Kisah Para Rasul 19:34 - Allah Wene Hurumbik Keron

³⁴ Hat ap du Yahudi aben nit ariroho yig nisamihin fug-o, ulug at une seberoho umburuk atusareg, jam biren bok wilil, “At Artemis o Efesuson etno ninim ninumbia suon-at wereg-o,” ulug inune anggolo uruk atusa.

Kisah Para Rasul 19:34 ပူးပေါင်းရင်းမြစ်များ

Matius 6:7

Nin eke sembahyang uruk wilil, it ap Allah wene inapelehon epmanowen uruk hag uk fug-o. Eke sembahyang ebe eleg neken, hinune yaron uk fug-o. Eke it Allah wene inape­lehon epmanowen nune yaron uruk apminmu esanggo holikon-o, ulug inahla buruk-o.

Kisah Para Rasul 16:20

it Paulus Silas inim senoko imbisaruk atusareg, og inaplug it inowesi wene alem heaharuk ambeg epmano imbisa larusa. It inowesi Roma ap inambeg imbisa laruk atusareg, yig isaruk wilil, “Ap du inebe Yahudi ap-at oke, ninibam dumen dahan fahan suruk wilil,

Kisah Para Rasul 19:24

Eke perak onggo anggolo-on haloko umburukon at inuk Demetrius etnowen inumbia Artemis ibam ulug perak fam wal surukmu, at inim, it yabuk etno surukon inim onggo anggolo og isarusa. Bilin og isaruson oke, onggo og isawon eleg atisimu,

Kisah Para Rasul 19:26

Eke kidia at Paulus etnowen yig isil larukon etno hiniluk-o. At Paulus etnowen yig isaruk wilil, ‘Aphe ininggiken waltehon ari Allah ebe fug-o,’ ulug yig isarukmu holtikip-o. Eke aren ariroho yig isarukmu, it aphe o Efesus duma, o Asia obog wene etno eberoko waruk atusa.

Kisah Para Rasul 19:28

Yig isaruk atisimu, it aphe wonggaltuson epmanowen inesanggo holtuk atusareg, inasineyen inune suon uruk wilil, “At Artemis o Efesuson etno ninim inumbia suon-at wereg-o,” ulug uruk atusama it aphe nin obog o Efesus inune uruk atusa.

Kisah Para Rasul 19:33

Ariroho urukmu it Yahudi aben at Aleksander etno it aphe wonggaltuson epmano inolohotma umburuk atusama, it aphe ninen, “At Aleksander alem misig obam wereg hehe,” ulug yig ituk atusama, at Aleksanderen wene onggo yig isiog ulug suruk wilil, “Hit aphe hinune anggolo uruk ahebon du eleg amiek-o,” ulug yig isaruk atisimu, it ninen eleg-o.

Kisah Para Rasul 19:35

Ariroho uruk atusama, fobik at o Efesus wene holal baltukon etnowen it aphe inune eleg amag ulug yig isaruk atisireg, it inune ilik eleg bok wereg iseheg, yig isaruk wilil, “Nomini, hit Efesus ap du. Nit ninibam o Efesus epma at Artemis suon ibam etno inim, eke helep uson boholmen ambik wapahon etno inim nit-at unde ulug niniluk welahe-o.

Roma 2:22

Eke haren ap inuhweyon diloko wa fug-o, ulug yig isaruk ahenon oke, haren diloko holaruk ahen ano? Eke hat monggat mutlug lao nambit uruk ahen du, o Allah ibam epmen halomnangge heraharuk ahen ano?

Wahyu 13:4

Mutlug laruk atusareg, it obog epmano­wen uruk wilil, “At walo iblis etnowen eke walo suon etno oag weregsoho minduhupfirisi-o,” ulug iblis etno inuk suontepfuru­sa-o. Suontepfuruk atusareg, at walo suon etno farim uruk wi­lil, “Walo suon etno ap sa ilitoho weregma, sa inim wim abukon-o?” ulug uruk atusareg, inuk suon­tepfurusa-o.