Kisah Para Rasul 19:4 - Allah Wene Hurumbik Keron

⁴ Yig ituk atusama, at Paulusen yig isaruk wilil, “At Yohanesen bilin it aphe ikma belap inapag etno, it aphe iren dag surukon epmano sohorep iseheg inindi demat ebetukon hag fuloko ikma belap inaptuk apag-o. Eke at Yohanesen yig isaruk wilil, ‘Ap suon etno an nombolim waruhureg fam, inuk eberoko waruk amuhup-o,’ ulug at Yohanesen yig isebag etno hag, At Yesus inuk-at eberoko waruk amuk-o,” ulug at Paulusen yig isarisi.

Kisah Para Rasul 19:4 ပူးပေါင်းရင်းမြစ်များ

Yohanes 1:15

Ariroho weregma, eke fobik at Yohanesen hurumbik etno une suontoho yig isaruk wilil, “An nebe endag atuk elegma, At suon welapahon etno fobik nombolim waruhu-o, ulug yig hisarikikon epmano, At ebe du farim yig hisaruk atikik-o,” ulug yig isebag.

Yohanes 1:26

Yig ituk apagma, at Yohanes etnowen yig isaruk wilil, “An ikma belap inaptuk ahion oke, ap misig hinapelehon etno hinanggelegma minduhuk wereg-o.

Yohanes 1:27

Ari halug, At ebe fobik an nombolim waruhuon oke, At iog ahul hele homahowon etno an ap doronen hibiluk ari nakol-o,” ulug yig isebag.

Yohanes 1:7

Lahapfuruk apagma, it aphe wene yig isebahon epmano it obohen inesanggo holtug eberoko wawag ulug yig isebag.

Kisah Para Rasul 1:5

Yig isaruk wilil, “At Yohanesen ikma belap inaptuk apahon oke, eke hit hag Roh Kudus hinobam belabik waruhu-o,” ulug yig isebag.

Kisah Para Rasul 11:16

Belabik waharuk atisimu, At Ninowe Yesusen yig nisarision epmano nindi ebetuk wilil, ‘At Yohanesen ikma belap inaptision oke, eke hit hag Roh Kudus hinobam belabik waruhu-o,’ ulug yig nisarision etno nindi ebetikik-o.