wilil, ‘Anden fobik suhukon etno, Roh Kudus it yi aphe di aphe inobam belabik waruhuk-o. Hit hinudaki ap angge, hweap angge inim Allah wene uruk amuhup-o. It hinudaki elege epmano noho firin-firin neken hahup-o. It hiniknisi inanggohon epmano ini og hahup-o.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

Galatia 3:14

Eke ariroho sebag arien, At Allahen Abraham etno amuk yig ituk wilil, “An nahien it aphe inobam umbuhuk-o,” ulug hurumbik yig epahon etno it ap Allah wene inapelehon epmano ahien inobam umbukag ulug At Kristus Yesus ariroho sebag-o. Eke At Allahen Roh Kudus og isahuk ulug abug yig isebahon etno nit At obam ebetuk aheon epmano og nisawag ulug At Kristus ebe ariroho sebag.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 4:8

Eke Alkitab etno fam duroho yig nisaruk-o, “At etno boholma laharuk atisireg, aphe obog inahele hibiloko imbisalug, yi angge di angge epmano og isarisi-o,” ulug Alkitab fam ariroho weregma,

Titus 3:6

Eke At Allahen At Yesus Kristus ninili warukon etno ninake og nisaruk wilil, Roh Kudus kelegso­ho og nisarisi-o.

Ibrani 10:12

It apheyen dag surukon epmano eleg amag ulug At Kristus etnowen misihim-at Allah ake ombataruk wilil, aphe obog inonggo baltuk apareg, At Allah inggik bikit fil horie ik lahabag-o.

Ibrani 2:9

Isaruk ahe fuhon oke, At Yesus-at ninilanggen haruk ahe-o. Eke At ebe elamna-at it malaikat epmano inapma welamag ulug embebareg fam, At Allahen it yi aphe di aphe obog inabua isaruk heheg, At it inake waramag ulug sohorep isebahon oke, At ebe waratuk wilil yahan wapareg fam, kidia At ebe suon alon werehon-at wereg haruk ahe-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.

1 Petrus 3:22

o boholma lahabareg, At Allah inggik bikit fil wilil, it malaikat inim eke it boholma suon inoag werehon epmano inim Inikni neken wereg-o.