Kisah Para Rasul 17:20 - Allah Wene Hurumbik Keron

²⁰ “Hat wene keron uruk ahen etno nit dot inim yig nisamihin ano?” ulug yig ituk atusareg,

Kisah Para Rasul 17:20 ပူးပေါင်းရင်းမြစ်များ

Markus 9:10

Inesanggo watuk apagma, it etanowen aphe werlekon inil fam uk sohorep isalug, irit uruk wilil, “At Ninowe etnowen aphe warehon wereg ambehen niluk atlug waruhuk yig nisehek etno, keroho ulug yig nisehek-o?” ulug uruk apag.

Yohanes 6:60

Yanggul isaruk apagma, it At omini nin epmanowen inesanggo holtuk apareg, irit uruk wilil, “Wene yanggul isehekon ari, nit ninapeleg atuk heheg yanggul nisehek-o. Ari halug, at sen hag wene du esanggo holuk fano buruk ahep-o?” ulug uruk apag.

Kisah Para Rasul 10:17

Ilanggen haruk apareg, at Petrus etnowen, “Ebe hihion oke, keroho yig nerehek-o?” ulug ebereheg eleg apelegsoho weregma,

Kisah Para Rasul 17:19

Yig ituk atusareg, at Paulus etno walug, o sili suon inuk Areopagus etno imbik waharuk atusareg, yig ituk wilil,

Kisah Para Rasul 17:21

it Atenaon inim, it huso neken epma werehon inim yi angge di angge seheg eleg wilil wene keron misig heahuog ulug nintul nantul bok welatusareg, ariroho yig itusa.

Kisah Para Rasul 2:12

ulug at misihen eheg, at misihen eheg inakolen inune fog fog uruk wilil, “Ari keroho suog ulug uruk-o?” ulug uruk apareg,

1 Korintus 1:18

Eke it aphe dag surukon o dagma lahubon epmanowen at ebe e fam lenggaloko embebahon wene ari we hai neken inahla buruk oke, nit At Allahen ninili og ninaptukon epmanowen wene du fam At Allahen oag weregsoho ninili og ninaptuk ulug ninahla buruk ahe-o.

1 Korintus 1:23

eke nit hag At Kristus Yesus e fam lenggaloko embebagma warapahon wene etno obog-at dindiloko yig isaruk ahe-o. Wene yig isaruk aheon ari fam it Yahudi aben wene du ninambit ulug urukon epmano inim, eke it Yunani aben wene du hai wene uruk ulug urukon etno inim obog-at wereg oke,

1 Korintus 2:14

Eke at ap misig Roh Kudus indimu eleg wilil, alem amukon ebetukon halug, At Roh Kudusen yig nisarukon etno demat ulug eberoko wao ari hai-o. Eke nit At Roh Kudus etnowen yig nisarukmu waon oke, at ap etno urunanggeroho neken ahla buruk wilil, wene etno alem heahuk hai atuken weheg eleg wereg-o.

Ibrani 5:11

Eke alem ari fam niren anggolo yig hisawon oke, hit hinindimu orog-at ebetuk ahep etno fam keroho yig hisuk neken ninapeleg atuk-o.

1 Petrus 4:4

It Allah wene waruk elehon epmanowen ari keroho suruk ahep-o, ulug yig hisaruk wilil, hinobam denggeltuk-o.