Kisah Para Rasul 2:21 - Allah Wene Hurumbik Keron

²¹ Waharuk aruhureg, it Allah wene wahubon epmano obog inili wahu-o,’ ulug bilin hurumbik ebahon etno hit hiniluk-o, nomini.

Kisah Para Rasul 2:21 ပူးပေါင်းရင်းမြစ်များ

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Kisah Para Rasul 2:20

Mo il hik aruhu-o, bikalem il mep neken sahal aruhu-o. Obog ariroho seg atuk aruhureg fam, fobik At Ninowe inuk suon alon werehon etno waruhu-o.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

Kisah Para Rasul 9:11

At Allahen yig ituk wilil, “Hat minatlug kwalem inuk Fanowon etno fam laruk wilil, at Yudas ibam etno kik wapmihinteg, haren ap o Tarsus ap misig inuk Saulus etna duma wereg ano?” ulug hinog wahun-o eke, “At ap etno sembahyang uruk heheg,

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

Ibrani 4:16

Ari halug, nit ninoag weregsoho welamuk-o. Ariroho wilil, At Allahen ninabua nisaruk ambeg epma-at laruk amuk-o. Ariroho laruk nisalug, fanoroho yalmag ninabukag ulug ahmu nisawon etno inim, eke ninabua nisawon etno inim obog-at heag sahuk-o.