Kisah Para Rasul 18:18 - Allah Wene Hurumbik Keron

¹⁸ At Paulus etno omini inim o Korintus inggik anggolo welatisireg, fobik o epma sohorep isalug, it Priskila Akwila etano inim og inaplug ik so fam o Siria larusa. Eke o Siria awan luog ulug wilil, at Paulus etno o Kengkrea epmen ariroho suhuk ulug At Allah hurumbik yig ituk atisireg, iruk baltisi.

Kisah Para Rasul 18:18 ပူးပေါင်းရင်းမြစ်များ

Matius 4:24

Ariroho sil nuruk apareg fam, it ninen At etno fano inabil waha-o, ulug o Siria epmanowen At awene etno yig isil le­bag. Yig isil laruk apagma, it aphe uk warehon inim, eke uk oloken surukon inim, eke it setan inindimu kebahon inim, eke it nenek surukon inim, eke it inoag sahalehon inim At ambeg imbisa waharuk apagma, Aren obog-at fano inapag.

Markus 6:46

Yig isaruk apareg, heahi warep isalug, At ebe bunumu epmano sembahyang ik lahabag.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 15:23

Holal etno og isuog ulug wene holal umburuk wilil, “Hit ninomini o Antiokhia, Siria, Kilikia epma wilil, Allah wene hinapeleg welatikipseg warikibon epmano nit hinomini At Yesusen mondep nisahebahon inim, eke nit ap inaso werehon inimen heahi war hinaptuk ahe-o.

Kisah Para Rasul 15:41

Laruk apareg, o Siria, Kilikia inim ya keheg sil laruk wilil, it Allah wene warukon epmano inindi oag wereg amag ulug yig isaruk apag.

Kisah Para Rasul 18:2

Waharisireg weregma, at Kaisar Klaudius etnowen it Yahudi ap obog o Romaen wilip isaruk atisimu, at Yahudi ap misig inuk Akwila, o Pontusen endag apahon etno, uhwe inuk Priskila inim o Italia etnowen o Korintus larusareg weregma,

Kisah Para Rasul 18:26

Ariroho iluk wilil, akol elegsoho-at it Yahudi ap o Allah wene uruk ambeg epmano yig isarisi. Yig isaruk atisimu, it Priskila Akwila inesanggo holtuk atusareg, at ebe walug inibam kurusa. Kuruk atusareg, iren At Allahen sebahon epmano fikfag yanggul itusa.

Kisah Para Rasul 18:27

Yanggul ituk atusama, at Apolos o Akhaya lahuk ulug ahla buruk atisimu, it omini o Akhaya werehon epmanowen, “At Apolos ninambeg waruhumu, heahi wabuhuken,” ulug holal baloko lahap isarusama, at ebe inambeg waharisi. Waharuk atisireg, it bilin At Allahen inabua isalug wol inaptisimu, Allah wene eberoko waruson epmano inindi oag wereg amag ulug yi wene di wene obog-at yig isarisi.

Kisah Para Rasul 21:23

Halug niren yig himulon etno-at simihin-o. Ap nit ninanggelegmon inebe empat etano inindi hosuog ulug suruk-o.

Kisah Para Rasul 21:24

Hat it hinim dambultihipseg, haren onggo umburukmu, hat it hinim hiniruk balsalihip-o. Balsaruk atlihipmu, it yi aphe di aphe obohen uruk wilil At Paulus Musaen wene duroho suruk amuk eke duroho suruk am fug ulug ebahon etno-at suruk heheg, nit ninenggal-at ninune dahon etno obam denggeltukuk-o, ulug uruk amuhup.

Kisah Para Rasul 21:3

Laruk wilil, o ik anggenma inuk Siprus etno nininggik harebag fil kolap hil hil o Siria larukuk. Laruk atukukseg, o Tirus ik ayegma epma so fam yi angge di angge werehon epmano wiliptukmu, nit so etno sohorep isalug,

Roma 16:1

Eke at ninahaloho Febe o Kengkrea Allah yabuk surukon etno fanoroho hinim welamag ulug yig hisihi-o.

1 Korintus 9:20

Eke it Yahudi ap an nilahut war inabuhuken ulug, an nebe Yahudi ap neken welatikik-o. Eke it Yahudi aben wene duroho suruk amuk eke duroho suruk am fug ulug ebahon sebereg wilil ilitoho surukon etno an nilahut war inabuhuken ulug an nebe wene du apma welahi fuhon oke, it ap wene du apma werehon epmano ninim apma neken atukuk-o.

Galatia 1:21

Eke fobik o Siria, Kilikia epmano waharikik-o.