Kisah Para Rasul 17:14 - Allah Wene Hurumbik Keron

¹⁴ Waharuk atusama, at Paulus omini epmanowen ebe dulum-at ik laut ayegma lahapfuruk atusareg, it Silas Timotius inim o Berea etno welatusa.

Kisah Para Rasul 17:14 ပူးပေါင်းရင်းမြစ်များ

Matius 10:23

Eke hit hinebe o misihen hinusuog ulug suruk isalug, sohorep isalug o misig hite alu-o. Eke At Allah Amloho awan waharuk eleg heheg, yabuk o Israel epma suhup-o, ulug An demat yig hisaruk ahi-o.

Kisah Para Rasul 1:15

At Yesus omini inim, eke it nin inim inebe seratus dua puluh wonggaltuk apareg balureg wilil, at Petrus etno inanggelegmen minatuk apareg, yig isaruk wilil,

Kisah Para Rasul 15:22

Yig isaruk apagma, it mondep isebahon epmano inim, eke it ap inaso werehon epmano inim, it Allah wene warukon obog inim wene baltuk apareg, nit obog ninanggelegmen it ap misig misig fuloko imbisalug, it Paulus Barnabas inim o Antiokhia epma lahap isul-o, ulug uruk apareg, at Yudas, inuk Barsabas inim eke at Silas inim it biren etano inobabut fano isaruk apareg, heag inapag. Heag inaptuk apareg, holal etno og isebag.

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Kisah Para Rasul 17:10

Eke o hup atuk atisimu, it inomini epmanowen Paulus Silas inim o Berea lahap isarusa. Lahap isaruk atusama, laruk atusareg, it Yahudi ap o Allah wene uruk ambeg etno kurusa.

Kisah Para Rasul 17:15

It etano o Berea weregma, it ap at Paulus walug laruson etano o Atena imbik waharuk atusareg, iniog suhuluk o Berea laruk atusareg, it Silas Timotius yig isaruk wilil, “At Paulusen hit dulum nambeg manu-o,” yig isarision etno yig isarusa.

Kisah Para Rasul 17:4

Yig isaruk atisimu, it nin wene etno waruk atusareg, it Paulus Silas inim welatusa. Eke it Yunani ap Allah wene warukon inim, eke it inowesi anggolo inim wene etno ariroho waruk atusareg inim welatusa.

Kisah Para Rasul 17:6

Kik haruk atusareg, inebe elehen, at Yason omini nin inim lit inaplug wilik waharusareg, it ap o etno werehon inowesi inambeg imbisa laruk wilil, “It at Paulus Silas etano o ahik ya da epmano aphe inindi kahaltil larusareg, nit ninibam waharusama,

Kisah Para Rasul 18:5

Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

Kisah Para Rasul 19:22

at yalmag harukon biren ininuk Timotius Erastus inim o Makedonia arat lahap isaruk atisireg, at ebe o Asia welatisi.

Kisah Para Rasul 20:3

Waharuk atisireg, epma bikalem henahan welatisi. Bikalem henahan welatisireg, fobik o Siria liog ulug suruk wilil, it Yahudi aben nowabuog ulug suruk-o, ulug hurumbik iluk atuk atisireg, suhuluk o Makedonia wariog ulug suruk atisimu,

Kisah Para Rasul 9:25

Kahaleg weregma, eke o misihim hubanggo at Saulus omini epmanowen at ebe walug hele liloko lehet anduhunkeyen selema fil wilipfebag.

Kisah Para Rasul 9:30

Wabuog ulug surukmu, at Saulus omini epmano inesanggo holtuk apareg, at Saulus ebe walug o Kaisarea etno imbik laruk apareg, epmen o Tarsus lawag ulug lahapfebag.

1 Timotius 1:3

Nomin-o, an bilin o Makedonia liog ulug yig hitikik etno ilitoho, kidia o Efesus welamag ulug yig hituk ahi-o. Eke o epma it aphe ninen inenggal wene yig isaruk halug, haren winimug isaruk amuk-o.

Titus 1:5

Eke haren yi angge di angge sukon etno suruk amag ulug yig hituk wilil, it aphe demat ulug ebetukon epmen it ap heako min inabu­hunen ulug o Kreta epma hombahalug waharikik-o. Eke an bilin ariroho suhun ulug yig hitikikon etno hindi ebetuk amin-o, eke ap Allah wene yig isarukon welamon etno it apheyen inune obam deng­geltuk eleg isalug, eke hwe misig-at ohowon halug,