Kisah Para Rasul 16:19 - Allah Wene Hurumbik Keron

¹⁹ Wilip atuk atisimu, at hole etno iknisi epmanowen ariroho urusa, nit uang og nisarukon etno wilip aha du sen og nisahu-o, ulug inindi ebetuk atusareg,

Kisah Para Rasul 16:19 ပူးပေါင်းရင်းမြစ်များ

Kisah Para Rasul 21:30

Ariroho uruk atusama, it apheyen o Yerusalem obog wonggaltuk atusareg, at Paulus ebe senoko o Allah ibam selema imbik larusa. Imbik laruk atusareg, o Allah ibam sok etno larepfurusa.

Kisah Para Rasul 17:6

Kik haruk atusareg, inebe elehen, at Yason omini nin inim lit inaplug wilik waharusareg, it ap o etno werehon inowesi inambeg imbisa laruk wilil, “It at Paulus Silas etano o ahik ya da epmano aphe inindi kahaltil larusareg, nit ninibam waharusama,

2 Korintus 6:5

Eke it ninen yikangge war ninabeheg, eke aphe dahon imbisaruk ambeg epmano kolap nisahakeg, eke muko wilip nisahakeg suruk-o. Eke nit hag, nohuk sohorep isalug, eke yabuk sat anggolo seheg, eke yi angge di angge nenggeg eleg suruk ahe-o.

Kisah Para Rasul 16:16

Eke o misihim sembahyang uruk ambeg luog ulug suruk atukukseg, at hole inanggimbu setan indimu kurukmu, it aphe werlekonen suhubon hurumbik yig isarukon epmano ninim salkal urukuk. At hole ninim salkal urukukon etno aren hurumbik yig isarukon etno fam ikni uang anggolo og ituk atisireg,

Kisah Para Rasul 8:3

Salepfik laruk apagma, at Saulus etnowen it Allah wene warukon epmano war inabil laruk wilil, inibam ya keheg sil lebag. Sil laruk wilil, ap hweap Allah wene warukon halug, wilip isa watlug, o dag surukon imbisaruk ambeg epmano kolap isaruk apag. Ariroho heag inabil laruk apareg, it Yerusalem aphe Allah wene warukon epmano mug inaplug laruk apagma, o Yudea Samaria inim lebag.

Kisah Para Rasul 15:26

Eke it ninomini Barnabas Paulus At Ninowe Yesus Kristus eyabuk inakol elegsoho suruson etno inim-at lahap isa wahe ari,

Kisah Para Rasul 14:19

Sohorep isaruk apagma, it Yahudi ap o Antiokhia, o Ikonium epmanowen waharuk apareg, o Listra etno wapag. Waharuk apareg, aphe obog epmano dahal inaptuk wilil, at Paulus ebe helep fam warepfuruk apareg, ebe mondog waraha ulug inahla buruk wilil, lehet selema fil imbik wilip apag.

Kisah Para Rasul 14:5

Ariroho suruk apagma, it Allah wene inapelehon inim eke it Yahudi ap inim eke it inowesi suon epmano inimen wene baltuk wilil, it ap mondep isebahon du inenggali hawag ulug helep fam warep isuk-o, ulug wene baltuk apagma,

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Markus 13:9

Ariroho suhubon epmano hiniluk halug hinindimu yaha fanoroho welamuk-o. Hit hinebe sen hinaplug it ap suon wene baltuk ambeg inim, it Yahudi ap sembahyang uruk ambeg inim, og hinaplug hinombisahik laruk amuhupseg, yikangge hinusuhup-o. Eke hit hinebe epmano it yi ap di ap inowesi ininuk suon epmano inolohotma minduhup hisahakupmu, hiren An ninuk fam wene fano wene etno yig isaruk amag ulug og hinaplug inambeg hinombisahik lahup-o.

Matius 24:9

Yi angge di angge epmano suruk heheg, it ninen hit hinebe sen hinaplug yikangge war hinabukag ulug og iseheg, eke waroko hinombisahakeg suruk amuhup-o. Ariroho suruk wilil, hit hag An nawene eberoko wahup etno fam, it aphe kweanmon obohen inambit hisahup-o.

Yakobus 2:6

Eke hiren it inaharek elehon epmano apmarep isaruk ahep ari hai-o. Hinobam inune dahon umburukon ari it inaharek werehon epmanowen-at hinobam denggeltuk etno hinapelehen suruk ahep ano?

Kisah Para Rasul 15:22

Yig isaruk apagma, it mondep isebahon epmano inim, eke it ap inaso werehon epmano inim, it Allah wene warukon obog inim wene baltuk apareg, nit obog ninanggelegmen it ap misig misig fuloko imbisalug, it Paulus Barnabas inim o Antiokhia epma lahap isul-o, ulug uruk apareg, at Yudas, inuk Barsabas inim eke at Silas inim it biren etano inobabut fano isaruk apareg, heag inapag. Heag inaptuk apareg, holal etno og isebag.

1 Timotius 6:10

Eke yi dag di dag surukon epmano alem yi angge di angge inim, uang inim nindi nindi urukon etno-at wereg-o. Eke it ap ninen uang ari-at nindi-o, ulug uruk wilil, wene demat ulug urukon etno sohorep isalug, eke ap misig wataruk wilil, yahayen bal saruk etno hag, it aphe nindi nindi urukon etno eleg atuk halug, inindi dag atuk-o.

Kisah Para Rasul 15:40

Laruk apagma, eke at Paulus etnowen Silas walug liog ulug surukmu, it inomini epmanowen kwalem fano-at lawag ulug inake sembahyang uruk wilil, At Allah kino yig ituk apagma, lebag.

Kisah Para Rasul 16:20

it Paulus Silas inim senoko imbisaruk atusareg, og inaplug it inowesi wene alem heaharuk ambeg epmano imbisa larusa. It inowesi Roma ap inambeg imbisa laruk atusareg, yig isaruk wilil, “Ap du inebe Yahudi ap-at oke, ninibam dumen dahan fahan suruk wilil,

Kisah Para Rasul 16:25

Kolap isarisimu, eke fobik hubanggo homanoho ilimbul it Paulus Silas etano sembahyang uruk wilil, Allah inuk fam di uruk atusama, it kolap isaruson epmanowen inesanggo holeg welatusa.

Kisah Para Rasul 16:29

at inaso werehon etnowen yig isaruk wilil, “Eral walug maniek-o,” ulug kuruk atisireg, akolen inggik iog elekelek suruk wilil, it Paulus Silas inapma yungguksoho horie irisi.

Filipi 1:30

Ariroho dahon epmano hinobam umburuk isalug, hit an nebe ilitoho seg atuk atikipseg, at setan inim wim aptuk ahe etno an ninim-at aptuk ahe-o. Eke amuk an ninim aptuk atukukon epmano hinilanggen haruk atikipseg, kidia ariroho inim aptuk-o, ulug hinesanggo holtuk ahep-o.

1 Tesalonika 2:2

Eke hit hinambeg o Tesalonika etno awan waharuk eleg niseheg, o Filipi etnowen inune yig nisaruk wilil, dahon etno ninobam umburusa ari hit hiniluk-o. Eke dahon etno ninobam umburuson oke, it nin hit wereg ambehen inim-at winimug yig nisaruk atusama, wene fano wene At Allahen yig nisarukon etno yig hisawag ulug At Allahen oag werehep nisaharisi-o.