Kisah Para Rasul 16:34 - Allah Wene Hurumbik Keron

³⁴ Ikma belap inaptuk atusama, it Paulus Silas inim at ibam welamag ulug og inaplug larisireg, inaharom menag isarisi. Ariroho inim wilil, “Nit Allah wene wehe-o,” ulug at omini inim inahientoho welatusa.

Kisah Para Rasul 16:34 ပူးပေါင်းရင်းမြစ်များ

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Lukas 19:6

at Zakheus etno ambik waharuk apareg, ahien haruk wilil, heahi wapag.

Lukas 5:29

Inim laruk apareg, at ibamen Yesus aohi esetuk apagma, it ap uang onggo kino urukon epmano inim, it aphe nin inebe anggolo epmano inim dambuksoho horieg welapag.

Kisah Para Rasul 11:14

Lahap isamihinmu, at etno waharuk aruhureg, wene hat homini hinim hinili wawon etno yig hisaruk aruhu-o,’ ulug at Kornelius etnowen yig nitisi-o.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Kisah Para Rasul 16:35

Ariroho welatusareg, o witaruk atisimu, it Roma ap inowesi epmanowen lahap isaruk wilil, “Ap du wilip amag-o,” ulug it inaso werehon etno yig isaruk atusama,

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 8:39

At Roh Kudusen Filipus etno walug eleg apag. Eleg atuk apagma, at ap suon etnowen ilanggen halug eleg kwalem etno fam indi ahientoho lebag.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 5:11

Eke ari fam, alem misig du wereg-o. Ari, At Ninowe Yesus Kristus etnowen At Allah ninim fanoroho dambuk ninaptisireg fam, At Allah ninim mondog-at welamuhuk ulug inuk ahe-o.

Roma 5:2

Eke ariroho At obam ebetuk atukukseg fam, At Allahen ninabua nisawag ulug og ninaplug waharisi-o. Ariroho og ninaplug waharisireg fam, kidia At Allahen ninabua nisaruk heheg minduhuk neken welahe-o. Ariroho wilil, At Allah ninim suon neken welamuhuk-o ulug ninahientoho ninahla buruk ahe-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Filipi 4:17

Eke an yi angge di angge heahil sil nuruk ahi fuhon oke, eke hiren og nitikip etno fam, it Filipi aphe anggen fanowon yihiruk ari, At Allahen onggo og isahu ari nahla buruk ahi-o.

Filipi 4:4

Eke At Allahen og hisaruk etno fam hinindi hinahien haruk amuk-o. Eke hit hinindi hinahien haruk amag ulug misihim inim dahagsoho yig hisaruk ahi-o.

Filemon 1:7

Eke ari halug, nomin nindi hunduhukon wai. Hat it Allah udaki obog hinim hindi hunduhuk wilil, haren inin­di fano inaptuk ahenon etno nesanggo holtikikseg, nahien anggo­lo haruk wilil, nonggarehen nindi oag werehepatarikik-o.

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.