Kisah Para Rasul 16:18 - Allah Wene Hurumbik Keron

¹⁸ ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Kisah Para Rasul 16:18 ပူးပေါင်းရင်းမြစ်များ

Matius 14:24

At etno epmano wereg heheg, At omini epmano inakeleg-at so etno fam laruk wilil, ik bulmu epmano weregma, hiahne fil ha waharuk apagma, iken so etno lek hondo sebag.

Markus 1:34

Balu sik waharuk apagma, it aphe uk yion dion inobam werehon epmano obog-at fano inabeheg, eke it aphe setan inindimu werehon epmano lisoko wilip iseheg sebag. Ariroho suruk wilil, it setan epmanowen At Yesus ebe iniluk welapareg fam, At Yesus etnowen yig isaruk wilil, “Hit hinune bok amiek-o,” ulug yig isaruk apagma, inune eleg-at welapag.

Markus 16:17

Eke it nin An nawene etno inindimu eberoko wahubon halug, it apheyen fog inaptuk amag ulug, sukfuganggeroho suruk wilil, it setan inindimu kurukon epmano An ninuk fam lisoko wilip iseheg, eke inune inapelehon-at eheg suruk amuhup-o.

Lukas 9:1

Eke fobik At Yesusen omini dua belas epmano wonggalik wamag ulug wol isaruk apareg, yig isaruk wilil, “Hiren it aphe setan inindimu kurukon lisoko wilip iseheg, eke it uk warehon fano inabeheg sukag ulug hinoag weregsoho hinombisahaki-o,” ulug yig isebag.

Kisah Para Rasul 3:6

at Petrus etnowen yig ituk wilil, “An nahuang elehen anden angge misig og hipminmu, hat hebe At Yesus Kristus Nazaret ap etno inuk fam minatlug lamihin-o,” ulug yig ituk apareg, inggik bikit fil senoko minduhupfebag.

Kisah Para Rasul 9:34

Ha laruk apareg, at Petrus etnowen yig ituk wilil, “Eneas wai. Hat hebe etno At Yesus Kristusen fano haptuk-o. Fano haptukmu, kidia minatuk apmihinteg, hesabul nohoruk ahenon etno yinggiloko hulimin,” ulug yig ituk apagma, at Eneas etno minapag.

Kolose 2:15

Ariroho hinombisaharuk apareg, warapag-o. Eke At ebe warapareg fam, it yi angge di angge inoag weregsoho werehon epmano inoag elegsoho imbisaruk apareg, it yi aphe di aphe inilanggen hawag ulug selegma-at apma imbisebag-o.