Kisah Para Rasul 17:28 - Allah Wene Hurumbik Keron

²⁸ Ninombisaharuk apareg, At ebe yatma wereg eleg-o. At Ninikni etno ninaso wereg heheg welahe-o. Eke hit it hinomini di urukon etnowen yig hisaruk wilil, ‘Nit At udaki-at welahe-o,’ ulug yig hisarusa.

Kisah Para Rasul 17:28 ပူးပေါင်းရင်းမြစ်များ

Kolose 1:17

Yi angge di angge obog epmano awan wal haruk elegma, At etno akeleg-at welapag. Eke Aren oag werehon etno og isarukmu, yi angge di angge inobam dombog inoag weregsoho-at wereg-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Lukas 20:38

Ariroho wene embebahon epmano fam At Allah it inilukon-at Inikni wereg-o, ulug ninahla buruk ahe-o. It obog warehon inim, inilukon inim At Allahen inindi werehep isaruk halug, ari fam iniluk atuk-o,” ulug At Yesusen yig isebag.

Yohanes 5:26

Eke At Ikni iniluk welamon unde wereg etno hag, At Amloho etno iniluk welamon ari-at unde welamag ulug nobam imbirisi-o.

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Ibrani 12:9

Eke it niniknisi kweanmon epmanowen yikangge ninusuruk isalug, inapma kunuk uruk ahe ari ebe doron at-o. Eke Ninikni boholmon etno apma-at seberoho welamuhuk ari hag alem suon at-o. Ari halug, niren At apma seberoho wereg nisalug, niniluk welamon etno-at og nisahu-o.

Lukas 3:38

Eke at Kenan etno Enos amloho welapag. Eke at Enos etno Set amloho welapag. Eke at Set etno Adam amloho welapag. Eke at Adam etno Allah amloho welapag.

Titus 1:12

Eke ap iron o Kreta welapahon epmano misihen yig isaruk wilil, “It Kreta ap ari inenggal-at urukon wereg-o. Eke it inebe wam neken inaboraliroho wilil, inahum heheg naruk-o,” ulug ebag etno demat ebag-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.