Kisah Para Rasul 17:1 - Allah Wene Hurumbik Keron

¹ Eke fobik o Amfipolis, o Apolonia inim ya keheg sil waharuk atusareg, o Tesalonika kurusa. O Tesalonika epma it Yahudi ap o Allah wene uruk ambeg weregma,

Kisah Para Rasul 17:1 ပူးပေါင်းရင်းမြစ်များ

Kisah Para Rasul 14:1

It Paulus Barnabas etano o Ikonium wilil, it Yahudi Allah wene uruk ambeg epmano kuruk apareg, wene yig isaruk apagma, it Yahudi ap inim eke it Allah wene inapelehon inim anggolo-at eberoko waruk apag.

Kisah Para Rasul 15:21

Eke at Musaen wene duroho suruk amuk eke duroho suruk am fug ulug ebahon etno o amuk it Yahudi ap wene uruk ambehen o sembahyang fam yig nisaruk wilil, awene etno o ahik ya da yig nisaruk wereg-o,” ulug at Yakobus etnowen yig isebag.

Kisah Para Rasul 16:13

Waharukukseg, nininggik dorat ninim wilil o sembahyang fam o sili etno sohorep isalug, it Yahudi ap ninim sembahyang uog ulug, o ik ayegma epmano amburukuk. Amburuk atukukseg, horie ulug weregma it hweap epma wonggaltuk atusama, ninim wene urukuk.

Kisah Para Rasul 17:10

Eke o hup atuk atisimu, it inomini epmanowen Paulus Silas inim o Berea lahap isarusa. Lahap isaruk atusama, laruk atusareg, it Yahudi ap o Allah wene uruk ambeg etno kurusa.

Kisah Para Rasul 17:11

Kurusareg, wene yig isaruk atusama, it Tesalonika aben wene inambit urusa etno hag surusa fug. It wene etno inesanggo fanoroho holtuk wilil, At Paulusen demat yig nisehek ano? ulug iniluk amag ulug Alkitab etno nintul nantul wane suruk atusa.

Kisah Para Rasul 17:13

Waruk atusama, at Paulus etno o Berea epma Allah wene yig isaruk atisimu, warusa-o, ulug it Yahudi ap o Tesalonika werehon epmano inesanggo holtuk atusareg, o Berea inim aphe obog inindi kahaltil waharusa.

Kisah Para Rasul 20:4

at Sopater Pirus amloho, Bereaon etno inim, at Aristarkhus eke Sekundus Tesalonikaon etno inim, at Gayus Derbe ap etno inim, eke at Timotius inim, eke it Tikhikus, Trofimus o Asia ap etano inim,

Kisah Para Rasul 27:2

Og ituk atusama, ikma so misig o Adramitium etnowen o Asia ik ayegma wariog ulug weregma, nit kuruk atukukseg waharukuk. Waharuk wilil, at Aristarkhus o Makedonia, Tesalonika ap etno ninim waharukuk.

Filipi 4:16

Eke an o Tesalonika wilil yi angge di angge elegma, hiren nintul nantul og nirik waharikip-o.

1 Tesalonika 1:1

Nit Paulus, Silas, Timotius etano ninimen, nit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil, At Allahen hinabua hisaruk etno fam, hinim welamag ulug wene holal du bal hisehe-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.

2 Tesalonika 1:1

Nit Paulus, Silas, Timotius epmano ninimen, hit Ninikni Allah inim, Ninowe Yesus Kristus inim inudaki o Tesalonika welahebon epmano heahi war hinaptuk wilil,

2 Timotius 4:10

Eke at Demas etno hag kweanmen surukon etno indi ebetuk atisireg, sohorep naharisi-o. Sohorep naharuk atisireg, o Tesalonika larisi-o. Eke at Kreskes o Galatia etno larisi-o. Eke at Titus o Dalmatia etno larisi-o.