Kisah Para Rasul 19:11 - Allah Wene Hurumbik Keron

¹¹ Eke at Paulus etno At Allah inim sil nuruk wilil inggik sukfugangge anggolo suruk atisi.

Kisah Para Rasul 19:11 ပူးပေါင်းရင်းမြစ်များ

Yohanes 14:12

Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Kisah Para Rasul 14:3

Inindi kahaltuk apagma, it mondep isebahon epmano o epma ininggik anggolo inim wilil, At Yesus wene etno inakol elegsoho yig isebag. Yig isaruk iseheg, At Yesus etnowen iren urukon demat inahla bukag ulug inoag weregsoho imbisaruk apagma, elalintoho sukfugangge suruk apag.

Kisah Para Rasul 15:12

Yig isaruk apagma, it Barnabas Paulus etano At Allah inim sil nuruk wilil it Allah wene waruk eleg ambehen elalintoho sukfugangge sebahon epmano dindiloko yig isarukmu, inune eleg-at inesanggo holfag.

Kisah Para Rasul 16:18

ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Kisah Para Rasul 5:12

It mondep isebahon epmanowen sukfugangge seheg, eke inakol werehon seheg sil nurukmu, it Allah wene warukon epmano at Salomo asok elma epmano wonggalik laruk apag.

Kisah Para Rasul 8:13

Belap inaptuk weregma, at Simon etnowen an Allah wene waruk ahion-at-o ulug uruk apagma, ikma belapfebag. Ikma belapfuruk apagma, at Filipus inim horogsoho wilil, at Filipus etnowen sukfugangge anggolo surukmu wi ulug fog suruk apag.

Galatia 3:5

Eke At Allahen Roh Kudus etno og hiseheg, eke hinanggelegmen sukfugangge seheg suruk ari, it Yahudi aben wene duroho suruk amuk eke duroho suruk am fug ulug ebahon etno suruk hisalug suruk ano, eke wene fano wene etno hinesanggo holtug eberoko waruk hisalug suruk ano?

Ibrani 2:4

Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.