Kisah Para Rasul 16:23 - Allah Wene Hurumbik Keron

²³ Lambisog waroko o it aphe dahon imbisaruk ambeg epma kolap isarusareg, sok elma yaha fanoroho welamag ulug yig isarusa.

Kisah Para Rasul 16:23 ပူးပေါင်းရင်းမြစ်များ

Matius 26:48

Inebe awan wamuog ulug suruk wilil, bilin at Yudas senebukag ulug yonggo lebahon etnowen ininggik ariroho seneriuk-o ulug yig isebag. Yig isaruk wilil, “An heahi watuk neken nambilik mitig haruk nealug, hiren ap ebe du at-o ulug hininggik seneriuk-o,” ulug yig isebag.

Lukas 21:12

Eke yi angge di angge epmano awan suruk eleg heheg, hit epmano hele warep hisalug, dahon etno hinobam umbuhup-o. Umburuk amuhupseg, o Allah wene uruk ambeg epmanowen hinunema wawag ulug hinebe og iseheg, eke aphe dahon kolap inaptuk ambeg epmano kolap hinabeheg eke hiren An ninuk eberoko wahup etno fam hinebe epmano it yi ap di ap inowesi ininuk suon epmano inolohotma minduhup hisahakeg suruk amuhup-o.

Kisah Para Rasul 12:18

O epmano lebareg fam, o witaruk apagma, it at aso welapahon epmanowen ebe eleg haruk apareg, “At Petrus kema laha-o?” ulug heaharuk apagma,

Kisah Para Rasul 12:4

At Petrus etno hele waroko aphe dag surukon imbisaruk ambeg epmano kolapfuruk apareg, aso welamag ulug ap inebe enam belas epmano lehet walkiko minduhup isebag. Minduhup isaruk apareg, at Herodes etnowen o hari Paskah esebuhukon etno nalug at Petrus etno it Yahudi ap inil fam selegmen enggali wabuhuk ulug ahla bebag.

Kisah Para Rasul 16:27

Satnog suruk wilil, sok obog husig weregma, at inaso werehon etno iluk atlug ilanggen haruk atisireg, wi, aphe obog kolap isarukuk epmano wilip ahesa, ulug ahla buruk atisireg, ebe onggarehen watiog ulug enggarog lisuruk atisimu,

Kisah Para Rasul 16:36

at etnowen Paulus yig ituk wilil, “Hat Silas hinim wilip amag ulug it ninowesi epmanowen yig nisa wahesa-o. Halug ariroho ehesareg fam hit wilip atlihipseg laruk wilil, kwalemma fanoroho-at alu-o,” ulug yig itisi.

Kisah Para Rasul 5:18

hele waroko aphe dahon imbisaruk ambeg epmano kolap isebag.

Kisah Para Rasul 5:23

“Aphe dahon imbisaruk ambeg epmano bik isa laruk ahe, it ap sok elma aso werehon epmano yaharoho weregma, sok larehon etno husoko undama bik isehereg oke, inebe mondog eleg isehe-o,” ulug yig isaruk apagma,

Kisah Para Rasul 8:3

Salepfik laruk apagma, at Saulus etnowen it Allah wene warukon epmano war inabil laruk wilil, inibam ya keheg sil lebag. Sil laruk wilil, ap hweap Allah wene warukon halug, wilip isa watlug, o dag surukon imbisaruk ambeg epmano kolap isaruk apag. Ariroho heag inabil laruk apareg, it Yerusalem aphe Allah wene warukon epmano mug inaplug laruk apagma, o Yudea Samaria inim lebag.

Kisah Para Rasul 9:2

yig ituk wilil, “Nowe-o, an it Yahudi ap o Allah wene uruk ambeg o Damsyik etno laminen holal baloko og nimin-o. O epma it aphe Allah wene iniluk amon warukon etno heag inabil laruk aruhukseg, ap inim, hweap inim hele waroko og inaplug o Yerusalem niog suhuluk waruhuk-o,” ulug yig epag.

2 Korintus 11:23

Eke alem misig an nune fam urunanggeroho yig hisamin-o. It ap epmano hag Kristus anggimbu-at wereg buruk ahep ano? Eke an hag At Kristus anggimbu wilil it obog inowe neken welahi-o. Eke it epmano hag yabuk dorat suruk iseheg oke, an hag narug fanoroho yabuk anggolo sirikik-o. It inebe aphe dahon kolap isaruk ambeg epmano ininggik misihim neken-at kolap isaruson oke, an hag ninggik anggoloam-at kolap naharusa-o. Eke it hag yikangge dorat war inaptuson oke, an hag anggolo neken war naptusa-o. Eke it hag waramag ulug dorat suruson oke, an hag waramag ulug anggolo-at surusa-o.

2 Korintus 6:5

Eke it ninen yikangge war ninabeheg, eke aphe dahon imbisaruk ambeg epmano kolap nisahakeg, eke muko wilip nisahakeg suruk-o. Eke nit hag, nohuk sohorep isalug, eke yabuk sat anggolo seheg, eke yi angge di angge nenggeg eleg suruk ahe-o.

Efesus 3:1

Eke an Paulus At Kristus Yesus awene etno hit aphe bilin Allah wene hinapeleg welatikibon epmano yig hisaruk atikikseg, an nebe hele wareg wilil, At Allah obam sembahyang uruk ahi-o.

Efesus 4:1

Eke an At Ninowe anggimbu halug hele wareg welahion etnowen nune oag weregsoho yig hisaruk ahi-o. Eke hit At Allahen wol hisaruk wilil, ariroho suruk amiek-o ulug yig hisarisi etno ilitoho-at suruk amiek-o.

2 Timotius 2:9

Ariroho yig isil nuruk ahi etno fam, dahon etno nobam umburuk atusareg, ap dahon neken-at hele war naptusa; an nebe hele war naptuson oke, Allah wene etno hele wareg wereg eleg-o.

Filemon 1:9

eke hat ninim nindi hunduhuk wilil, we hinog neken yig hituk ahi-o. Eke an Paulus At Yesus Kristus awene yig isarukmu hele war naptuson epmanowen hinog bilin irikikon etno farim yig hituk ahi-o.

Wahyu 1:9

At Yohanes etnowen wene holal umburuk wilil, “An hinomin Yohanes etno alem Allah wene inim, eke At Yesus Kristus inuk etno inim yig isil larikikseg fam, ik anggenma inuk Patmos etno lahap naharusama welatikik-o. Eke hit dahon hinobam umburuk etno hag, an dahon nobam umburusa-o. Ari halug, At Allah weregma welamu­hukon inim eke At Yesus Kristus inuk fam wene demat urukon etno inim hit ninim dambuksoho waruk ahe-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.