Kisah Para Rasul 2:30 - Allah Wene Hurumbik Keron

³⁰ Eke at Daud bilin nabi ap weregma, At Allahen hurumbik yig epahon etno iluk wilil ahla buruk apag. Ahla burukmu, At Allahen Daud etno hurumbik yig ituk wilil, ‘Kidia hat Daud suon welahen etno hag, fobik At hetamu misig suon minduhupfuhuk-o,’ ulug yig ituk apagma,

Kisah Para Rasul 2:30 ပူးပေါင်းရင်းမြစ်များ

Matius 22:43

Yig ituk apagma, eke At Yesusen yig isaruk wilil, “Ariroho hinahla buruk ahebon oke, eke At Roh Kudus etnowen Daud yig itukmu, aren At Kristus farim Nowe suon ebag ari, keroho ulug ebag buruk ahep-o? At Daud etnowen yig isaruk wilil,

Matius 27:35

Ambit atuk apagma, it etnowen ebe e fam lenggalepfulug paku warepfuruk apareg, At asum etno fuloko holuog ulug helep esag esag suruk apareg, fuloko holebag.

Markus 12:36

“Eleg-o, At Roh Kudus etno at Daud indimu kuruk apagma, aren yig isaruk wilil, ‘At Ninikni Allah etnowen At Ninowe etno yig ituk wilil, ‘It aphe Hat hinim healeg welahebon ari, Anden Hat hiog apma imbisahukon epmano inaso welaruhunen ninggik bikit fil horie ik ma-o,’ ulug At Allahen An Nowe etno yig erehek,’ ulug at Daud etnowen At Kristus farim Nowe ebahon oke,

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Kisah Para Rasul 1:16

“Nomini-o, at Yudas etno nit ninim At Yesus omin ulug heako minduhupfebahon oke, eke At Roh Kudus etnowen Daud yig itukmu ebag etno hag, at Yudasen fobik At Yesus ebe du at-o, ulug irisi famen, it ap Yesus hele watuson epmano inowe neken atisi ari Roh Kudus etnowen Daud yig itukmu iluk apag etno hag seg atisi-o.

Roma 1:3

Ari, wene fano wene etno At Allah Amloho Ninowe Yesus Kristus etno at Daud etamu neken endag apahon oke,

Roma 15:12

eke fobik at Yesaya etnowen yig nisaruk wilil, “At Isai etamu misig etno lahik waharuk aruhumu, it ap bilin Allah wene inapeleg welatuson epmano Inowe welamag ulug minduhupfuhu-o. Minduhupfuruk aruhumu, it epmanowen Aren fano ninabuhu-o ulug inahla buhup-o,” ulug wene holal embebag-o.

2 Timotius 2:8

Ebetuk wilil, eke At Yesus Kristus etno inim obam ebetuk amin-o. Eke At Yesus etno Daud etamu neken weregma, aphe waratuk ambehen iluksoho minduhupfebag ulug, wene fano wene etno aphe yig isil nuruk ahi-o.

Ibrani 1:1

Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

Ibrani 3:7

Eke At Roh Kudus etnowen yig nisaruk wilil, “O yoho At Allah une hinesanggo holtuk ahep halug,

Ibrani 4:7

Ariroho wereg ari, At Allahen fobik dahagsoho yig isaruk wilil, “Hit o yoho At Allah une hinesanggo holtuk ahep-o,” ulug yig isebag etno fam inebe werehon epmano selegma atuk-o. Eke at Daud etnowen wene bilin eheon etno-at fobik ilitoho yig isaruk wilil, “O yoho At Allah une hinesanggo holtuk ahep halug, hit bilin hinindi arikepatalug welatikip etno hag welam fug-o,” ulug yig isebag.

Ibrani 6:17

Eke At Allahen ariroho og hisahuk ebahon etno it epmanowen demat og nisahu-o. Aren enggal-at ulug sohorep nisahaku fug-o, ulug inahla bukag ulug aren yig isaruk wilil, “An og hisahuk yig hisihi ari, An ninuk fam demat yig hisihi-o,” ulug yig isebag.

Ibrani 7:21

At Yesus etno Allah unde welamag ulug minduhupfiog ulug, At Allahen yig ituk wilil, “An Hikni Allah ninuk fam demat ulug yig hituk ahi-o.

2 Petrus 1:21

It bilin hurumbik ebag etno iren ebag fug-o, At Roh Kudusen Allah une yig isarukmu, hurumbik etno ebag-o.

Wahyu 17:14

Ariroho suhubon-at oke, fobik At Wam Domba Udag etno inim wim abuhup-o. Wim abuhubon oke, eke At Wam Domba Udag etno it yi aphe di aphe obog Inowe suon welaruhu ari fam, At udaki heako imbisarision epmano inimen walo suon etno osi inim mondog war inaptuk amuhup-o,” ulug yig nitisi-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.