Kisah Para Rasul 19:13 - Allah Wene Hurumbik Keron

¹³ Ariroho surukmu, it Yahudi ap nin o misig keheg sil waharuk atusareg, it aphe setan inindimu werehon epmano At Ninowe Yesus inuk fam wilip inabulen ulug inahla burusa. Ariroho inahla buruk atusareg, it setan epmano yig isaruk wilil, “At Paulusen yig hisaruk etno hag, nit Yesus inuk fam yig hisarukmu, wilip amiek-o,” ulug

Kisah Para Rasul 19:13 ပူးပေါင်းရင်းမြစ်များ

Matius 12:27

Eke hiren An yig nituk wilil, ‘Setan inowe Beelzebul etnowen oag werehon etno og hitukmu setan lisoko wilip isaruk ahen-o,’ ulug yig nituk ahep ari, eke hit hinomini ap sen oag werehon etno og isarukmu setan lisoko wilip isaruk-o? Ari eleg-o, hit hinomini lisoko wilip isaruk isalug, hit urunanggeroho il nuruk ahep ari demat yig hisihi-o.

Markus 9:38

Yig isaruk apagma, at Yohanes etnowen yig ituk wilil, “Ninowe Yesus wai, ap misig setan indimu kebahon etno at ap misihen Hat hinuk fam lisoko wiliptuk ninilanggen hehe-o. Haruk ahereg, yig ituk wilil, ‘Hat hebe nit ninomin neken eleg wilil, haren ariroho suk hai-o,’ ulug winimug yig erehe-o,” ulug yig ituk apagma,

Lukas 11:19

Eke hiren An yig nituk wilil, setan inowe Beelzebul etnowen oag werehon etno og hitukmu, it setan lisoko wilip inaptuk ahen ulug yig nituk ahep oke, eke An ariroho wilip inaptukmu, eke it hinominien keroho wilip inaptuk buruk ahep? Eleg-o. It hinominien surukon epmano fam hinenggalirepataruk ahep-o.

Lukas 9:49

Eke fobik at Yohanes etnowen yig ituk wilil, “Ninowe wai. Ap setan indimu kirision misig at ap misihen Hat hinuk fam lisoko wiliptuk ninilanggen hehe-o. Haruk ahereg, yig ituk wilil, Hat hebe nit ninomin neken eleg wilil, Haren ariroho suk hai-o, ulug winimug yig erehe-o,” ulug yig ituk apagma,

Markus 5:7

Heahi watuk apareg, une suon yig ituk wilil, “Hat Yesus Allah boholmon Amloho wai. An keroho seko nombahiog ulug wahen-o? Haren an nowabuk nowen ulug At Allah inuk fam yig hirihi-o,” ulug yig epag.

Matius 26:63

At Yesus etno une ilik eleg-at bok apag. Bok apareg weregma, eke fobik at ap Allah unde inowe suon etnowen yig ituk wilil, “Hat hebe Kristus Allah Amloho welahen ano ulug hinog yig hirihi ari, At Allah ilukon etno inuk fam demat yig nisawag ulug yig hirihi-o,” ulug yig ituk apagma,

Kisah Para Rasul 19:14

it Yahudi ap imam suon inuk Skewa udaki inebe sabiren angge epmanowen yig isarusa.

2 Korintus 11:4

Eke at ap misig hinambeg watlug niren yig hisarukuk etno ilitoho yig hisaruk eleg heheg, Yesus awene ninon neken-at yig hisaruk heheg, hiren nomin wa ulug fanoroho-at heahi watuk ahep-o. Eke niren yig hisarukmu, Roh Kudus etno inim, wene fano wene etno inim fanoroho warikibon oke, kidia wene ninon inim, eke ap werlekon ahurangge inim waruk ahep-o.