Kisah Para Rasul 18:5 - Allah Wene Hurumbik Keron

⁵ Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

Kisah Para Rasul 18:5 ပူးပေါင်းရင်းမြစ်များ

Lukas 12:50

Eke iren dahon nobam umbukon etno arat nobam embelepmen fano-o.

Lukas 16:28

An nikni ibam epma nosi fuaben angge wereg etna o hondok olokma an welahi ambeg duma wam nowen at Lazarus ari hurumbik yig isa lawag ulug lahapfin-o,’ ulug yig ituk apagma,

Yohanes 1:41

Ariroho wilil, at Andreas etnowen ot Simon etno haruk apareg, yig ituk wilil, “Nit At Kristus ahurumbik yig nisebahon ebe ari At hehe-o,” ulug yig ituk apareg, at Simon etno Yesus ambeg imbik lebag.

Yohanes 10:24

it Yahudi ap At ambeg wonggalik waharuk apareg, yig ituk wilil, “Hat wene herako-at yig nisaruk ahen du, o maram selegmaroho bukaloko yig nisahun-o? Ari halug, At Kristus waruhu ulug yig nisebahon, Hat-at halug, kidia bukaloko yig nisimin-o,” ulug yig epag.

Yohanes 15:27

Ariroho yig hisaruk aruhu etno hag, hit An ninim bilin welatukukon etnowen inim-at An nawene etno yig isil lahup-o.

Yohanes 3:28

Eke anden hit bilin yig hisaruk wilil, ‘An nebe At Kristus ilitoho welahi fug-o, At fobik wamag ulug an bilin lahap nabik waharisi-o,’ ulug yig hisarikikon etno hit hiniluk-o.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Kisah Para Rasul 15:22

Yig isaruk apagma, it mondep isebahon epmano inim, eke it ap inaso werehon epmano inim, it Allah wene warukon obog inim wene baltuk apareg, nit obog ninanggelegmen it ap misig misig fuloko imbisalug, it Paulus Barnabas inim o Antiokhia epma lahap isul-o, ulug uruk apareg, at Yudas, inuk Barsabas inim eke at Silas inim it biren etano inobabut fano isaruk apareg, heag inapag. Heag inaptuk apareg, holal etno og isebag.

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Kisah Para Rasul 16:12

Waharuk wilil, so etno sohorep isalug, o Filipi kwean Makedonia fam, it Roma ap unde wereg ambeg etno waharukuk.

Kisah Para Rasul 16:9

I og haruk apag, duroho yig itukmu hebag it Makedonia ap misig minapareg, yanggap suruk wilil, “Hat o Makedonia duma nit yalmag ninabik waruhun-o,” ulug yig itukmu i og hebag.

Kisah Para Rasul 17:3

Alkitab etno fam yig isaruk wilil, “At Kristus watuk isalug, iluksoho minduhupfuhu-o,” ulug bilin ahurumbik yig isebareg fam, kidia At Yesus etno Kristus at-o ulug yig hisaruk ahi-o, ulug at Paulusen yig isarisi.

Kisah Para Rasul 18:28

Yig isaruk wilil, it Yahudi ap epmano selegma-at inenggali war inaptuk atisireg, At Yesus ari Kristus at-o ulug Alkitab fam inesanggo watisi.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 20:23

Eke an o ahik ya da sil nuruk neyeheg, At Roh Kudusen yig nituk wilil dahon hobam hombahalug, o it aphe dahon imbisaruk ambeg epma kolap hahakup ulug hurumbik yig nitisi-o.

Kisah Para Rasul 20:24

Ariroho yig nitisimu, an nebe niluk wilil, nili holao ulug yig hisaruk ahi fug-o. Eke At Ninikni Allahen ninabua nisarukon wene fano wene etno it aphe obog yig isawag ulug At Ninowe Yesusen an nebe etno minduhup naharisi-o. Ariroho yig nitisi famen an neyabuk og nitision etno-at suhuk ulug nahla buruk ahi-o.

Kisah Para Rasul 4:20

Eke nit hag, ninilanggen haruk wilil holtukukon etno aphe yig isaruk amuhuk-o,” ulug yig isebag.

Kisah Para Rasul 9:22

Uruk apareg weregma, at Saulus etno une oag weregsoho yig isaruk wilil, “At Yesus ari Kristus at-o,” ulug yig isaruk apagma, it Yahudi ap o Damsyik welapahon epmanowen, “Wene onggo keroho yig imuk-o?” ulug inapeleg atuken sohorep isebag.

2 Korintus 1:19

Eke ariroho At Allah Amloho Yesus Kristus awene etno nit an, Silwanus Timotius ninimen yig hisarukukon etno enggal inim demat inim uruk eleg-o. Eke At Yesus inuk fam At Allahen demat ulug yig nisaruk-o.

2 Korintus 11:9

Eke an yi angge di angge elegma, it ninomini o Makedonia epmen waharuson epmanowen obog ilitoho-at og nirik waharusa-o. Eke an bilin og nimiek ulug yig hisarikik fug etno hag, fobik ariroho yig hisahuk fug-o.

2 Korintus 5:14

Eke at ap misig etno aphe obog inake-at warapag-o ulug ninahla buruk wilil, At Kristusen ninebe indi hunduhuk wereg etno fam ilitoho-at suog ulug suruk ahe-o. Eke At ebe nit aphe obog ninake warapag halug, nit obog At ninim waratuk soag-o.

Filipi 1:23

Eke alem biren etno an nindimuen yig nituk-o. An nebe niluk welamon etno sohorep isalug, At Kristus ninim welam ari fano,

1 Tesalonika 3:2

O epma wilil, at Timotius Kristus awene fanowon yig isil lawon etno ninim Allah yabuk suruk aheon etno lahapfik waharukuk-o. At lahapfik waharukuk ari, it ninen dahon etno hinobam umburukmu, hit hinindi dag atlug, Allah wene etno hinapeleg am nowen ulug at Timotiusen hinindi werehep hisahakeg, Allah wene etno yig hisaruk amag ulug lahapfik waharukuk-o.

1 Tesalonika 3:6

Lahapfik waharuk atikikmu, at Timotius etno hit wereg ambehen iog suhuluk ninambeg waharuk atisireg, it Tesalonika ap epma inindi hunduhuk wilil, Allah wene fano waruk-o, ulug yig nisarisi-o. Eke aren yig nisaruk wilil, “Hit it Tesalonika aben nintul nantul hinobam ebetuk-o. Eke hiren it bik isa lawon hinindi ebetuk ahep etno hag, iren hit bik hisa wamon ebetuk-o,” ulug ariroho yig nisaruk atisireg fam, nit ninahien harukuk-o.

1 Petrus 5:12

Eke holal og hisihi ari, at nomin Allah inuk warukon Silwanus etno ninimen embehe-o. Hinindi oag wereg amag ulug yig hisaruk wilil, At Allahen ninabua nisaruk halug, hinoag werehep hisaruk aruhu-o. Eke ari halug, hit kidia hinoag weregsoho welamiek-o.