Kisah Para Rasul 19:26 - Allah Wene Hurumbik Keron

²⁶ Eke kidia at Paulus etnowen yig isil larukon etno hiniluk-o. At Paulus etnowen yig isaruk wilil, ‘Aphe ininggiken waltehon ari Allah ebe fug-o,’ ulug yig isarukmu holtikip-o. Eke aren ariroho yig isarukmu, it aphe o Efesus duma, o Asia obog wene etno eberoko waruk atusa.

Kisah Para Rasul 19:26 ပူးပေါင်းရင်းမြစ်များ

1 Korintus 8:4

Eke alem misig, wam inu fam kwanangge usa suruk wilil narukon epmano, monggat ebe kweanma duma misig wereg eleg-o. At Allah akeleg-at suon wereg ulug niniluk welahe-o.

Kisah Para Rasul 17:29

Ariroho yig hisarusa halug, nit At udaki wilil, At Allah ebe emas hahon, perak hahon, helep hahon, it ap inindi enggaronen walsuruk etnorohon wereg ulug hinahla buk fug-o.

Wahyu 9:20

Waratuk atusama, eke it nin iniluk welatuson epmanowen du Allah ilitoho ulug ininggi­ken haloko umburuson etno sohorep isarusa fug-o. Sohorep iseheg eleg wilil, iblis iren angge emas, perak inim, eke helep e inim fam halehon etno inilanggen wereg oke, yet isaruk elehon, ine­sanggo wereg oke holtuk elehon, iniog wereg oke laruk elehon epmano-at obam inindi ebetusa-o.

Kisah Para Rasul 19:10

Eke at ebe tahun biren inim wilil, yig isaruk heheg, it Asia aphe inim, eke it Yahudi aphe inim, eke it Allah wene holtuk elehon inim, obog-at Allah wene inesanggo holtuk atusa.

Kisah Para Rasul 14:15

“Nit ninebe aphe-at oke, hit keroho ulug yi angge di angge uson epmano nininuksoho og nisuog ulug suruk ahep-o? Ariroho suruk ahebon oke, ebe uson etno hiren elegsoho umbukag ulug wene fano wene etno yig hisa wahe ari, At Allah iluk mondog werehon etnowen bohol inim, kwean inim, ik inim, eke yi angge di angge inim obog-at wal hebahon epmano inuk wahuben ulug yig hisa wahe-o.

1 Tesalonika 1:9

Eke nit hit bik hisa waharukmu, heahi war ninaptuk atikibon epmano inim, eke At Allah ilukon awene etno demat ulug ebetuk wilil, anggimbu welamuog ulug hinongganangge epmano obog sohorep isalug At Allah obam ebetikibon etno inim,

Galatia 4:8

Eke hit bilin At Allah hinapeleg wilil, du kwanangge oag werehon ulug inanggimbu welatikip-o.

1 Korintus 12:2

Eke hit hinebe it Allah wene inapelehon wereg epmano hag wereg hisalug, it monggat inune unggut elehon inambeg og hinaplug lebag epmano hiniluk at-o.

Kisah Para Rasul 18:19

Ariroho suruk atisireg, eke fobik o Efesus larusa. Laruk atusareg, at Paulus etno it Priskila Akwila sohorep isalug, it o Allah wene uruk ambeg etno kuruk atisireg, inim wene uruk atusa.

Kisah Para Rasul 19:1

Eke fobik at Apolos etno o Korintus weregma, eke at Paulus etno o Asia o ahik ya da sil nuruk atisireg, o Efesus waharisi. Waharisireg, fobik omini nin bik isa larisi.

Kisah Para Rasul 19:25

eke fobik at Demetrius etnowen it yabuk etno surukon obog wol inaptuk atisireg, yig isaruk wilil, “Nomini-o, nit yabuk etno surukmu, onggo anggolo og nisaruk atusa.