Kisah Para Rasul 17:11 - Allah Wene Hurumbik Keron

¹¹ Kurusareg, wene yig isaruk atusama, it Tesalonika aben wene inambit urusa etno hag surusa fug. It wene etno inesanggo fanoroho holtuk wilil, At Paulusen demat yig nisehek ano? ulug iniluk amag ulug Alkitab etno nintul nantul wane suruk atusa.

Kisah Para Rasul 17:11 ပူးပေါင်းရင်းမြစ်များ

Matius 13:23

Eke i angge kwean sinon fam kililtil lebag etno hag ari, it nin wene inesanggo holtuk wilil, eberoko warukon epmano anggen yihiruk wilil, it nin anggen seratus yihikeg, eke it nin anggen enam puluh yihikeg, eke it nin anggen tiga puluh yihiruk-o,” ulug yig isebag.

Lukas 1:2

Yig isil nurukmu, it ninen holal umburusa-o nomin.

Lukas 11:3

Nintul nantul ninaharom og nisaruk aruhun-o.

Lukas 16:29

eke at Abrahamen yig ituk wilil, ‘It hosi epmano hurumbik iniluk amag ulug at Musa inim, it nabi ap wene uruk apahon inimen holal embebahon etno wereg-o. Ari halug, it iniluk amag ulug holal embebahon etno fam inesanggo holukag-o,’ ulug wene holal embebahon etno fam yig ituk apagma,

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 3:21

It nin ariroho inambit harukon oke, it nin wene demat urukon etno ilitoho suruk isalug, at o seleg etno ambeg waharuk ari, iren fanoroho surukon etno At Allah une ninesanggo holtuk wilil surukuk-o, ulug selegma amag ulug at o seleg etno ambeg waharuk-o,” ulug yig epag.

Yohanes 5:39

Eke hiren Alkitab wene baleg etno fikfag wane suruk wilil, etno fam niniluk welamon etno heahakuk-o ulug hinahla buruk ahep-o. Eke Alkitab wene baleg ari fam An nawene-at yig hisaruk halug,

Kisah Para Rasul 10:33

hat hebe wamag ulug it etna hambeg yonggo lahap isarikik-o. Lahap isarikikmu, nomin, hat nea wahen ari fano. Eke kidia At Ninowe Yesus etnowen duroho yig isimuk ulug yig hitukmu, haren yig nisamihinon etno ninesanggo holtulen ulug At Allah il fam nit obog wonggaloko welahe-o,” ulug at Korneliusen Petrus etno yig epag.

Kisah Para Rasul 11:1

Eke fobik it mondep isebahon epmano inim, it inomini obog o Yerusalem werehon epmano inimen it aphe Allah wene waruk elehon epmano obog-at warusa-o, ulug inesanggo holfag.

Kisah Para Rasul 17:1

Eke fobik o Amfipolis, o Apolonia inim ya keheg sil waharuk atusareg, o Tesalonika kurusa. O Tesalonika epma it Yahudi ap o Allah wene uruk ambeg weregma,

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

2 Tesalonika 2:10

Eke it aphe fobik o dagma lahubon epmano at ap dahon etnowen yiroho diroho enggal-at surukon epmano fam inindi kahalik waruhu-o. Eke ariroho kahalik waharuk aruhumu, it aphe etnowen wene inili wawon demat urukon etno sohorep isahup ari fam, inonggareg inobaburen o dagma lahup-o.

Yakobus 1:21

Eke ari halug, hit hinobabut dag suruk ahebon epmano mondog seberoho imbisiek-o. Hit hinebe At Allah apma-at weregma, aren hinili wawon wene etno hinindimu og hisaruk halug, eberoko waruk amiek-o.

1 Petrus 2:2

Eke udag doronen isina ag naruk hag, hit At Roh Kudusen yanggul hisarukon wene etno mondog holaruk weregma etno fam hinindi werehep hisahalug hinili wahu-o.