Kisah Para Rasul 18:28 - Allah Wene Hurumbik Keron

²⁸ Yig isaruk wilil, it Yahudi ap epmano selegma-at inenggali war inaptuk atisireg, At Yesus ari Kristus at-o ulug Alkitab fam inesanggo watisi.

Kisah Para Rasul 18:28 ပူးပေါင်းရင်းမြစ်များ

Lukas 1:80

Uruk apareg weregma, udag at amloho etno arat su atuk apareg, indi wereg apag. Indi wereg apareg wilil, it Israel aphe epmano selegma awan yig isalug eleg sohorep isalug lebareg, o limu aphe eleg ambeg epmano welapag.

Lukas 24:27

Yig isaruk apareg, eke fobik At Yesus etnowen at Musaen wene embebahon etno inim, eke it nabi ap obohen wene embebahon epmano inim, At Yesus ahurumbik Alkitab fam weregma obog dindiloko yig isebag.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 5:39

Eke hiren Alkitab wene baleg etno fikfag wane suruk wilil, etno fam niniluk welamon etno heahakuk-o ulug hinahla buruk ahep-o. Eke Alkitab wene baleg ari fam An nawene-at yig hisaruk halug,

Kisah Para Rasul 17:3

Alkitab etno fam yig isaruk wilil, “At Kristus watuk isalug, iluksoho minduhupfuhu-o,” ulug bilin ahurumbik yig isebareg fam, kidia At Yesus etno Kristus at-o ulug yig hisaruk ahi-o, ulug at Paulusen yig isarisi.

Kisah Para Rasul 18:25

At Yesusen sebahon epmano yig ituk atusama, fikfag eberoko waruk atisireg, indi ahientoho wilil, At Yesusen sebahon epmano yig isaruk atisi. Ariroho yig isaruk wilil, eke at Yohanesen ikma belap inaptuk apahon epmano-at iluk welatisi.

Kisah Para Rasul 18:5

Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

Kisah Para Rasul 8:35

Yig ituk wilil, wene holal bilin wane sebahon etno fam At Yesus wene fano wene etno yig epag.

Kisah Para Rasul 9:22

Uruk apareg weregma, at Saulus etno une oag weregsoho yig isaruk wilil, “At Yesus ari Kristus at-o,” ulug yig isaruk apagma, it Yahudi ap o Damsyik welapahon epmanowen, “Wene onggo keroho yig imuk-o?” ulug inapeleg atuken sohorep isebag.