Kisah Para Rasul 2:22 - Allah Wene Hurumbik Keron

²² Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 2:22 ပူးပေါင်းရင်းမြစ်များ

Matius 12:28

Eke An hag, At Allah Roh Kudus etnowen oag werehon etno og nitukmu, setan lisoko wilip isaruk ahi-o. Ariroho wilip inaptuk nealug, hiren At Allah weregmen sukon etno nit weregmen arat suruk-o, ulug hinahla buruk am fano-o.

Matius 2:23

Laruk apa­reg, o inuk Nazaret etno welapag. Epmano we­regma, At Yesus inuk Nazareton at-o, ulug bilin it nabi aben holal embe­bahon etno ari demat hehe-o, ulug inahla buruk apag.

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Lukas 11:20

Eke An At Allahen oag werehon etno og nitukmu, setan lisoko wilip isaruk ahi-o. Eke ari fam At Allah weregmen sukon etno horog fanggog ehek ulug hinindi ebetuk amiek-o,” ulug yig isebag.

Lukas 18:37

Uruk apagma, it epmanowen yig ituk wilil, “At Yesus Nazaret ap etno laruk-o,” ulug yig ituk apagma,

Lukas 24:18

Bok atuk apareg, at misig inuk Kleopas etnowen yig ituk wilil, “Hat hakeleg-at huso neken o Yerusalem ninim weregma, sono hao suruson etno Hat hapelehen uruk ahen ano?” ulug yig ituk apagma,

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 10:37

Eke An At Niknien suruk etno hag suruk eleg nealug, hiren An nobam ebebuk fug-o.

Yohanes 11:47

Ariroho yig isaruk apagma, it Farisi ap epmano inim, eke it Allah unde inowesi suon epmano inimen it ap wene baltukon epmano obog-at wonggalep isalug, yig isaruk wilil, “Ap duen sukfuganggeroho suruk du, nit keroho suk-o?

Yohanes 12:17

Ariroho inindi ebepahon oke, eke o ari sambit it yi aphe di aphe obog epmano at Lazarus o wikelma aphe warehon imbisaruk ambeg epmano weregma, At Yesusen hol haruk apareg, iluksoho minduhup furukmu inilanggen haruk apareg uruk wilil, “At ap etno sukfuganggeroho surukmu harukuk-o,” ulug At awene etno selegma-at yig isil nuruk apag.

Yohanes 15:24

Eke Anden sukfugangge misig it apheyen inapelehon etno it aphe obog inil fam sele fugmen, nit dag suruk ahe ulug inapeleg-at welatlep-o. Ariroho inapeleg-at welatlebon oke, kidia hag Anden sukfuganggeroho suruk ahion epmano inilanggen haruk atusareg, An nebe inim, eke At An Nikni etno inim, inambit hun ninaptusa-o.

Yohanes 19:19

Lenggaloko umburuk apagma, at Pilatus etnowen holal umburuk wilil, “Ap du it Yahudi ap Inowe suon inuk Yesus ibam Nazareton etno at-o,” ulug holal etno it Ibrani, Latin, Yunani inune fam akeleg sik-at baloko At Yesus ahe etno fam embebag.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 4:48

Yig ituk apagma, At Yesusen yig ituk wilil, “Hit obohen An elalintoho sukfugangge suruk ahion epmano hinilanggen neahup fug halug, demat ulug ebebuhup fug-o,” ulug yig epag.

Yohanes 5:36

Ariroho hinahien haruk hiseheg, at Yohanes etnowen An nawene-at yig hisaruk atision oke, alem suon An nawene yig hisarukon misig du wereg-o, alem ari, An yi yabuk di yabuk sukag ulug An Niknien nobam imbirisireg fam, suruk ahi ari fam An nawene etno selegmaroho yig hisaruk-o. Ariroho yig hisaruk ari, An nebe etno iknien-at lahabik waharisi-o ulug selegma-at yig hisaruk-o.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

Yohanes 7:31

Senebuk hai atuk apagma, it yi aphe di aphe wonggalik wapahon nin epmanowen At obam ebetuk apareg uruk wilil, “At Kristus fobik waruhureg, sukfuganggeroho suhu ulug yig nisebahon etno ap duen ilitoho-at suruk hehe-o. Ariroho suruk hehereg fam, eke Aren nintoho suhu fug-o,” ulug ebag.

Yohanes 9:33

at ap du o Allah wereg ambeg epmen ambik watlep fugmen, ariroho selep fug hihi-o,” ulug yig isebag.

Kisah Para Rasul 13:16

at Paulus etno minatuk apareg, yig isaruk wilil, “Hinune bok amiek-o. Hit nomini Israel ap inim, eke hit Allah wene warukon inim hit obog an wene yig hisaminen an nune hinesanggo holtuk amiek-o.

