Kisah Para Rasul 18:12 - Allah Wene Hurumbik Keron

¹² Yanggul isaruk atisireg weregma, eke fobik at Galio etno o Akhaya it Roma aphe inowe suon minduhupfuruk atusama, it Yahudi ap balusik waharuk atusareg, at Paulus etno senoko at Galio apma imbik waharusa.

Kisah Para Rasul 18:12 ပူးပေါင်းရင်းမြစ်များ

Matius 27:19

Yig isaruk apareg, at Pilatus etno o aphe inoag del inaptuk ambeg epmano horieg weregma, at uhwe etnowen yig irik lawag ulug yonggo lahap isaruk wilil, “Ap obabut fano, mondog surukon du sohorep isuk-o. O yoho niog haruk wilil, ap etno obam hihireg, nindi seneni anggolo eberihi etna yig irik aliek-o,” ulug lahap isebag.

Yohanes 19:13

at Pilatus etno esanggo holtuk apareg, At Yesus etno walug, wilik wapag. Walug wilik waharuk apareg, o wene uruk ambeg etno inuk Helep daleg sili, eke it Ibrani inune fam Gabata etno kuruk apareg, ap wene baltukon ahe belareg etno fam horie ebag.

Kisah Para Rasul 13:12

Ariroho laruk apagma, at inowe Sergius Paulus etno ilanggen haruk apareg, wi ulug fog suruk wilil, Allah wene etno eberoko waruk apag.

Kisah Para Rasul 13:50

Su atuk apagma, it Yahudi aben it hweap suon Yahudi wene warukon epmano inim, eke it o epma inowesi suon inim yig isaruk wilil, “It Paulus Barnabas du war inabiek-o,” ulug yig isaruk apagma, it epmanowen Paulus Barnabas muko wilip isebag.

Kisah Para Rasul 13:7

at Bar Yesus etno o ik anggenma inowe at Sergius Paulus indi enggaron etno omin neken weregma, Allah wene esanggo holiog ulug it Barnabas Saulus etano ambeg wamag ulug wol isebag. It Barnabas Saulus wol isebagma, waharuk apareg, wene yig imuog ulug surukmu,

Kisah Para Rasul 13:8

at Bar Yesus inuk it Yunani inune fam Elimas soalfahon etnowen iren wene ebahon etno seberoho embebag. Seberoho umburuk apareg, it inowe Sergius Paulus etno Allah wene wa nowen ulug inune sahalfag.

Kisah Para Rasul 14:19

Sohorep isaruk apagma, it Yahudi ap o Antiokhia, o Ikonium epmanowen waharuk apareg, o Listra etno wapag. Waharuk apareg, aphe obog epmano dahal inaptuk wilil, at Paulus ebe helep fam warepfuruk apareg, ebe mondog waraha ulug inahla buruk wilil, lehet selema fil imbik wilip apag.

Kisah Para Rasul 14:2

Waruk apagma, eke it Yahudi ap nin wene du ninambit ulug ebahon epmanowen it Allah wene inapelehon epmano yig isaruk wilil, “Iren wene urukon wa fug-o,” ulug inindi kahaltuk apag.

Kisah Para Rasul 17:13

Waruk atusama, at Paulus etno o Berea epma Allah wene yig isaruk atisimu, warusa-o, ulug it Yahudi ap o Tesalonika werehon epmano inesanggo holtuk atusareg, o Berea inim aphe obog inindi kahaltil waharusa.

Kisah Para Rasul 17:5

Inim welatuson oke, eke it Yahudi aben inambit isaruk wilil, ap kimbu nin kwalemen wonggal inaptusareg, it aphe obog winimug aptuk amag ulug inindi kahal inaptusa. Inindi kahal inaptuk atusareg, it Paulus Silas etano heako og nisawag ulug at Yason ibam etno inasineyen sok halog suk hag kik harusa.

