Kisah Para Rasul 17:30 - Allah Wene Hurumbik Keron

³⁰ Eke amuk ninapeleg wilil dag suruk atukukon epmano ninobam ninapelegsoho apma ninombisahabahon oke, kidia At Allahen yi aphe di aphe obog hiren dag suruk ahebon epmano sohorep isalug An nawene etno waruk amiek-o, ulug yig nisaruk-o.

Kisah Para Rasul 17:30 ပူးပေါင်းရင်းမြစ်များ

Matius 20:7

Yig isaruk atisimu, eke it etnowen yig ituk wilil, ‘At ap misihen onggo og hisaminen yabuk sik aliek ulug yig nisaruk elehen duma werlek-at welahe-o,’ ulug yig itusa-o. Ariroho yig itusama, eke aren yig isaruk wilil, ‘Halug, hit kidia hinim-at e anggur yabuk etno sik aliek-o,’ ulug yig isarisi-o.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Markus 1:15

Ariroho fanggog ehek ari, At Allah weregmen sukon etno-at fanggog ehek-o. Ari halug, hit hinindi wereg atlug, wene fano wene du-at eberoko wimiek-o,” ulug yig isaruk apag.

Markus 6:12

ulug inesanggo watuk apareg, lahap isaruk apagma, it epmano laruk apareg, yig isaruk wilil, “Hit dag suruk ahebon epmano sohorep isalug, hinindi wereg atuk amiek-o,” ulug yig isil nuruk apag.

Lukas 13:5

Ari eleg-o. Eke hit dag suruk atikibon epmano sohorep isalug, hinindi wereg atuk eleg hisalug, it waratusa etno hag hit ariroho-at waramuhup-o,” ulug At Yesusen yig isebag.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Kisah Para Rasul 11:18

Yig isaruk apagma, inesanggo holtuk apareg, iren, “Bilin ninune fanggogsoho eheon etno yig ituk sohorep isul, ulug inahla buruk apareg, At Allah inuk suontepfuruk apareg, uruk wilil, ari halug, At Allahen it At awene inapeleg welatuson epmano iren dag suruk atuson sohorep isalug, iniluk welamon wene etno og isaruk hehe-o,” ulug uruk apag.

Kisah Para Rasul 14:16

Eke o amuk At Allahen yi aphe di aphe obog inobam dombog suruk amag ulug sohorep isebahon oke, inabuen yi angge di angge fanowon-at og isebag-o.

Kisah Para Rasul 17:23

Eke hit hinibam o suon duma laruk wilil, hiren angge usama epmano nilanggen harikikseg, eke o usama misig ninetamu inuk ninapelehon etno og ituk ambeg ulug wene baloko imbirikipmu, nilanggen harikik. Nilanggen harikikseg, hiren inuk hinapeleg heheg ebe warikibon etno kidia inuk inim, awene inim yig hisaruk ahi-o. Wene ari Ninikni Allah awene etno yig hisaruk ahi-o.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

Roma 2:4

Eke At Allah etno ninabua nisaruk wereg heheg, at une sebeluk ulug uruk ahen ano? Eke nit dag suruk aheon epmano ninobam ninapelegsoho apma ninombisahalug, ninindi wereg amag ulug ninabuen yig nisarukon epmano hapelegma uruk ahen ano?

Roma 3:23

Eke it yi aphe di aphe obohen dag surusa epmano fam At Allahen fano inabukon etno holao hai atuk-o.

Roma 3:25

Eke At ebe At Allahen og nisebagma, nit ninake warapareg fam, ninindi At obam ebetuk nisalug, niren dag suruk atukukon epmano sohorep isalug, ninobam ninapelegsoho At apma ninombisaharuk-o. Eke At Allahen aphe ninim ariroho dambultuk ahe-o ulug surukon etno selegma amag ulug At Kristus og nisebag-o. Eke o amuk it aphe dag sebahon etno At Allah indi hunduhuk wilil dulum war inabuk sohorep isalug, inaso welapahon oke,

2 Korintus 7:10

Eke At Allahen ninindi dahap nisaharuk halug, niren ninili og ninabin-o ulug ukag ulug ninindi werehep nisaharuk-o. Eke ariroho ninindi werehep nisaharuk halug, niren fobik ninili og ninabuk sohorep isawim sirisi ulug uruk amuhuk fug-o. Eke yi angge di angge kweanmon fam ninindi dag atukon ari waratukon alem etno ari-at wereg-o.

1 Petrus 4:3

Eke it Allah wene waruk elehonen dag suruk etno ilitoho hit o amuk anggolo suruk atikip. Ariroho suruk wilil, hit yi dag di dag seheg, ambusu nenek surukon etno nenggeg, wanggik seheg, kwanangge etno amurli hundereheg suruk atikip-o. Ariroho suruk atikibon oke, eke kidia dag suk ninambit atisi-o, ulug uruk ahep-o.