Kisah Para Rasul 19:9 - Allah Wene Hurumbik Keron

⁹ Ariroho surukmu, it nin inindi arikon epmano wene weheg eleg wilil, At Yesusen sebahon epmano it aphe obog inil fam seberoho embeheg suruk atusama, at Paulus etno it sohorep isaruk atisireg, it omini epmano og inaplug at Tiranusen sekolah yanggul isaruk ambeg etnowen nintul nantul inim uruk atusa.

Kisah Para Rasul 19:9 ပူးပေါင်းရင်းမြစ်များ

Matius 15:14

Eke it Farisi ap etno farim hinindi ebebuk fug-o. It etno inilanggen buhon wilil, inomini inilanggen buhon etno ininggik senoko og inaplug laruk oke, obog-at yombanma bule ambuhup-o,” ulug yig isebag.

Matius 16:4

Yig isaruk apareg, eke fobik yig isaruk wilil, “Eke hiren sukfugangge misig sin-o, ulug yig nituk ahep ari, Anden suk nambit-o. Eke at Yunus etno elalintoho welapag etno hag, elalintoho suruk neahup-o,” ulug yig isaruk apareg, it epmano imbisalug lebag.

Matius 26:55

Yig ituk apareg, At Yesusen it ap wonggalik wapahon etno yig isaruk wilil, “An nebe ap dahon ahama sen nabuog ulug karog yikangge inim walug wahep ano? Eke hit ap nin Anden o Allah ibam epmanowen wene yig hisaruk wilil, ninim horieg welatukukon etnowen sen naptikip fuhon oke,

Yohanes 12:40

“It epmano inilanggen ha nowen ulug, At Allahen inilanggen buhep isarisi-o. Eke inindi ebebuk nowen ulug, inindi arikep isarisi-o. Ariroho sep isarisi ari, it inindi wereg atlug, At Allah ambeg haren fano ninabin-o, ulug yig irik wam nowen ulug ariroho sep isarisi-o,” ulug at Yesayaen ariroho ebag ari,

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 14:4

Sukfugangge suruk apagma, it aphe epmano it nin minggiroko it Yahudi ap inune weheg, eke it nin minggiroko it mondep isebahon epmano inune weheg suruk apag.

Kisah Para Rasul 17:4

Yig isaruk atisimu, it nin wene etno waruk atusareg, it Paulus Silas inim welatusa. Eke it Yunani ap Allah wene warukon inim, eke it inowesi anggolo inim wene etno ariroho waruk atusareg inim welatusa.

Kisah Para Rasul 19:23

Epma weregma, o Efesus etno Allah wene obogsoho waruk atusama, wene ayeg waroko inenggal-at uruk ulug uruk atusa.

Kisah Para Rasul 19:30

Imbisa laruk atusama, at Paulus etno aphe inil fam wene yig isa lik ulug ahla birision oke,

Kisah Para Rasul 20:31

Ariroho suruk isalug, an tahun henahan wilil nintul nantul ioba yatuk wilil, hit obog yanggul hisaruk atikikon epmano fanoroho hinindi ebetuk amuk-o.

Kisah Para Rasul 22:4

Eke it bilin Yesus wene webahon epmano mondog war inabiog ulug suruk wilil, ap inim hweap inim obog hele war inaplug o aphe dahon imbisaruk ambeg epma kolap isaruk seyag-o.

Kisah Para Rasul 24:21

Eke misig du it inil fam wilil irikikon etno ari anden, it aphe warehon etno At Allahen minduhup isahu ulug nindi ebetuk nealug naren baltuk ahep,” ulug yig isarikik. Ulug at Paulusen at Feliks etno yig itisi.

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Kisah Para Rasul 7:51

Hiniluk heheg oke, urunanggeroho suruk ahep-o. Eke hit ariroho suruk ahep ari, it Allah wene waruk elehonen suruk epmano hag suruk ahep-o. Ariroho suruk wilil, Allah wene etno hinindimu ebetuk eleg wilil, it hinetamukien bilin Roh Kudus sebe suruk apag etno hag, suruk ahep hisihi-o.

Kisah Para Rasul 9:2

yig ituk wilil, “Nowe-o, an it Yahudi ap o Allah wene uruk ambeg o Damsyik etno laminen holal baloko og nimin-o. O epma it aphe Allah wene iniluk amon warukon etno heag inabil laruk aruhukseg, ap inim, hweap inim hele waroko og inaplug o Yerusalem niog suhuluk waruhuk-o,” ulug yig epag.

Roma 11:7

Eke ari halug, keroho uk-o? It Israel aphe epmanowen heahil laruson oke, ebe heaharusa fug-o. It nin At Allahen imig inapahon epmanowen-at heaharusa-o. Eke it nin hag inindi arikon mondog welatusa ari famen

Roma 9:18

Eke ari halug, At Allahen it aphe du inabua isahuk-o, ulug ahla buruk atlug inabua isaruk-o. Eke it nin du hag inindi arikep isahuk-o ulug ahla buruk atlug inindi arikep isaruk-o.

1 Korintus 16:9

Eke it aphe duma ninen wene ninambit-o ulug urukon oke, anden yig isarukmu it obohen inesanggo holukag ulug yanggul isahuk-o.

1 Timotius 6:5

Eke it ariroho surukon ari wene demat ulug ebetukon etno sohorep isalug wene du fam naharek anggolo aruhu-o, ulug inahla buruk-o.

2 Timotius 1:15

Eke it obog o Asia werehon epmano inim, eke it Figelus, Hermogenes etno inimen sohorep naharusa etno hat hiluk-o.

2 Timotius 3:5

eke inambiliken nit Allah wene waruk aheon at-o uruk wilil nintul nantul ilitoho suruk elehon etno inim, dag surukon etno obog-at it apheyen fobik suhup-o. Ariroho suruk amuhubon oke, hat sohorep isalug wilip amin-o.

2 Timotius 4:2

kidia At awene etno yig iseheg, eke it ninen ninindi eheg, eke it ninen ninambit eheg urukon epmano nintul nantul yig iseheg suruk amag ulug yig hituk ahi-o. Eke it inenggal urukon epmano winimug yig iseheg, eke it dahan fahan surukon epmano ariroho siuk ulug yig iseheg, eke it inesanggo wareheg, eke hindi seberoho wilil yanggul iseheg suruk amag ulug yig hituk ahi-o.

Ibrani 3:13

Eke dag sukon etnowen hinindi kahalik waharuk halug, ninindi dahapatehe ha nowen ulug nintul nantul hit hit hinesanggo war war uruk amuk-o. Eke at Alkitab etnowen yig nisaruk wilil, “O yoho At Allah une etno hinesanggo holtuk ahep ulug yig nisebag halug, nintul nantul-at ariroho uruk amuk-o.”

2 Petrus 2:12

Eke it malaikat aphe inobam denggeltuk eleg oke, eke it inenggal wene yig isarukon epmano wam eli neken aben senoko war inabuog ulug wereg-o. Eke it inapelehon neken uruk isalug, fobik mondog war inabuhu-o.

2 Petrus 2:2

Suontepataruk amuhubon oke, eke it aphe nin inesanggo holuhup-o. Holtuk amuhupseg, demat wene etno seberepfulug sohorep isahup-o.

Yudas 1:10

At malaikat Mikhael ariroho yig epahon oke, eke it ap dag surukon epmanowen urunangge neken wilil, yi angge di angge surukon etno farim inambilik butuk yig isaruk-o. Eke it ap epmano wam inahla buruk elehon etno ilitoho wilil, it inebe-at dag seko ombataruk-o.