Kisah Para Rasul 18:11

Yig ituk atisimu, at Paulus etno o Korintus satu setengah tahun wilil, it aphe epmano Allah wene yanggul isaruk atisi.

Kisah Para Rasul 18:27

Yanggul ituk atusama, at Apolos o Akhaya lahuk ulug ahla buruk atisimu, it omini o Akhaya werehon epmanowen, “At Apolos ninambeg waruhumu, heahi wabuhuken,” ulug holal baloko lahap isarusama, at ebe inambeg waharisi. Waharuk atisireg, it bilin At Allahen inabua isalug wol inaptisimu, Allah wene eberoko waruson epmano inindi oag wereg amag ulug yi wene di wene obog-at yig isarisi.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 25:10

Ulug yig ituk atisimu, at Paulusen yig ituk wilil, “Eleg-o, an naren balukag ulug kidia hit at Kaisar anggimbu etno ninim welahe-o. Ariroho wilil, it Yahudi ap nune dahon yig isarikik fug etno hiniluk-o.

Roma 15:26

Eke it Allah udaki o Makedonia Akhaya inim werehon epmanowen it Allah udaki o Yerusalemon inaharek elehon epmano yi angge di angge og isuog ulug Allah ake yi angge di angge umbuhuk inahla burusa ari,

Roma 16:5

Eke Allah udaki it inibam epma sembahyang uog ulug wonggaltukon epmano inim-at heahi war inaptuk amuk-o. Eke at an nomin nindi hunduhukon inuk Epenetus bilin o Asia epmen Kristus awene eberoko warision etno inim,

1 Korintus 16:15

Eke at Stefanus omini epmano inim inobabut fanowon etna hiniluk-o. It epmano o Akhayaen bilin At Allah wene warusareg, it Allah udakion epmano fanoroho inaso wereg-o, nomini.

2 Korintus 1:1

An Paulus At Allah ahla buruk apareg, At Yesus Kristus awene yig isil nuruk amag ulug mondep naharision etno inim, eke at ninomin Timotius etno ninimen, hit Allah udaki o Korintus inim eke o Akhaya obog welahebon etno holal du bal hisehe-o.

2 Korintus 11:10

Eke alem ari fam suontepataruk ahion ari it Akhaya aphe obog ari ilitoho-at yig isahuk. Ariroho yig isahuk ulug an At Kristus inuk fam demat yig hisaruk ahi-o.

2 Korintus 11:26

Eke o ahik ya da larukmu, iken og nabiog ulug seheg, eke it kwalema dil dil angge surukon epmanowen war nabuog ulug seheg, eke it Yahudi ap inim, it Allah wene inapelehon etno inimen nowabuog ulug seheg, eke o ahik sumu aphe anggolo wereg ambeg epmen nowabuog ulug seheg, eke o limu aphe eleg ambeg epmen wamen libil nabiog ulug seheg, eke ik suon laut etnowen sebel nabiog ulug seheg, eke it ninen nit hat homini welahe inenggal-at yig nereheg, suruk iseheg sil nuruk atikik-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

1 Tesalonika 2:14

Eke it Allah udaki At Yesus awene waruk wilil, o Yudea werehon epmano dahon inobam umburusa etno hag, hit ariroho-at dahon hinobam umburusa-o. Eke it hinominien dahon hinobam umburusa etno hag, it Yahudion it Yahudi aben dahon inobam umburusa-o.

1 Tesalonika 2:16

Ariroho wereg ari, it ap Allah wene inapelehon epmano wene inili wawon etno niren yig isa nowen ulug nit bok amag ulug surusa-o. Ariroho surusa ari, iren nintul nantul dag suruson epmano atog ilitoho neken suruk atusama, kidia At Allah asine inobam mondog wereg-o.

Yakobus 2:6

Eke hiren it inaharek elehon epmano apmarep isaruk ahep ari hai-o. Hinobam inune dahon umburukon ari it inaharek werehon epmanowen-at hinobam denggeltuk etno hinapelehen suruk ahep ano?