Kisah Para Rasul 16:17 - Allah Wene Hurumbik Keron

¹⁷ at hole etno fobik nit Paulus ninim ninombolim waharisireg, une suon uruk wilil, “It ap At Allah suon anggimbu werehon du hinilanggen isimiek-o. Iren fobik hinili wawag ulug wene etno yig hisaruk-o,”

Kisah Para Rasul 16:17 ပူးပေါင်းရင်းမြစ်များ

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Matius 8:29

Eke it etno At Yesus inune suon yig ituk wilil, “Hat Allah Amloho wai, keroho seko ninombisahiog ulug wahen-o? War ninabuk sambit etno awan waharuk eleg heheg, war ninabiog ulug wahen ano?” ulug yig epag.

Markus 1:24

une suon uruk wilil, “Yesus, Nazaret ap du wai. Hat keroho siog ulug wahen-o? Hat ninusiog ulug wahen ano?” ulug yig ituk apareg, eke fobik yig ituk wilil, “Hat hebe At Allah Amloho fano mondog suruk ahenon hiyihi-o. Eke Hat hebe etno an niluk-o,” ulug yig ituk apagma,

Markus 12:14

Lahap isebahon epmano At Yesus ambeg waharuk apareg, yig ituk wilil, “Ninowe Yesus wai, Hat hobabut fano heyehe-o. It apheyen inahla burukon inim, eke ap misig suon ano doron ulug inahla burukon inim obog-at hahlahiroho wilil, honggarehen-at hakol elehepfulug selegmaroho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o. Ari halug, at Kaisar inowe inuk suon etnowen uang anggen og nimiek-o, ulug kino uruk halug, og imuk ano, sohorep isuk ano?” haren yig nisimin-o,

Markus 5:7

Heahi watuk apareg, une suon yig ituk wilil, “Hat Yesus Allah boholmon Amloho wai. An keroho seko nombahiog ulug wahen-o? Haren an nowabuk nowen ulug At Allah inuk fam yig hirihi-o,” ulug yig epag.

Lukas 1:77

Yatuk aruhunteg, it aphe obog yig isaruk wilil, ‘Hiren dag suruk atikibon epmano sohorep isalug, hinobam hinapelegsoho apma hinombisahaku etno fam, hinahap wendaruhu-o,’ ulug haren yig isaruk aruhun-o.

Lukas 1:79

Eke nit obog aphe warehon wereg ambeg neken o hikmu wereg nisalug, ninonggalem fanowon etno lawag ulug aren o selegma ninombisaharuk-o,” ulug uruk wilil, at Zakharia etnowen di misig ebag.

Lukas 20:21

Inahla buruk apagma, it uang anggen herako og isebahon epmano At Yesus ambeg laruk apareg, yig ituk wilil, “Ninowe yanggul nisarukon wai, Haren wene yig isaruk wilil, demat yanggul isaruk ahenon epmano niniluk-o. Eke it apheyen ap misig suon ano, doron ano ulug inahla burukon etno hahlahiroho wilil, Haren yig isaruk ahen ari, At Allahen wene duroho suruk amuk eke duroho suruk am fug ulug yig isebahon etno demat yig isaruk ahenon etno niniluk-o.

Lukas 4:34

une suon uruk apag, “Yesus Nazaret ap du wai. Keroho seko ninombisahiog ulug wahen-o? Hat ninusiog ulug wahen ano? Eke Hat At Allah Amloho dag suruk ahen fuhon etno-at hiyihi-o. Hat hebe an niluk-o” ulug yig ituk apagma,

Lukas 4:41

Eke it nin setan inindimu werehon epmano wilip atuk apareg, inune suon yig ituk wilil, “Hat hebe Allah Amloho-At heyehe-o,” ulug yig ituk apagma, iren, “At Yesus ari Kristus At-o,” uk nowen ulug winimug yig isebag.

Lukas 8:28

Epmano wilil, At Yesus etno ilanggen haruk apareg, uruk wilil ut wanduksoho Yesus ambeg etano ying atuk apareg, une suon yig ituk wilil, “Hat Yesus Allah boholmon Amloho wai. Hat keroho dag seko nombahiog ulug buruk ahen-o? Haren an nowabuk nowen ulug yig hirihi-o,” ulug yig epag.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Kisah Para Rasul 18:26

Ariroho iluk wilil, akol elegsoho-at it Yahudi ap o Allah wene uruk ambeg epmano yig isarisi. Yig isaruk atisimu, it Priskila Akwila inesanggo holtuk atusareg, at ebe walug inibam kurusa. Kuruk atusareg, iren At Allahen sebahon epmano fikfag yanggul itusa.

Kisah Para Rasul 19:13

Ariroho surukmu, it Yahudi ap nin o misig keheg sil waharuk atusareg, it aphe setan inindimu werehon epmano At Ninowe Yesus inuk fam wilip inabulen ulug inahla burusa. Ariroho inahla buruk atusareg, it setan epmano yig isaruk wilil, “At Paulusen yig hisaruk etno hag, nit Yesus inuk fam yig hisarukmu, wilip amiek-o,” ulug

1 Petrus 2:16

Eke hit Allah anggimbu wilil, ap inindi werehonen fanoroho suruk etno hag suruk amiek-o.

2 Petrus 2:2

Suontepataruk amuhubon oke, eke it aphe nin inesanggo holuhup-o. Holtuk amuhupseg, demat wene etno seberepfulug sohorep isahup-o.