Kisah Para Rasul 14:27

Laruk apareg, o Antiokhia epma it Allah wene warukon epmano obog-at wonggal inaptuk apareg, it etanowen At Allah inim wilil sil nuruk apahon epmano dindiloko yig isaruk apag. Yig isaruk wilil, “At Allahen it aphe At awene inapelehon epmano eberoko wawag ulug og isarisi-o,” ulug dindiloko yig isaruk apareg,

Kisah Para Rasul 2:19

Eke fobik boholma anduhunmuen sukfugangge suhuk-o. Eke kweanma apmen elalintoho suhuk-o. Mep inim, hondok inim, hondok sohole inim belabik waruhuk-o.

Kisah Para Rasul 2:43

Suruk apareg weregma, it Yesus omini mondep isebahon epmanowen elalintoho sukfugangge suruk apagma, it obohen wi ulug fog suruk apag.

Kisah Para Rasul 21:28

“Hit Israel ap du maniek-o. Ap du o ahik ya da wene yig isil nuruk wilil, nit Israel ap inim, at Musaen wene duroho suruk amuk eke duroho suruk am fug ulug ebahon etno inim, eke o Allah ibam duma inim obog seberoho ninombisaharuk etno hag, eke kidia it ap Allah wene inapelehon epmano o Allah ibam og inabik wahareg, o du niren usa uruk aheon etno oke, hairepfehek-o,” ulug urusa.

Kisah Para Rasul 22:8

eke anden yig ituk wilil, ‘Nowe, Hat sen yig nituk ahen-o?’ ulug yig ituk atikikmu, At une etnowen yig nituk wilil, ‘Hat An Yesus Nazaret ap etno nowariog ulug waharuk ahen arien yig hituk ahi-o,’ ulug yig nitisi.

Kisah Para Rasul 24:5

Eke at ap du narlog harlog dag-at sil nuruk hehe-o. At ebe it Nasrani ap inowe wilil, it Yahudi ap o ahik ya da epmano heal inaptuk-o.

Kisah Para Rasul 26:26

Eke nikni Agripa wai, anden yi wene di wene ihion epmano hat hiluk weregma, an nakol elegsoho yig hituk ahi-o, ulug ihion epmano selegma-at surukmu, hat obog hiluk atisi-o.

Kisah Para Rasul 26:9

Eke an nebe bilin At Yesus Nazareton etno inuk eleg amag ulug o Yerusalem etno sil nuruk atikik-o.

Kisah Para Rasul 3:12

It wonggalik kebagma, at Petrusen ilanggen isaruk apareg, yig isaruk wilil, “Hit Israel ap du, keroho ulug hinakol haruk wilil, hinilanggen yet nisaruk ahep-o? At ap iog oag elehon etno fano sehe ari fam hiren it inobabut fano wilil, it inoag fam fano sehesa ulug buruk ahep? Eleg-o, nomini.

Kisah Para Rasul 3:6

at Petrus etnowen yig ituk wilil, “An nahuang elehen anden angge misig og hipminmu, hat hebe At Yesus Kristus Nazaret ap etno inuk fam minatlug lamihin-o,” ulug yig ituk apareg, inggik bikit fil senoko minduhupfebag.

Kisah Para Rasul 4:10

hit inim it Israel ap inim hit obog hiniluk amag ulug yig hisamin-o. At ap iog oag elehon fano atisireg wereg du, At Yesus Kristus Nazaret ap etno inuk fam oag weregsoho fano atisi-o. Eke At Yesus etno bilin hiren e fam lenggaloko watikibon oke, At Allahen it aphe warehon wereg ambeg epmanowen iluksoho minduhupfirisi-o.

Kisah Para Rasul 5:35

Minatuk apareg, yig isaruk wilil, “Nomini Israel ap wai. Hiren war inabuk ulug burukmu, orog-at sukag ulug yig hisaruk ahi-o.

Kisah Para Rasul 6:14

Eke at Stefanus etno At Yesus Nazareton etno awene uruk wilil, ‘At Yesus etno o Allah ibam mialoko umbulug, Musaen komo yig nisebahon etno olohore ninon neken-at umbuhu-o,’ ulug at Stefanus etnowen urukmu ninesanggo holehe-o,” ulug it epmanowen inenggal-at Stefanus obam denggelfag.

2 Korintus 12:12

Eke hiren at Paulus demat wene yig isil nuruk amag ulug mondepfebag-o ulug hinahla bukag ulug, an nebe hit ninim nindi seberoho wilil, inakol hawon etno seheg, eke sukfuganggeroho seheg, eke elalintoho seheg suruk atikik-o.

Ibrani 2:4

Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.