Kisah Para Rasul 19:1 - Allah Wene Hurumbik Keron

¹ Eke fobik at Apolos etno o Korintus weregma, eke at Paulus etno o Asia o ahik ya da sil nuruk atisireg, o Efesus waharisi. Waharisireg, fobik omini nin bik isa larisi.

Kisah Para Rasul 19:1 ပူးပေါင်းရင်းမြစ်များ

Kisah Para Rasul 18:1

Eke fobik at Paulus etno o Atena sohorep isalug, o Korintus etno waharisi.

Kisah Para Rasul 18:8

Eke at Krispus o Allah wene uruk ambeg aso werehon etno Allah wene eberoko waruk atisimu, it omini uma werehon epmano inim-at eberoko warusa. Waruk atusama, it Korintus aphe anggolo nin inim Allah wene inesanggo holtuk wilil eberoko waruk atusama, ikma belap inaptisi.

Kisah Para Rasul 19:17

Hite wilip atuk atusama, it aphe o Efesus werehon inim, eke it Yahudi ap inim, eke it Allah wene holtuk elehon inim inesanggo holtuk atusareg, inakol haruk wilil, At Ninowe Yesus inuk-at suontepfuruk atusa.

Kisah Para Rasul 19:26

Eke kidia at Paulus etnowen yig isil larukon etno hiniluk-o. At Paulus etnowen yig isaruk wilil, ‘Aphe ininggiken waltehon ari Allah ebe fug-o,’ ulug yig isarukmu holtikip-o. Eke aren ariroho yig isarukmu, it aphe o Efesus duma, o Asia obog wene etno eberoko waruk atusa.

Kisah Para Rasul 20:16

Eke epma at Paulusen o hari Pentakosta fam Yerusalem epma lao nindi oke, o Asia kwean fene lawim, kwalema nininggik anggolo nohoke ha nowen, ikma so fam bikit o Yerusalem lahuk-o ulug ahla buruk atisireg, o Miletus epmanowen o Yerusalem bikit luog ulug surukuk.

Kisah Para Rasul 20:18

waharuk atusama yig isaruk wilil, “An bilin o Asia waharikikseg, hit ninim wilil yabuk suruk atikikon hiniluk-o.

Kisah Para Rasul 21:29

Ariroho uruson ari, at Paulusen at Trofimus, o Efesuson etno walug o werlekma larukon farim it epmano o Allah ibam imbik liog ulug suruk ano? ulug inahla buruk atusareg urusa.

1 Korintus 1:12

Eke ariroho yig nitusa etna hit demat dahan fahan uruk ahep hisihi-o. Eke ariroho uruk wilil, hat misihen, “An Paulusen angge at-o,” eke hat misihen, “An Apolosen angge at-o,” eke hat misihen, “An Kefasen angge at-o,” eke hat misihen, “An Kristusen angge at-o,” ulug uruk ahep hisihi-o.

1 Korintus 15:32

Eke it aben surukon epmano hag an o Efesus epmen wam singa neken ayegsohon etno ninim war war uruk soag etno fam fanoma umbuhu buruk ahep ano? It waratukon epmano minduhup isahu fug ulug ninahla bolomen, niren sono hao waramuhuk fam ninahik ninaharom naruk amuk-o, ulug ariroho-at olo-o.

1 Korintus 16:12

Eke at ninomin Apolos etno hag, it ninomini nin hinim o Korintus bik isa lahun ulug nintul nantul-at yig itikikon oke, awan lahuk ulug ahla buruk-o. Ari fam, fobik bik hisa wamon etno ahla buruk atlug, hinambeg waruhu-o.

1 Korintus 16:8

Eke an kidia o hari Pentakosta fam o Efesus duma welaruhuk-o.

1 Korintus 4:6

Nomini-o, hit epma wene holal balfahon etno seberepfulug hinindi akeleg neken ebereheg, eke hinambit haruk wilil ap misig suontepfeheg, eke ap misig seberepfeheg suruk ahep ha nowen ulug, hiren an at Apolos ninim keroho wereg ulug ninaren baluhuben wene ilitoho neken-at yig hisihi ari, hiren nit keroho welamuk ulug hinahla bukag ulug yig hisihi-o.

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.