Kisah Para Rasul 17:5 - Allah Wene Hurumbik Keron

⁵ Inim welatuson oke, eke it Yahudi aben inambit isaruk wilil, ap kimbu nin kwalemen wonggal inaptusareg, it aphe obog winimug aptuk amag ulug inindi kahal inaptusa. Inindi kahal inaptuk atusareg, it Paulus Silas etano heako og nisawag ulug at Yason ibam etno inasineyen sok halog suk hag kik harusa.

Kisah Para Rasul 17:5 ပူးပေါင်းရင်းမြစ်များ

Matius 27:18

Ariroho yig isebag ari, iren At Yesus obam inasine haruk apareg, wabukag ulug senoko og itukmu enggag isaruk apareg ariroho yig isebag.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Kisah Para Rasul 14:19

Sohorep isaruk apagma, it Yahudi ap o Antiokhia, o Ikonium epmanowen waharuk apareg, o Listra etno wapag. Waharuk apareg, aphe obog epmano dahal inaptuk wilil, at Paulus ebe helep fam warepfuruk apareg, ebe mondog waraha ulug inahla buruk wilil, lehet selema fil imbik wilip apag.

Kisah Para Rasul 14:2

Waruk apagma, eke it Yahudi ap nin wene du ninambit ulug ebahon epmanowen it Allah wene inapelehon epmano yig isaruk wilil, “Iren wene urukon wa fug-o,” ulug inindi kahaltuk apag.

Kisah Para Rasul 17:13

Waruk atusama, at Paulus etno o Berea epma Allah wene yig isaruk atisimu, warusa-o, ulug it Yahudi ap o Tesalonika werehon epmano inesanggo holtuk atusareg, o Berea inim aphe obog inindi kahaltil waharusa.

Kisah Para Rasul 17:6

Kik haruk atusareg, inebe elehen, at Yason omini nin inim lit inaplug wilik waharusareg, it ap o etno werehon inowesi inambeg imbisa laruk wilil, “It at Paulus Silas etano o ahik ya da epmano aphe inindi kahaltil larusareg, nit ninibam waharusama,

Kisah Para Rasul 17:7

at Yasonen ninim nohulen ulug wol inaptisimu inim welatusa. Inim welatuson etanowen-at Kaisar une sahaltuk wilil nit Ninowe ari Yesus at-o ulug uruk-o,” ulug yig isaruk atusama,

Kisah Para Rasul 17:9

Aptuk atusareg, it o epma inowesi epmano at Yason omini inimen hele onggo og isaruk atusama, sohorep isarusa.

Kisah Para Rasul 18:12

Yanggul isaruk atisireg weregma, eke fobik at Galio etno o Akhaya it Roma aphe inowe suon minduhupfuruk atusama, it Yahudi ap balusik waharuk atusareg, at Paulus etno senoko at Galio apma imbik waharusa.

Kisah Para Rasul 19:40

Eke kidia it urunanggeyen suruk hag wonggelehep ari hai-o. Alem suon eleg heheg hinune anggolo sahaltuk ahep du, it nit ninowesi suon epmanowen aphe dahon imbisaruk ambeg kolap nisahuk nowen bok amiek-o. Kidia arat ehe-o,” ulug at o Efesus wene holal baltukon etnowen yig isaruk atisireg, inibam wilip isarisi.

Kisah Para Rasul 7:9

Eke fobik it ninetamuki epmanowen at Yusuf inambit haruk apareg, it Mesir ap inanggimbu welamag ulug at ebe onggo baloko lahapfebag.

Roma 16:21

Eke at Timotius yabuk ninim suruk aheon etno inim, eke it an nungguluahon ininuk Lukius, Yason, Sosipater etano inimen heahi war hinaptuk-o.

1 Korintus 3:3

Eke kidia ariroho-at hinindi kweanmon epmano hunduhuk wilil, arikon epmano nao hai-at welahep-o. Eke it ap hinahla werehon epmen inindi inasine aheg, eke nambit hambit eheg, suruk isalug, hinebe kweanmon epmano hinindi hunduhuk eleg welahe buruk ahep ano? Eke aphe kweanmon epmano inobabut ilitoho suruk ahe fug ulug hinahla buruk ahep?

2 Korintus 11:26

Eke o ahik ya da larukmu, iken og nabiog ulug seheg, eke it kwalema dil dil angge surukon epmanowen war nabuog ulug seheg, eke it Yahudi ap inim, it Allah wene inapelehon etno inimen nowabuog ulug seheg, eke o ahik sumu aphe anggolo wereg ambeg epmen nowabuog ulug seheg, eke o limu aphe eleg ambeg epmen wamen libil nabiog ulug seheg, eke ik suon laut etnowen sebel nabiog ulug seheg, eke it ninen nit hat homini welahe inenggal-at yig nereheg, suruk iseheg sil nuruk atikik-o.

Galatia 5:21

eke aphe inambit hun inaptukon etno inim, eke ap watukon etno inim, eke it e anggur ambusu donggogsoho narukmu nenek surukon etno inim, eke inahum fituk heheg narukon etno inim, yi angge di angge arion obog-at suruk am fug ulug yig hisarikikon etno fobik inim-at dahagsoho yig hisamin-o. Eke it aphe obog ariroho surukon epmano fobik At Allah weregma kuhup fug-o.

Galatia 5:26

Eke an suon aruhuken ulug sil nurukon etno inim, eke nambit hambit urukon etno inim, eke ap du suon wereg du nindi-e, an ariroho suon welatle, ulug inahla burukon etno inim, obog-at sohorep isaruk amuk-o.

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

Yakobus 4:5

Eke Alkitab fam weregma, yig nisaruk ari, “At Allahen ninindi og nisiog ulug, yi angge di angge nindi nindi urukon epmano inim-at og nisebag-o,” ulug wene holal embebahon etno ebe undama werehon hinahla buruk ahep fug ano?