Kisah Para Rasul 16:9 - Allah Wene Hurumbik Keron

⁹ I og haruk apag, duroho yig itukmu hebag it Makedonia ap misig minapareg, yanggap suruk wilil, “Hat o Makedonia duma nit yalmag ninabik waruhun-o,” ulug yig itukmu i og hebag.

Kisah Para Rasul 16:9 ပူးပေါင်းရင်းမြစ်များ

Kisah Para Rasul 10:3

Eke misihim hupmu jam tiga fam noho fulfal neken i og haruk wilil, At Allah malaikat misig at ambeg belabik waharukmu, ilanggen hebag.

Kisah Para Rasul 10:30

Yig isaruk apagma, at Kornelius etnowen yig ituk wilil, “An nibamen o uwa etno hupmu jam tiga fam sembahyang uruk atikikseg weregma, ap misig asum huluon yihikon etno nolohotma binagsoho waharisireg,

Kisah Para Rasul 16:10

I og haruk apareg, ahla buruk wilil, ari hihi ari, At Allahen o Makedonia wene fano wene etno yig isawag ulug wol nabehek hihi-o, ulug nahla buruk atikikseg, nit etno o Makedonia luog ulug yi angge di angge dig dug holaruk atukukseg larukuk.

Kisah Para Rasul 16:12

Waharuk wilil, so etno sohorep isalug, o Filipi kwean Makedonia fam, it Roma ap unde wereg ambeg etno waharukuk.

Kisah Para Rasul 18:5

Kuruk atisireg weregma, fobik it Silas Timotius inim o Makedonia epmen waharuk atusama, at Paulus sum yihirukon etno sohorep isalug, it Yahudi ap yig isaruk wilil, “At Yesus ari Kristus at-o,” ulug wene etno mondog nintul nantul at yig isaruk atisi.

Kisah Para Rasul 19:21

Eke fobik Allah wene etno su atuk atisimu, at Paulus etno o Makedonia, Akhaya ya keheg sil o Yerusalem lahukseg, fobik o Roma waruhuk-o, ulug ahla buruk wilil,

Kisah Para Rasul 19:22

at yalmag harukon biren ininuk Timotius Erastus inim o Makedonia arat lahap isaruk atisireg, at ebe o Asia welatisi.

Kisah Para Rasul 19:29

Inune uruk wilil, it Gayus, Aristarkhus o Makedoniaen at Paulus inim waharuson etano sen inaptuk atusareg, og inaplug it wene uruk ambeg etno imbisa larusa.

Kisah Para Rasul 20:1

Wilip isaruk atisimu, inibam larusa. Laruk atusama, at Paulusen it Allah wene warukon epmano wonggal inaptuk atisireg, hinindi oag weregsoho welamuk-o, ulug heahi warep isalug, o Makedonia waharisi.

Kisah Para Rasul 20:3

Waharuk atisireg, epma bikalem henahan welatisi. Bikalem henahan welatisireg, fobik o Siria liog ulug suruk wilil, it Yahudi aben nowabuog ulug suruk-o, ulug hurumbik iluk atuk atisireg, suhuluk o Makedonia wariog ulug suruk atisimu,

Kisah Para Rasul 27:2

Og ituk atusama, ikma so misig o Adramitium etnowen o Asia ik ayegma wariog ulug weregma, nit kuruk atukukseg waharukuk. Waharuk wilil, at Aristarkhus o Makedonia, Tesalonika ap etno ninim waharukuk.

Kisah Para Rasul 9:38

Embebareg weregma, o Yopeyen Lida horog atma, it o Yope Allah wene warukon epmanowen at Petrus o Lida wereg ulug inesanggo holtuk apareg, iren hat Petrus dulum ninambeg ma, ulug ayonggo ap biren lahap isebag. Lahap isaruk apagma lebareg, at Petrus etno yig epag.

Roma 15:26

Eke it Allah udaki o Makedonia Akhaya inim werehon epmanowen it Allah udaki o Yerusalemon inaharek elehon epmano yi angge di angge og isuog ulug Allah ake yi angge di angge umbuhuk inahla burusa ari,

2 Korintus 11:9

Eke an yi angge di angge elegma, it ninomini o Makedonia epmen waharuson epmanowen obog ilitoho-at og nirik waharusa-o. Eke an bilin og nimiek ulug yig hisarikik fug etno hag, fobik ariroho yig hisahuk fug-o.

2 Korintus 12:7

Eke an yi angge di angge elalintoho surukmu haruk seyahon epmano fam suontepata nowen ulug, e alog enggaron etno fam watawag ulug uk suon neken nobam nombaharisi-o. Ariroho nobam nombaharisireg fam, at iblis o malaikaren inusuruk etno hag inggik samurlinggilig nowatuk wilil, an nebe suontepata nowen ulug uk etnowen dorontep naharuk-o.

2 Korintus 7:5

Eke nit o Makedonia waharukukseg, sat kelsarukuk fug-o. Eke it obohen dahan fahan-at suruk isalug, it anggolo ninim winimug abeheg, eke ninindi undamen ninakol heheg suruk atukuk-o.

2 Korintus 8:1

Nomini-o, At Allah udaki o Makedonia werehon epmano At Allah ahien isaruk heheg suruson epmano hit hiniluk amag ulug yig hisaruk ahe-o.

2 Korintus 9:2

Hiren hag yalmag inabuog ulug suruk ahep ari an niluk-o. Eke alem ari fam anden hit suontep hisahiog ulug it Makedonia aphe epmano yig isaruk wilil, “It Akhaya aphe hag tahun lindi fam arat yalmag inabuog ulug surusa-o,” ulug ariroho yig isarikikseg fam, hiren suruk ahebon epmano inesanggo holtusareg, it obohen nit ariroho yalmag inabuhuk at-o, ulug urusa.

1 Tesalonika 4:10

Eke Aren yanggul hisarision etno hiniluk wilil, it hinomini o Makedonia werehon epmano obog hinindi hunduhuk welahep ari fano neken welahep oke, fobik inim obam seberoho sukag ulug yig hisaruk ahe-o nomini.