Kisah Para Rasul 18:27 - Allah Wene Hurumbik Keron

²⁷ Yanggul ituk atusama, at Apolos o Akhaya lahuk ulug ahla buruk atisimu, it omini o Akhaya werehon epmanowen, “At Apolos ninambeg waruhumu, heahi wabuhuken,” ulug holal baloko lahap isarusama, at ebe inambeg waharisi. Waharuk atisireg, it bilin At Allahen inabua isalug wol inaptisimu, Allah wene eberoko waruson epmano inindi oag wereg amag ulug yi wene di wene obog-at yig isarisi.

Kisah Para Rasul 18:27 ပူးပေါင်းရင်းမြစ်များ

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 15:34

Laruk iseheg, at Silas etno duma welaruhuk ulug ahla buruk apareg, bok apag.

Kisah Para Rasul 18:12

Yanggul isaruk atisireg weregma, eke fobik at Galio etno o Akhaya it Roma aphe inowe suon minduhupfuruk atusama, it Yahudi ap balusik waharuk atusareg, at Paulus etno senoko at Galio apma imbik waharusa.

Kisah Para Rasul 18:18

At Paulus etno omini inim o Korintus inggik anggolo welatisireg, fobik o epma sohorep isalug, it Priskila Akwila etano inim og inaplug ik so fam o Siria larusa. Eke o Siria awan luog ulug wilil, at Paulus etno o Kengkrea epmen ariroho suhuk ulug At Allah hurumbik yig ituk atisireg, iruk baltisi.

Kisah Para Rasul 19:1

Eke fobik at Apolos etno o Korintus weregma, eke at Paulus etno o Asia o ahik ya da sil nuruk atisireg, o Efesus waharisi. Waharisireg, fobik omini nin bik isa larisi.

Kisah Para Rasul 9:27

Bok apareg weregma, at Barnabas etnowen walug it mondep isebahon epmano inambeg imbik lebag. Imbik laruk apareg yig isaruk wilil, “At Saulus kwalema weregma, At Ninowe etnowen yig itukmu harisi-o. Harisireg, fobik akol elegsoho wilil, o Damsyiken At Yesus inuk-at yig isaruk atisi-o,” ulug at Barnabas etnowen yig isebag.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 16:3

Umburukmu, eke an fobik waharuk aruhukseg, it ap hiren fuloko imbisahubon epmanowen uang og isahubon etno o Yerusalem imbik lawag ulug anden holal baloko og isalug mondep isahuk-o.

1 Korintus 3:6

Eke anden i yatikik-o. Eke at Apolosen hohol warisi-o, ik deltil larisi-o, eke At Allahen i yahowon etno unggum lahapfik waharisi-o.

2 Korintus 1:24

Eke hit hinoag weregsoho wene demat ulug ebetuk ahep ari fam, anden hit ariroho hinindi ebetuk amuk ulug nalontoho wilil yig hisiog ulug suruk ahi fug-o. Eke hit hinahien hawag ulug an hit hinim yabuk suruk ahe-o.

Filipi 1:25

Eke ariroho buruk ahi ari fam, nebe niluk welaruhuk ari demat ulug nahla buruk ahi-o. Ariroho hinim wilil hinindi oag werehep hisahakeg, eke Allah wene eberoko waruk hisalug hinindi hinahientoho welamag ulug yig hiseheg suruk aruhuk-o.

Filipi 1:29

Eke hit hinabua hisaruk wilil, At Kristus anggimbu welamon etno og hisarisireg fam, hiren At Yesus obam ebetuk ahep-o. Eke At awene ebetuk ahep etno fam dahon etno hinobam umburuk-o.

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

Kolose 4:10

Eke at Aristarkhus ninim hele waroko kolap ninaptuson etnowen wahinaniog ulug heahi war hinaptuk-o. Eke at Barnabas omin Markus etno duroho heahi wabuhup ulug arat holal imbirikikon etno inim,